'અતિક-અશરફને ઉપર પહોંચાડવામાં BJPની સિદ્ધિ' કહીને BJPના MLAએ વોટ માગ્યા

PC: twitter.com

પોલીસ કસ્ટડીમાં માફિયા અતીક અહેમદ અને તેના ભાઈ અશરફની હત્યા પર BJPએ અત્યાર સુધી મૌન ધારણ કર્યું હતું, પરંતુ હવે BJPએ નગરપાલિકા ચૂંટણી પ્રચારમાં તેની સિદ્ધિઓ કહેવાનું શરૂ કર્યું છે. સહારનપુરના BJPના ધારાસભ્ય રાજીવ ગુમ્બરે અતીક અને અશરફની હત્યાને BJPની સિદ્ધિ ગણાવી હતી.

એક કાર્યક્રમમાં બોલતા BJPના ધારાસભ્ય રાજીવ ગુંબરે કહ્યું કે, માફિયાઓ પર બુલડોઝર ચલાવવામાં આવ્યું કે નહીં..., અતીકને ઉપર પહોંચાડવામાં આવ્યો કે નહીં..., અશરફને પણ ઉપર પહોંચાડવામાં આવ્યો કે નહીં..., તો આવી રીતે સહારનપુરમાંથી પણ ગુંડાઓને બહાર કાઢવા જોઈએ. જો તેવું કરવું હોય તો, ડૉ. અજય સિંહને જીતાડવા જરૂરી છે., આવું કહેતાંની સાથે જ ત્યાં હાજર લોકોએ તેમના આ નિવેદન પર ખુબ તાળીઓ પાડી હતી.

સહરાનપુરમાં બુધવારે એટલે કે ગઈકાલે બપોરે BJPના ચૂંટણી કાર્યાલયના ઉદ્ઘાટન પ્રસંગે BJPના કાર્યકર્તાઓને સંબોધિત કરતી વખતે ધારાસભ્ય રાજીવ ગુમ્બરે રાજ્યના વિકાસ કાર્યો અને સિદ્ધિઓની સાથે માફિયાઓને ઉપર પહોંચાડવા માટે પણ રાજ્યની યોગી સરકારની સિદ્ધિઓ હોવાનો સીધો ઉલ્લેખ કર્યો હતો.

આના પરથી એવું લાગે છે કે, BJP અતીક અને અશરફ હત્યા કેસને પોતાની સિદ્ધિ તરીકે અને ચૂંટણીના હથિયાર તરીકે ઉપયોગ કરવાનો પ્રયાસ કરી રહી છે. સહારનપુર શહેરના ધારાસભ્ય રાજીવ ગુમ્બરનું અતીક અને અશરફ હત્યા કેસ પર નિવેદન સોશિયલ મીડિયા પર ખૂબ વાયરલ થઈ રહ્યું છે.

બીજી તરફ UP સરકારના મંત્રી કુંવર બ્રિજેશ સિંહે કહ્યું, 'જે લોકો અતીક-અશરફની હત્યાની CBI તપાસની માંગ કરી રહ્યા છે, તેઓને મારી વિનંતી છે કે તપાસની માંગ કરનારાઓની પહેલા CBI તપાસ થવી જોઈએ... કયા લોકોના પક્ષ દ્વારા, કયા લોકોના પરિવાર દ્વારા તે માફિયાઓનો વિકાસ થયો હતો.'

UP સરકારના મંત્રી કુંવર બ્રિજેશ સિંહે કહ્યું, 'અમે કોઈપણ પ્રકારની તપાસથી ડરતા નથી. માનનીય CM યોગી આદિત્યનાથે તાત્કાલિક આ ઘટનાની ગંભીર નોંધ લીધી અને ન્યાયિક પંચની રચના કરી. તેનો વિગતવાર અહેવાલ આવ્યા બાદ, તેના પર વ્યાપક ચર્ચા થશે, તેના આધારે જે કોઈ પણ દોષી હશે તેના પર સખત કાર્યવાહી કરવામાં આવશે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp