અજમેર શરીફ દરગાહની અંદર મારપીટ, વિવાદાસ્પદ સૂત્રોચ્ચાર બાદ અથડામણ, જુઓ વીડિયો

અજમેર દરગાહમાં ઉર્સ દરમિયાન હંગામો અને લડાઈ થઈ છે. રિપોર્ટ મુજબ, વિવાદાસ્પદ સૂત્રોચ્ચારને લઈને આ મારપીટ થઈ છે. જેમાં ખાદિમ અને ઝરીન એકબીજા સાથે લડી પડ્યા. આ લડાઈમાં ઘણા લોકોને ઇજા પહોંચી છે. ખ્વાજા મોઇનુદ્દીન ચિશ્તીની દરગાહમાં 811મી ઉર્સ દરમિયાન આ લડાઈ થઈ છે. રિપોર્ટ મુજબ બરેલવી સમાજના કેટલાક લોકોએ અજમેર શરીફ દરગાહની અંદર સૂત્રોચ્ચાર કર્યા હતા. આ પછી દરગાહના ખાદિમ ગુસ્સે થઈ ગયા અને તેઓ સૂત્રોચ્ચાર કરી રહેલા લોકો સાથે લડાઈ કરવા લાગ્યા. જો કે, સ્થળ પર હાજર પોલીસની દરમિયાનગીરીથી મામલો શાંત થઈ ગયો.

ખરેખર, ખાદીમોનો આરોપ છે કે બરેલવી સમાજના લોકોએ દરગાહમાં સૂત્રોચ્ચાર કર્યા હતા જેનો તે લોકોએ વિરોધ કર્યો હતો. જો કે, કહેવામાં એવું પણ આવી રહ્યું છે કે દરગાહમાં હાજર જન્નતી દરવાજાની પાસે સૂત્રોચ્ચાર કરનારા લોકોની સાથે ખાદિમોની અથડામણ થઈ ગઈ, જેમાં ઘણા લોકો ઇજાગ્રસ્ત થઈ ગયા. આ મામલામાં કોઈ પણ પ્રકારની કોઈ ફરિયાદ પોલીસ સ્ટેશનમાં નોંધાવવામાં નથી આવી.

અથડામણ થતાં જ દરગાહના સ્ટેશન ઈન્ચાર્જ અમરસિંહ ભાટી ઘટનાસ્થળ પર પહોંચી ગયા અને બંને પક્ષો સાથે વાત કરીને મામલાને શાંત કરાવ્યો. તેમણે બંને પક્ષોની પણ એકબીજા સાથે વાત કરાવી અને સૂત્રોચ્ચારના કારણે થયેલી અથડામણના મામલાને શાંત કરવી દીધો. જો કે, આ લડાઈનો વીડિયો સોશિયલ મીડિયા પર હવે વાયરલ થઈ ગયો છે. વીડિયોમાં મોટી સંખ્યામાં લોકો એકબીજા સાથે લડતા જોવા મળી રહ્યા છે.

#Watch रजस्थान के अजमेर शरीफ दरगाह में सालाना उर्स के दौरान रविवार को कथित तौर पर विवादित नारेबाजी को लेकर जायरीन और दरगाह के खादिम आपस में भिड़ गए। इस दौरान दोनों ओर से जमकर लात-घूंसे चले। इस मारपीट के वीडियो सोशल मीडिया में वायरल हो रहे हैं।#Rajasthan #ViralVideos pic.twitter.com/ezCCBMMT1o

— Hindustan (@Live_Hindustan) January 30, 2023

દર વર્ષે ઉર્સ પ્રખ્યાત સૂફી સંતોમાંના એક ચિશ્તીની પુણ્યતિથિ પર આયોજન કરવામાં આવે છે. ચિશ્તીને 'ગરીબ નવાઝ'ના નામથી પણ ઓળખવામાં આવે છે. ઉર્સ દરમિયાન અજમેર શરીફ દરગાહમાં મોટી સંખ્યામાં લોકો પહોંચે છે અને ચાદર ચઢાવે છે. વડાપ્રધાન નરેન્દ્ર મોદી પણ દર વર્ષે ઉર્સ દરમિયાન પોતાના તરફથી દરગાહ માટે ચાદર ચઢાવવા માટે મોકલાવે છે. આ વર્ષે પણ તેમની ચાદર અહીં, ચઢાવવામાં આવી છે.