વિશ્વના સૌથી ઊંચા યુદ્ધ ક્ષેત્ર પર તહેનાતી મેળવી કેપ્ટન શિવાએ રચ્યો ઇતિહાસ

આજના સમયમાં મહિલાઓ કોઇ પણ ક્ષેત્રમાં પુરૂષોથી પાછળ નથી. ત્યાં સુધી કે, દેશની રક્ષામાં પણ મહિલાઓ આગળ વધીને હિસ્સો લઇ રહી છે અને દેશની સેવા કરી રહી છે. આ રીતે કેપ્ટન શિવા ચૌહાણ પણ જેણે પોતાના કારનામાથી ઇતિહાસ રચ્યો છે. ફાયર એન્ડ ફ્યુરી કોર્પ્સ અધિકારી કેપ્ટન શિવા ચૌહાણ સિયાચીન ગ્લેશિયર પર કુમાર પોસ્ટના સૌથી ઊંચા યુદ્ધના મેદાનમાં સક્રિય રૂપે તહેનાત થનારા પહેલા મહિલા અધિકારી બની ગયા છે.

ભારતીય સૈનાના ફાયર એન્ડ ફ્યુરી કોર્પ્સના આધિકારિક ટ્વીટર હેન્ડલથી કરવામાં આવેલી ટ્વીટમાં કહેવાયું છે કે, ફાયર એન્ડ ફ્યુરી સેપર્સના કેપ્ટન શિવા ચૌહાણ વિશ્વના સૌથી ઊંચા યુદ્ધક્ષેત્ર કુમાર પોસ્ટમાં સક્રિય રૂપે તહેનાત થનારા પહેલા મહિલા અધાકારી બની ગયા છે. કુમાર પોસ્ટમાં પોસ્ટિંગ પહેલા શિવાએ કઠિન પ્રશિક્ષણથી પસાર થવું પડ્યું હતું.

'Breaking the Glass Ceiling'

Capt Shiva Chauhan of Fire and Fury Sappers became the first woman officer to be operationally deployed in Kumar Post, post completion of arduous training, at the highest battlefield of the world #Siachen.#SuraSoi@PMOIndia @DefenceMinIndia @adgpi pic.twitter.com/nQbmJxvLQ4

— @firefurycorps_IA (@firefurycorps) January 3, 2023

સિયાચીન ગ્લેશિયર ધરતી પર સૌથી ઊંચું યુદ્ધ મેદાન છે, જ્યાં ભારત અને પાકિસ્તાન વચ્ચે 1984થી થોડા થોડા સમયના અંતરે લડાઇ થયા જ કરે છે. સપ્ટેમ્બર, 2021માં સિયાચીન ગ્લેશિયર પર વિશેષ રૂપે વિકલાંગ આઠ લોકોની એક ટીમે 15632 ફૂટની ઊંચાઇ પર સ્થિત કુમાર પોસ્ટ પહોંચીને વર્લ્ડ રેકોર્ડ બનાવ્યો હતો.

ફાયર એન્ડ ફ્યુરી કોર્પ્સના ઓફિશિયલ ટ્વીટર હેન્ડલ તરફથી બે તસવીરોને પણ પોસ્ટ કરવામાં આવી છે. જેમાં એક તસવીરમાં શિવા ચૌહાણ ઊભેલા નજરે પડી રહ્યા છે અને બીજી તસવીરમાં તેઓ પોતાના બાકીના અધિકારીઓ સાથે ફોટો શેર કરી રહ્યા છે. ગ્રુપની તસવીરની પાછળ ભારતનો તિરંગો ઝંડો પણ નજરે પડી રહ્યો છે. તસવીરમાં ચારે બાજુ બરફ જ બરફ નજરે પડી રહ્યો છે. સિયાચીન ગ્લેશિયર બેટલ ફીલ્ડનું તાપમાન શિયાળામાં લગભગ માઇનસ 30 ડિગ્રી સેલ્સિયસ સુધી પણ નીચે પડી જાય છે. આ પ્રકારની હાડ થિજાવતી ઠંડીમાં પણ ભારતના સૈનિકો દેશની રક્ષા કરવા માટે 24 કલાક તહેનાત રહે છે અને દેશની રક્ષા કરવા માટે અડગ રહે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.