રિષભ પંતની ખબર પૂછવા CM હોસ્પિટલ પહોંચ્યા, આપ્યું તેનું હેલ્થ અપડેટ

ઉત્તરાખંડના મુખ્યમંત્રી પુષ્કર સિંહ ધામી ક્રિકેટર રિષભ પંતને મળવા માટે મેક્સ હોસ્પિટલ પહોંચ્યા હતા. મુખ્યમંત્રી ધામીએ કહ્યું કે, બે દિવસોમાં રિષભ પંતની હાલતમાં ઘણો સુધારો આવ્યો છે. ડોક્ટર અને BCCIના લોકો સતત સંપર્કમાં છે. મુખ્યમંત્રીએ કહ્યું કે, હજુ રિષભ પંત મેક્સ હોસ્પિટલમાં જ રહેશે. બહારની ઇજાઓ સારી થયા પછી જ તેના લિગામેન્ટની ટ્રીટમેન્ટ વિશે આગળ નિર્ણય લેવામાં આવશે.

મુખ્યમંત્રી ધામીએ મીડિયાને જાણકારી આપી કે, બે દિવસોમાં રિષભ પંતની હાલતમાં ઘણો સુધારો આવ્યો છે. ડોક્ટર અને BCCIના અધિકારીઓ સતત સંપર્કમાં રહે છે. મુખ્યમંત્રી પુષ્કર સિંહ ધામીની રિષભ પંતની માતા સાથે પણ વાતચીત થઇ છે. તે દરેક લોકો જે ઇલાજથી સંતુષ્ટ છે. અમે પ્રાર્થના કરીએ છીએ કે, તે જલ્દી સારો થઇ જાય.

મુખ્યમંત્રી પુષ્કર સિંહ ધામીએ એલાન કર્યું છે કે, તેમની સરકાર ગણતંત્ર દિવસ પર બન્નેને સન્માનિત કરશે. ધામીએ કહ્યું કે, ડ્રાઇવર અને કંડક્ટરે રિષભ પંતનો જીવ બચાવવા માટે પોતાનો જીવ જોખમમાં મૂક્યો હતો.

રિષભ પંતનો ઉત્તરાખંડની એક હોસ્પિટલમાં ઇલાજ ચાલી રહ્યો છે. 30મી ડિસેમ્બરના રોજ સવારે લગભઘ 5.30 કલાકે પંત દિલ્હીથી પોતાની માતાને મળવા અને સરપ્રાઇઝ આપવા માટે રૃડકી જઇ રહ્યો હતો અને તે જ સમયે રસ્તામાં એક ગંભીર દુર્ઘટના તેની સાથે થઇ હતી. આ દરમિયાન તેની કાર હમ્માદપુર ઝાલ પાસે રુડકીની નારસન બોર્ડર પર ડિવાઇડરથી અથડાઇ ગઇ હતી. ઘટના દરમિયાન તે કારમાં એકલો જ હતો. એક્સિડન્ટમાં તેની પીઠ, માથા અને પગમાં ગંભીર ઇજાઓ આવી છે.

ઘટના સ્થળ પરથી મળેલી તસવીરો અનુસાર, કાર સંપૂર્ણ રીતે સળગી ગઇ હતી અને દુર્ઘટનાના સમયે પંત ગાડી ચલાવી રહ્યો હતો. હરિદ્વાર SP સ્વપન કિશોરે કહ્યું કે, પંતને દેહરાદૂનની મેક્સ હોસ્પિટલમાં દાખલ કરવામાં આવ્યો હતો. તેમણે કહ્યું કે, જો પ્લાસ્ટિક સર્જરીની જરૂર હશે તો તેને દિલ્હી લઇ જવામાં આવી શકે છે. રિપોર્ટ્સ અનુસાર, તેને ગાડી ચલાવતી વખતે ઉંઘ આવી ગઇ હતી તેથી તેમે ગાડી પરથી કાબૂ ગુમાવી દીધો અને તેની ગાડી ડિવાઇડર સાથે અથડાઇ ગઇ હતી અને ગંભીર અકસ્માત થયો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.