મહારાષ્ટ્ર નવનિર્માણ સેના (MNS)ના પ્રમુખ રાજ ઠાકરેએ બુધવારે પોતાના ગુડી પડવાના સંબોધનમાં એક ક્લિપ ચલાવી અને દાવો કર્યો કે, મુંબઇમાં માહિમ તટ પર એક ગેરકાયદેસર દરગાહ બની ગઈ છે. રાજ ઠાકરેએ ચેતવણી આપતા કહ્યું કે, આ કોની દરગાહ છે? શું તે માછલીની છે? તે 2 વર્ષ અગાઉ નહોતી. જો ગેરકાયદેસર નિર્માણને તાત્કાલિક ધ્વસ્ત ન કરવામાં આવ્યું તો અમે એ જ જગ્યાએ એક વિશાળ ગણપતિ મંદિરનું નિર્માણ કરીશું. જો કે, રાજ ઠાકરે દ્વારા શિવાજી પાર્કમાં પોતાની રેલી દરમિયાન નિર્માણનો એક વીડિયો દેખાડવાના એક દિવસ બાદ ગુરુવારે મુંબઈના માહિમમાં ગેરકાયદેસર દરગાહ પાડવાનું અભિયાન શરૂ થઈ ગયું.
વીડિયો પર કાર્યવાહી કરતા નગર કલેક્ટરે ઘટનાસ્થળનું નિરીક્ષણ કરવા અને દબાણ હટાવવા માટે 6 સભ્યોની ટીમ બનાવવામાં આવી. રાજ ઠાકરેએ આ મુદ્દા પર ચર્ચા માટે બુધવારે પોતાના આવાસ પર મહારાષ્ટ્ર નવનિર્માણ સેનાના કાર્યકર્તાઓની બેઠક બોલાવી હતી. રાજ ઠાકરેએ એમ પણ કહ્યું હતું કે, જો રાજ્ય સરકાર આ બાબતે કોઈ કાર્યવાહી કરતી નથી, તો તેઓ મસ્જિદોથી લાઉડસ્પીકર હટાવવા માટે પોતાના અભિયાનને ફરીથી શરૂ કરશે.
संपूर्ण व्हिडीओ : सन्मा. राजसाहेबांनी आज एक अत्यंत महत्त्वाची बाब समोर आणली... सरकारचं/प्रशासनाचं दुर्लक्ष झाल्यावर काय होतं ते पहा… माहीमच्या मगदूम बाबा दर्ग्याच्या इकडे समुद्रात हे अनधिकृत बांधकाम केलं. २ वर्षांपूर्वी हे काहीच नव्हतं. इथे नवीन हाजीअली तयार करणं सुरु आहे.… pic.twitter.com/BQ2CH1NmCb
— MNS Adhikrut - मनसे अधिकृत (@mnsadhikrut) March 22, 2023
મહારાષ્ટ્ર નવનિર્માણ સેનાના પ્રમુખ રાજ ઠાકરેએ ગયા વર્ષે તેમની પાર્ટીના કાર્યકર્તાઓ પર લગાવવામાં આવેલા 17 હજાર કેસોને પરત લેવાની માગ કરી હતી, જ્યારે તેમણે મસ્જિદો પરથી લાઉડસ્પીકર હટાવવાની માગને લઈને વિરોધ પ્રદર્શન કર્યું હતું. એક અંગ્રેજી અખબારના રિપોર્ટ મુજબ, વીડિયોને પછી મહારાષ્ટ્ર નવનિર્માણ સેનાના હેન્ડલથી શેર કરવામાં આવ્યો હતો.
જેમાં કહેવામાં આવ્યું હતું કે દિવસના અજવાળામાં સમુદ્ર વચ્ચે એક ‘નવો હાજી અલી’ તૈયાર કરવામાં આવી રહ્યો હતો, પરંતુ પોલીસ અને નગર પાલિકાને તેની જાણકારી પણ ન મળી. રાજ ઠાકરે મુંબઈના શિવાજી પાર્કમાં બુધવારે એક રેલીને સંબોધિત કરી રહ્યા હતા. વીડિયોમાં કેટલાક પોલ સાથે કિનારા પાસે એક દ્વીપ પ્રકારનો નાનકડો ભૂ-ભાગ દેખાડવામાં આવ્યો છે.
VIDEO | Mumbai Police and BMC officials with Bulldozers arrive to demolish the illegal construction behind Mahim dargah. In a public rally yesterday, MNS chief Raj Thackeray mentioned the structure coming up in the Arabian Sea in Mahim. pic.twitter.com/TZE4eTCYJN
— Press Trust of India (@PTI_News) March 23, 2023
આ વીડિયોમાં કેટલાક લોકોને સમુદ્રના પાણીમાંથી પસાર થતા અને પ્રાર્થના કરતા જોઈ શકાય છે. રાજ ઠાકરેએ તેને જ દરગાહના રૂપમાં દાવો કર્યો છે. પોતાના સંબોધનમાં તેમણે આગળ કહ્યું કે, હું દેશના સંવિધાનનું પાલન કરનારા મુસ્લિમોને પૂછવા માગું છું. શું તમે તેની નિંદા કરો છો? હું કોઈને ઝુકાવવા માગતો નહીં, પરંતુ જ્યારે જરૂરિયાત હશે તો મારે એમ કરવું પડશે. ગેરકાયદેસર દરગાહ માહિમમાં મખદુમ બાબાની દરગાહ પાસે છે. કેટલાક સોશિયલ મીડિયા યુઝર્સે રાજ ઠાકરે દ્વારા શેર કરવામાં આવેલા ફૂટેજને શેર કર્યો છે.
#Mumbai | BMC workers demolishing the ‘illegal dargah’ construction near Mahim coast
— HTMumbai (@HTMumbai) March 23, 2023
Yesterday, MNS Chief Raj Thackeray had showed a drone footage of the ‘illegal dargah’. Read what he said - https://t.co/HvrwKyxrKe pic.twitter.com/EG1j299Mx5
તો કેટલાકે દાવો કર્યો છે કે, માહિમાની રહસ્યમય દરગાહ ગૂગલ મેપ્સ પર પણ ઉપલબ્ધ છે. સાથે જ પોતાના સંબોધનમાં રાજ ઠાકરેએ આગળ કહ્યું કે, જાવેદ અખ્તર જેવા મુસ્લિમ પસંદ છે, જે પાકિસ્તાન વિરુદ્ધ બોલે છે. હું જાવેદ અખ્તર જેવા લોકો અને ઘણા લોકોને પ્રેમ કરું છું. મને ભારતીય મુસ્લિમ જોઈએ છે જે પાકિસ્તાન વિરુદ્ધ બોલે અને તેમને આપણી તાકત બતાવે. જાવેદ અખ્તર એમ કરે છે અને મને તેમના જેવા મુસ્લિમ જોઈએ છે.
15.jpg)
