બદ્રી-કેદાર જવાના હો તો એલર્ટ રહેજો, જુઓ Video

ભારતમાં પહાડીય વિસ્તારોમાં ભારે વરસાદની વચ્ચે ઉત્તરાખંડમાં લેન્ડસ્લાઈડનું સિતમ હજુ પણ ચાલુ જ છે. ખરાબ વાતાવરણને લીધે ઘણી જગ્યાઓ પર સતત લેન્ડસ્લાઈડ જોવા મળી રહી છે. જાણકારી અનુસાર, 25 જુલાઈના રોજ બદ્રીનાથ નેશનલ હાઈવે પર લેન્ડસ્લાઈડની ઘટના સામે આવી છે. રસ્તા પર કાટમાળને પગલે હાઈવે બંધ કરવામાં આવ્યો છે.

ચમોલી પોલીસ અનુસાર, બદ્રીનાથ હાઈવે પર નંદપ્રયાગ અને પુરસારીની પાસે રસ્તાના કાટમાળને કારણે તેને બંધ કરવામાં આવ્યો છે. ચમોલી પોલીસે આ વિસ્તારનો એક વીડિયો પણ શેર કર્યો છે. જણાવીએ કે વરસાદને લીધે ઘણી જગ્યાઓ પર લેન્ડસ્લાઇડ જોવા મળી રહી છે. ચીડના લાંબા વૃક્ષો પહાડોની સાથે રસ્તાઓ પર ધસી આવ્યા છે. તેની સાથે જ લેન્ડસ્લાઇડનું કાટમાળ નીચે વહી રહેલી નદીમાં ધસી રહ્યું છે. તેને લીધે રસ્તો જ નહીં પણ નદીની ધારા પણ મુશ્કેલી આવી રહી છે.

યમનોત્રી નેશનલ હાઈવે બંધ

યમનોત્રી નેશનલ હાઈવે પહાડો પરથી પડેલા કાટમાળને લીધે પાછલા 4 દિવસોથી બંધ છે. જે હજુ સુધી ખોલી શકાય એમ નથી. સતત પડી રહેલા વરસાદને કારણે ઉત્તરાખંડમાં 300થી વધારે રસ્તાઓ બંધ છે. જેને ખોલવા માટે નેશનલ ડિઝાસ્ટર મેનેજમેન્ટમાં PMGSYને તૈનાત કરવામાં આવ્યા છે. રસ્તાઓ ખોલવામાં તો આવી રહ્યા છે પણ વરસાદને લીધે ફરીથી બંધ કરવામાં આવી રહ્યા છે. જેને કારણે મુસાફરોને પરેશાનીનો સામનો કરવો પડી રહ્યો છે.

તીર્થ યાત્રાઓ પર પણ અસર

આ પહેલા ડાબરકોટના પહાડોથી પડેલા પથ્થરોની તસવીરો સામે આવી હતી. પહાડો પરથી પડી રહેલા આ પથ્થરોની અસર તીર્થ યાત્રીઓ પર પણ પડી રહી છે. તીર્થ યાત્રીઓના વાહનોને સુરક્ષિત સ્થાનો પર રોકવામાં આવી રહ્યા છે. પાછલા દિવસોમાં આ પથ્થરો પડવાને કારણે એક પોલીસ કર્મીનું મોત થયું હતું.

હવામાન વિભાગે ફરી એકવાર વરસાદ પડવાની આગાહી આપી છે. ઉત્તરાખંડના મોટા ભાગના વિસ્તારોમાં આવનારા 5 દિવસો સુધી ભારે વરસાદનું એલર્ટ છે. ઉત્તરાખંડના બધા વિસ્તારોમાં 30 જુલાઈ સુધી વરસાદનું ગ્રહણ રહેશે.

Uttarakhand | Road near Nandaprayag and Pursari, on the Badrinath National Highway, blocked due to debris: Chamoli Police

(Video source - Chamoli Police Uttarakhand's twitter account) pic.twitter.com/CuaRBENKCS

— ANI UP/Uttarakhand (@ANINewsUP) July 25, 2023

દેહરાદૂનના બધા વિસ્તારોમાં 28 જુલાઈ સુધી સામાન્ય વરસાદ પડી શકે છે. આ દરમિયાન મહત્તમ તાપમાન 30 થી 34ની વચ્ચે રહેશે તો ન્યૂનતમ તાપમાન 23 થી 24ની વચ્ચે રહી શકે છે. ચમોલીમાં આ તાપમાન 20 થી 21 ડિગ્રીની વચ્ચે નોંધવામાં આવી શકે છે.