ધીરેન્દ્ર શાસ્ત્રી બોલ્યા-હિન્દુ ધર્મનો પોસ્ટર બોય નથી બનવું, પઠાણ-આદિપુરુષ પર..

ધીરેન્દ્ર શાસ્ત્રીએ એક ન્યૂઝ ચેનલ સાથે વાતચીત કરતા પોતાના ઉપર લાગતા આરોપોનો જવાબ આપ્યો. સાથે જ કહ્યું કે, તેઓ હિન્દુ ધર્મના પોસ્ટર બોય બનવા માગતા નથી. તેમણે કહ્યું કે, શરૂઆતથી લઈને અત્યાર સુધી મારા પર હનુમાનજીની કૃપા છે. આ બધાનો શ્રેય બાગેશ્વર હનુમાનજી અને અમારા દાદા ગુરુજીને જાય છે. આમ કહીએ તો તેમણે અમને પસંદ કર્યા છે, તેઓ સનાતન માટે કંઈક કરાવવા માગે છે તો તેઓ કરી રહ્યા છે, બોલી પણ રહ્યા છે તેઓ, બસ કરનારા અમે દેખાઈ રહ્યા છે. અમારી અંગ્રેજી ઝીરો છે.

સ્ટારડમ સાથે વિવાદ પણ આવે છે, તેનાથી બચી રહેવા માટે શું તમે પોતાના જીવનમાં કોઈ બદલાવ કર્યા? આ સવાલના જવાબમાં તેમણે કહ્યું કે, એવા ઘણા બદલાવ તો નથી કર્યા. અમે ક્યારેય સ્ટારડમને અપનાવ્યાં નથી. હનુમાનજી જ સુપરસ્ટાર છે એટલે અમને લાગે છે કે અમારે પોતાના મન-મૌજીને બદલવાની જરૂરિયાત નથી, બસ થોડી વ્યવસ્થાઓ બદલવાની છે, જેથી કોઈ બાગેશ્વર નામનો ફાયદો ન લે. કોઈ કૌભાંડ ન કરે. કોઈ લોકો સાથે દુર્વ્યવહાર ન કરે. એ વસ્તુઓને કંટ્રોલ કરવા માટે પોતાની આસપાસના નિયમો અને પ્રોટોકોલ સખત કરી દીધા છે. બાકી અંગત લાઇફમાં જેવું હતું તેવું જ છે.

તમે ધર્મ ગુરુ છો, કથા વાંચક છો, જ્યોતિષી છો કે પછી તમારી પાસે કંઈક સ્પેશિયલ પાવર છે? તેના પર શાસ્ત્રીએ કહ્યું કે, જે જે દૃષ્ટિએ જુએ. હું કથા પણ કરું છું. ધર્મ પર લોકોને જગાવું છું, તો ધર્મના નાનો છીપાહી પણ છું. સ્પેશિયલ પાવર પોતાનામાં તો નથી, પરંતુ બાલાજીની કૃપાથી અમારી પરંપરા ચાલી રહી છે જે પેઢી દર પેઢી ચાલી રહી છે, એ સ્થાન પર છે. તેને સ્પેશિયલ શક્તિ કહી શકાય છે. તમે 27 વર્ષમાં હિન્દુત્વના પોસ્ટર બની ગયા છો? શું એ જ ઇચ્છતા હતા?

આ સવાલના જવાબમાં તેમણે કહ્યું કે, જરાય નહીં. અમે છીપાહી બનવા માગીએ છીએ. આજે પણ અમારું સપનું છે. અમારે કોઈ બ્રાન્ડ બનવું નથી. પોસ્ટર બોય તેમને બનવાની લલક હોય છે, જેમને પોલિટિક્સમાં જવાનું હોય કે પછી તેમને જેમણે સદીઓ સુધી એ સ્થાન પર નામની આકાંક્ષા હોય. અમારી એવી કોઈ અંગત ઈચ્છા નથી. અમારું માત્ર એક જ લક્ષ્ય છે સનાતન, સનાતન જાગૃતિ અને સનાતની હિન્દુઓની એકતા. એ જ અમારું લક્ષ્ય, એ જ અમારું ઉદ્દેશ્ય છે. અમે જાગૃત હિન્દુ છીએ અને તે જો બધાની અંદર આવી જાય તો દરેક વ્યક્તિ ધીરેન્દ્ર કૃષ્ણ બની જશે.

તમને એમ લાગે છે કે ધર્મ હવે એક પ્રોડક્ટ બની ગઈ ગયો છે? તેના પર તેમણે કહ્યું કે, નહીં. આ મીડિયાની સદ્ઉપયોગિતા છે, પ્રોડક્ટ નથી. અમારા આધ્યાત્મિકતાને જન જન સુધી પહોંચાડવા માટે ધર્મ ગુરુઓ, આચાર્ય અને ઋષિઓની આવશ્યકતા છે. જો તે વિજ્ઞાનનો સહારો લઈને જ્ઞાનનો પ્રચાર કરી રહ્યા છે તો જરૂરી નથી કે તે પ્રોડક્ટ હોય. હું કોઈ પ્રોડક્ટ નથી. ધર્મને લઈને લોકો સેન્સિટિવ થઈ ગયા છે. જ્યારે પઠાણ આવી ત્યારે પણ અને આદિપુરુષ આવી ત્યારે પણ લોકોની ભાવનાને ઠેસ પહોંચી?

આ સવાલ પર ધીરેન્દ્ર શાસ્ત્રી બોલ્યા કે, દુઃખી થવું જોઈએ. ફિલ્મો ઘણા દશક સુધી પોતાની છાપ છોડીને જાય છે. 80-90મા એક ફિલ્મ આવી હતી સંતોષી મા. જ્યારે ફિલ્મ આવી તો શુક્રવારે ટમેટાનું વેચાણ બંધ થઈ ગયું હતું. ખાટાસ વેચાવાની બંધ થઈ ગઈ હતી. તો સદીઓ સુધી ફિલ્મો પોતાની છાપ છોડે છે. આજે આપણે જે છૂટ આપી છે, આજ સુધી જે બોલિવુડે આપણાં લોકો સાથે અત્યાચાર કર્યો કે ગુંડા જેટલા પણ દેખાડ્યા તિલકધારી દેખાડ્યા, મહાત્મા દેખાડ્યા, પાખંડી દેખાડ્યા અને ભગવાન દેખાડ્યા. તો લોકોની આસ્થા તૂટતી દેખાડી તો આજ સુધી જે સહતું રહ્યું, તે સૂતો હિન્દુ સહતો રહ્યો. એટલે સેન્સર બોર્ડ અને ફિલ્મ બનાવનારાઓએ તે સૂક્ષ્મતાથી સમજવું પડશે કે તેમને એવા કામો પર લાગમ લગાવવી પડશે.

 ધર્મ મજાકનો વિષય નથી. પછી તે આદિપુરુષના હનુમાનજીનો સંવાદ હોય કે પછી અન્ય. આ સંવાદ કે ચર્ચા ધારણાંનો વિષય છે, ન કે અપશબ્દોનો વિષય. ગુરુઓએ રાજનીતિથી દૂર રહેવું જોઈએ એમ કહેવામાં આવે છે, પરંતુ તમારે ત્યાં નેતા આવે છે. શું તમે પણ રાજનીતિ નજીક જઈ રહ્યા છો? તેનો જવાબ આપતા શાસ્ત્રીએ કહ્યું કે, નહીં રાજસત્તા હંમેશાં ધર્મ સત્તાથી નીચે રહી નથી. નેતા જો ધર્મ દંડ નીચે નહીં આવે, તેનાથી નહીં શીખે તો પોતાની સાથે રાષ્ટ્રનું પતન કરશે. બોધ, દયા, શીલતા, ક્ષમા ધર્મથી જ શીખી શકાય છે. રાજસત્તાથી ધર્મગુરુ પહેલા પણ દૂર રહ્યા નથી. ગુરુ વશિષ્ઠ-રામ, મહારાજ દશરથ-વિશ્વામિત્ર. હંમેશાં રાજસત્તાની બાજુમાં ધર્મ સત્તાની ગાદી રહી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.