ત્રિપુરાના પૂર્વ CM બિપ્લબ દેબના ઘર પર હુમલો, આ લોકો પર લાગ્યો આરોપ

ત્રિપુરાના પૂર્વ CM બિપ્લબ દેબના પૈતૃક ઘર પર હુમલો થયો છે. હુમલાખોરોએ તેમના ઘરની આસપાસની દુકાનોમાં પણ આગચંપી કરવાની ઘટનાને અંજામ આપ્યો છે. બદમાશોએ કારમાં તોડફોડ કરતા કાચ તોડી નાખ્યા હતા. CPMના કાર્યકરો પર આ ઘટનાને અંજામ આપવાનો આરોપ છે. જે પૂર્વ CMના ઘર પર હુમલો થયો છે તે ગોમતી જિલ્લાના ઉદયપુર સબ-ડિવિઝનના જામજુરીમાં આવેલું છે.

BJP સાથે સંકળાયેલા સૂત્રોનો દાવો છે કે, બિપ્લબ દેબના પિતા સ્વર્ગસ્થ હિરુધન દેબની યાદમાં અહીં વાર્ષિક અનુષ્ઠાનનું આયોજન કરવામાં આવતું હતું, પરંતુ તેના એક દિવસ પહેલા જ કમ્યુનિસ્ટ પાર્ટીના સમર્થકોએ આ ઘટનાને અંજામ આપ્યો હતો. જ્યારે આ ઘટના બની ત્યારે ઘરમાં કોઈ નહોતું.

પોલીસ સૂત્રોના જણાવ્યા અનુસાર, હુમલા દરમિયાન પાર્ટીના ઝંડા તોડી નાખવામાં આવ્યા હતા. આ પછી એક દુકાન અને કેટલાક વાહનોમાં તોડફોડ કર્યા બાદ આગ ચાંપી દીધી હતી.

ત્રિપુરાના પૂર્વ CM બિપ્લબ દેબના પૈતૃક ઘર પર હુમલાની માહિતી મળતા જ પોલીસના ઉચ્ચ અધિકારીઓ અને સ્થાનિક પોલીસ સ્ટેશનની ટીમ ઘટનાસ્થળે પહોંચી ગઈ હતી. આ દરમિયાન BJPના કાર્યકરો પણ મોટી સંખ્યામાં ત્યાં એકઠા થઈ ગયા હતા અને હંગામો મચાવ્યો હતો. હાલ પોલીસ સમગ્ર મામલાની તપાસ કરી રહી છે. બીજી તરફ કેટલાક લોકો આ ઘટના પાછળ CPM કાર્યકર્તાઓનું ષડયંત્ર જણાવી રહ્યા છે.

ભીડમાં હુમલાનો ભોગ બનેલા પૂજારી જિતેન્દ્ર કૌશિકે જણાવ્યું કે, 'હું મા ત્રિપુરા સુંદરી મંદિરના દર્શન કરવા આવ્યો હતો. હું બુધવારે યોજાનાર યજ્ઞની તૈયારીઓ જોવા મારા ગુરુદેવજીની સૂચનાથી અહીં આવ્યો હતો, ત્યારે અચાનક એક ટોળું આવ્યું અને મારા પર હુમલો કર્યો અને મારા વાહનની તોડફોડ કરી. આસપાસના લોકો અને સ્થાનિક લોકો એકઠા થઈ જતાં હુમલાખોરો નાસી છૂટ્યા હતા.

અહીં તમને જણાવી દઈએ કે, 15 મે 2022ના રોજ બિપ્લબ દેબના સ્થાને માણિક સાહાને ત્રિપુરાના CM બનાવવામાં આવ્યા હતા. અગાઉ, એપ્રિલ 2022માં, માણિક સાહા ત્રિપુરાની માત્ર એક રાજ્યસભા બેઠક પરથી રાજ્યસભાના સભ્ય તરીકે ચૂંટાયા હતા. તેમનો કાર્યકાળ એપ્રિલ 2028માં પૂરો થવાનો હતો. પરંતુ તે પહેલા રાજકીય ઉથલપાથલ થઈ હતી.

त्रिपुरा: कुछ अज्ञात लोगों ने उदयपुर में त्रिपुरा के पूर्व मुख्यमंत्री बिप्लब देब के जमजुरी स्थित पुश्तैनी घर पर हमला किया और आग लगा दी। वहां कई गाड़ियों में तोड़-फोड़ भी की गई। pic.twitter.com/Brx8s9c822

— ANI_HindiNews (@AHindinews) January 3, 2023

સપ્ટેમ્બર 2021માં, બિપ્લબ દેબ વિવાદોમાં ફસાઈ ગયા. ત્યારબાદ તેમના પર ન્યાયતંત્રની 'મજાક' કરવાનો આરોપ લગાવવામાં આવ્યો હતો. તૃણમૂલ કોંગ્રેસના સાંસદ અને CM મમતા બેનર્જીના ભત્રીજા અભિષેક બેનર્જીએ દેબ પર પોતાનું નિવેદન ટ્વીટ કરતા નિશાન સાધ્યું હતું. ત્રિપુરા સિવિલ સર્વિસ ઓફિસર્સ એસોસિએશનના દ્વિવાર્ષિક સંમેલનને સંબોધતા, તત્કાલિન CM બિપ્લબ દેબે સિવિલ સેવકોને વિનંતી કરી હતી કે, તેઓ તેમના કામના માર્ગમાં ન્યાયતંત્રનો ડર ન આવવા દે.

हमारे गुरुजी के सानिध्य में यहां कल पूजा होनी थी। हम यहां यज्ञ निरीक्षण के लिए आए थे। अचानक से यहां भारी भीड़ आई और उन्होंने मुझ पर जानलेवा हमला कर दिया। वो कहते रहें कि आएगी तो CPM आएगी नहीं तो कोई नहीं रहेगा: सुप्रीम कोर्ट में अभ्यासरत वकील जितेंद्र कौशिक, उदयपुर pic.twitter.com/jgLuY9JO7t

— ANI_HindiNews (@AHindinews) January 3, 2023

આ કાર્યક્રમનો વીડિયો સોશિયલ મીડિયા પર વાયરલ થયો હતો, ત્યારબાદ વિપક્ષી દળોએ બિપ્લબ દેબ પર પ્રહારો કર્યા હતા. ટ્વિટર પર પ્રહાર કરતાં TMC સાંસદ અભિષેક બેનર્જીએ કહ્યું હતું કે, તેમણે લોકશાહીની શરમજનક મજાક ઉડાવી, માનનીય ન્યાયતંત્રની મજાક ઉડાવી.