પગ લપસી જતા તળાવમાં ડૂબતી ભાભીને બચાવવા નણંદ કૂદી, બંનેના મોત

રાજસ્થાનના જયપુરના સુલ્તાનિયા ગામેથી એક દુખદ ઘટના સામે આવી. અહીં ગામમાં તળાવે પાણી લેવા ગયેલી મહિલાનો પગ લપસી જવાથી તે ડૂબી ગઇ. તેને બચાવવા માટે મહિલાની નણંદ પણ તળાવમાં કૂદી ગઇ. આ ઘટનામાં બંને મહિલાના તળાવમાં ડૂબી જવાથી મોત થયા છે. સુલ્તાનિયા ગામમાં શોકનો માહોલ છે. સાથે જ પરિવાર પણ શોકમાં છે.

કાર્યવાહક પોલીસ અધિકારી દયાચંદ મીણાએ જણાવ્યું કે, રાજેશ ગુર્જર નામના વ્યક્તિએ રિપોર્ટ નોંધાવી કે તેની ભાભી પિંકી ઉંમર 28 વર્ષ અને 22 વર્ષીય બહેન ગુડ્ડી ખેતરમાં ચારો લેવા ગઇ હતી. ગામના તળાવમાંથી પિંકી પાણી લેવા ગઇ હતી. જ્યાં તેનો પગ લપસી જતા તે ઊંડા પાણીમાં ડૂબવા લાગી. ભાભીને ડૂબતી જોઇ તેને બચાવવા માટે ગુડ્ડી પણ તળાવમાં કૂદી પડી. તળાવમાં જળકુંભીના લીધે નણંદ અને ભાભી તેમાં ફસાઈ ગયા અને બહાર આવી શક્યા નહીં. ડૂબવાને લીધે બંનેએ દમ તોડી દીધો.

આખા ગામમાં માતમ

ગામના એક જ ઘરમાંથી બે મહિલાઓના મોત પછી જ્યાં આખુ પરિવાર ગમમાં છે તો ગામમાં પણ માતમ છવાયો છે. સૌ કોઈ પીડિત પરિવારને સાંત્વના આપવામાં લાગ્યા છે. મૃતક પિંકીની દોઢ વર્ષની દીકરી અને 3 વર્ષનો દીકરો છે. અબોધ બાળકોના માથેથી માતાનું આંચલ છીનવાઇ જતા તેમના ઉછેર કરવાની જવાબદારી મજૂરી કરનારા પિતાના ખભે આવી ગઇ છે. પિંકીનું સુલ્તાનિયા ગામમાં અંતિમ સંસ્કાર કરવામાં આવ્યું. જ્યારે મૃતક ગુડ્ડીનું અંતિમ સંસ્કાર તેના સાસરે પાલૂકલામાં કરવામાં આવ્યું.

ગામમાં નણંદ અને ભાભીના ડૂબવાની વાત સામે આવતા ગામના લોકો તેમને બચાવવા તળાવમાં દોડી પડ્યા. ગ્રામીણો દોરડું બાંધીને તેમના શવ શોધવાનું શરૂ કર્યું. પહેલા પિંકીને બહાર કાઢીને તેના શરીરમાંથી પાણી કાઢવાનો પ્રયાસ કર્યો પણ ત્યા સુધીમાં તેનું મોત થઇ ચૂક્યું હતું. તો ગુડ્ડીનું શવ ઊંડા પાણીમાં જવાને લીધે થોડા સમય પછી કાઢવામાં આવ્યું. છતાં તેને પણ બચાવી શકાય નહીં.

મોર્ચરીનો અભાવ, ગંદા રૂમમાં પોસ્ટમોર્ટમ

કહેવામાં આવે તો ફાગીમાં ઉપજિલ્લા હોસ્પિટલ છે. પણ અહીં સુવિધાઓનો અભાવ છે. હોસ્પિટલ કોરિડોરમાં પહેલા બનવવામાં આવેલી મોર્ચરીની ચારેય બાજુ બબૂલના વૃક્ષો છે. રસ્તા કીચડવાળા હોવાના કારણે ડૉક્ટરો શવનું પોસ્ટમોર્ટમ કરવા માટે હોસ્પિટલના કોરિડોરના વીરાન જગ્યા જોઇ પોસ્ટમોર્ટમ કરી પોતાના કર્તવ્યથી પલ્લુ ઝાડી રહ્યા છે. નણંદ અને ભાભીના શવને પણ ડૉક્ટરોએ પ્યાઉની પાસે પદડાથી ભરેલા ગંદા રૂમમાં ઉતાવળમાં પોસ્ટમોર્ટમ કરી પરિજનોને સોંપી દીધા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.