ભારતીય કુશ્તી મહાસંઘ (WFI)ના પૂર્વ અધ્યક્ષ અને ભારતીય જનતા પાર્ટી (BJP)ના સાંસદ વૃજભૂષણ શરણ સિંહ વિરુદ્ધ 6 મહિલા પહેલવાનો દ્વારા દાખલ કરવામાં આવેલા યૌન ઉત્પીડનના કેસની સુનાવણી આજે દિલ્હીના રાઉજ એવેન્યૂ કોર્ટમાં થઇ છે. જેમાં તેને વચગાળાના જામીન મળ્યા છે. આ દરમિયાન મહિલા પહેલવાનોએ વૃજભૂષણ વિરુદ્ધ આરોપોની તપાસ કરવા માટે બનાવવામાં આવેલી ઇન્વેસ્ટિગેશન પેનલ પર સવાલ ઉઠાવતા કહ્યું છે કે પેનલ પક્ષપાત કરી રહી છે.
સરકારે 6 સભ્યોની પેનલ બનાવી છે, જેમાં મેરી કોમ પણ સામેલ છે. પેનલે સરકારને પોતાનો રિપોર્ટ સોંપી દીધો છે. જો કે, આ રિપોર્ટ સાર્વજનિક કરવામાં આવ્યો નથી. મહિલા પહેલવાનોનું કહેવું છે કે, પેનલની તપાસ પક્ષપાતપૂર્ણ રહી છે. 1599 પાનાંની ચાર્જશીટમાં 44 અન્ય સાક્ષીઓના નિવેદન નોંધવામાં આવ્યા છે. એ સિવાય 6 ફરિયાદકર્તાઓના પણ નિવેદન CRPC 164 હેઠળ નોંધવામાં આવ્યા હતા. એક પહેલવાને કહ્યું કે, ઓવરસાઇટ કમિટીને નિવેદન આપ્યા બાદ પણ જ્યારે હું ફેડરેશનની ઓફિસ પહોંચી ત્યારે પણ આરોપી મને ખોટી રીતે ઘૂરી રહ્યા હતા.
પહેલવાને કહ્યું કે, તેમના હાવભાવથી મારા માટે અસહજની સ્થિતિ બની ગઈ. જ્યારે હું નિવેદન નોંધાવી રહી હતી, ત્યારે પણ વચ્ચે વચ્ચે વીડિયો રોકી દેવામાં આવતો હતો. મેં કમિટી પાસે વીડિયોની કોપી પણ માગી હતી. મને ડર છે કે આખું નિવેદન જ નોંધવામાં આવ્યું નથી અને તેની સાથે છેડછાડ કરવામાં આવી છે. બીજી ફરિયાદકર્તા પહેલવાને કહ્યું કે, તેને WFI સેક્સુઅલ હેરેસમેન્ટ કમિટીની સભ્ય બનાવવામાં આવી હતી, પરંતુ કમિટી એવા કેસોમાં તેની સહમતી લેતી નથી. મને ક્યારેય કોઈ કેસમાં ઔપચારિક સંપર્ક કરવામાં આવ્યો નથી.
તેણે આગળ કહ્યું કે, મારી સહમતી વિના મને કમિટીમાં સામેલ કરવામાં આવી અને હવે કહેવામાં આવી રહ્યું છે કે હું ખોટા આરોપ લગાવી રહી છું. તેણે પણ આરોપ લગાવ્યો કે, પેનલે તેના નિવેદનની કોપી તેને આપી નથી. તેણે કહ્યું કે, મને શંકા છે કે મારા વીડિયોનો ઉપયોગ કરી આરોપીને બચાવવાનો પ્રયાસ કરી શકાય છે એટલે એક કોપી માગી હતી. જો કે, પેનલે મારી માગને માનવાની ના પાડી દીધી. પોલીસે પોતાની ચાર્જશીટમાં કહ્યું છે કે ડિજિટલ ઇલેક્ટ્રોનિક ડિવાઇસિસના રિઝલ્ટ, સંબંધીત ફોરેન્સિક લેબમાં જમા કરવામાં આવ્યા છે અને અત્યારે મળ્યા નથી. પછી તેને પણ સપ્લિમેન્ટ્રી રિપોર્ટમાં ફાઇલ કરવામાં આવશે.
15.jpg)
