સિનેમા હૉલ માલિકની મરજી ચાલશે, તે કોઇ જિમ નથી કે તમને પૌષ્ટિક આહાર મળે: SC

સિનેમા હૉલ મેનેજમેન્ટની અંગત સંપત્તિ છે, તો ત્યાં હૉલના માલિકની મરજી જ ચાલશે. સિનેમા હૉલ કોઇ જિમ નથી જ્યાં તમને પૌષ્ટિક આહાર મળશે. આ વાત સુપ્રીમ કોર્ટ (SC)એ જમ્મુ-કાશ્મીર હાઇ કોર્ટના આદેશ પર દાખલ થયેલી અરજીની સુનાવણી દરમિયાન કહી છે. સુપ્રીમ કોર્ટે આ ટિપ્પણી સાથે જમ્મુ-કાશ્મીર હાઇ કોર્ટના આદેશને સાઇડ પર કરી દીધો છે. આ આદેશમાં હાઇ કોર્ટે બાહ્ય ખાવા-પીવાનું હૉલમાં લઇ જવાની મંજૂરી આપી હતી, પરંતુ સુપ્રીમ કોર્ટે આ આદેશને અનુચિત બતાવતા કહ્યું કે, આ આદેશ આપતા હાઇ કોર્ટે પોતાના અધિકાર ક્ષેત્રનું ઉલ્લંઘન કર્યું છે.

સુપ્રીમ કોર્ટમાં આ અરજી જમ્મુ-કાશ્મીર સિનેમા હૉલ ઓનર્સ એસોસિએશન તરફથી દાખલ કરવામાં આવી હતી. આ કેસ જમ્મુ-કશ્મીરના એક સિનેમા હૉલ બહારથી લાવવામાં આવેલા આહાર પર પ્રતિબંધ લગાવવા સાથે જોડાયેલો છે. ચીફ જસ્ટિસ ડી.વાઇ. ચંદ્રચૂડ અને પી.એસ. નરસિંહાની પીઠે સુનાવણી દરમિયાન ઘણી રસપ્રદ ટિપ્પણીઓ કરી હતી. ચીફ જસ્ટિસ ઓફ ઇન્ડિયાએ કહ્યું કે, સિનેમા ઘરમાં જલેબી લઇ જવા ઇચ્છો તો સિનેમા હૉલ મેનજમેન્ટ તેને એમ કહેતા ના પાડી શકે છે કે જો જલેબી ખાઇને દર્શક સીટ સાથે પોતાની ચાસણીઓવાળી આંગળીઓ લૂછી દે તો ખરાબ થયેલી સીટની સફાઇનો ખર્ચ કોણ આપશે?

સિનેમા હોલ મેનેજમેન્ટને પણ ફરિયાદ છે કે લોકો મૂર્ગમલ્લમ લઇને આવે છે. ત્યારબાદ તેના હાડકાં ત્યાં છોડી જાય છે. તેનાથી પણ કેટલાક લોકોને પરેશાની થાય છે. ચીફ જસ્ટિસે કહ્યું કે, જ્યારે ટી.વી. પર 11 વાગ્યા બાદ કેટલાક ખાસ વર્ગની ફિલ્મોના પ્રસારણનો નિયમ બનાવવામાં આવ્યો તો તેનું ઉદ્દેશ્ય એ હતું કે બાળકોના સૂઇ ગયા બાદ વયસ્ક લોકો તે ફિલ્મ જોઇ શકે, પરંતુ તેના પર પણ ઘણા લોકોને આપત્તિ હતી. તેમનું કહેવું હતું કે, એ મોડી રાતમાં વયસ્ક તો ખાવા-પીવાનું પતાવીને સૂઇ જાય છે. બાળકો જ જાગતા રહે છે, તો એ સમયે વયસ્કોવાળી ફિલ્મો ન બતાવવામાં આવે.

વકીલો દ્વારા જમ્મુ-કાશ્મીર હાઇ કોર્ટના 18 જુલાઇ, 2018ના રોજ આપેલા નિર્ણયને સુપ્રીમ કોર્ટમાં પડકાર આપવામાં આવ્યો હતો. બાહ્ય ખાદ્ય પદાર્થ સિનેમા હોલમાં લઇ જવા પ્રતિબંધ લગાવતા નોટિસ પકડાવી દીધી હતી. સુરક્ષાકર્મીઓએ રોક્યા. દલીલ આપી કે થિયેટરવાળા પોતાના પરિસરમાં જ વેચતા ખાદ્ય સામાન જ ખરીદીને ખાવા મજબૂર કરે છે. એ સમાન પૌષ્ટિક હોય એ જરૂરી નથી. હાઇ કોર્ટે કહ્યું કે, આ પ્રતિબંધનું પરિણામ એ થયું કે, દર્શક ત્યાં જ વેચાતા સામાનને ખરીદવા મજબૂર થઇ જાય છે. સુપ્રીમ કોર્ટએ કહ્યું કે, નાના બાળકો માટે પીવાનું સ્વચ્છ પાણી ત્યાં મફત ઉપલબ્ધ કરાવવાના આદેશ પહેલાથી જ આપી રાખ્યા છે. આ દર્શકોનો અધિકાર અને ઇચ્છા છે કે તેઓ કયા થિયેટરમાં કઇ ફિલ્મ જોવા જાય. આમ પણ હૉલ મેનેજમેન્ટને અધિકાર છે કે ત્યાં  શું શું નિયમ બનાવવાના છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.