Enforcement Directorate (ED)ના ડાયરેકટર સંજિય કુમાર મિશ્રોના કાર્યકાળ નહીં વધશે.સુપ્રીમ કોર્ટે સંજય મિશ્રાને ઓફીસ ખાલી કરી દેવાનો પણ આદેશ આપ્યો છે અને સાથે કોર્ટે કેન્દ્ર સરકારને કહ્યું છે કે EDના નવા ડાયરેક્ટરની તાકીદે નિમણુંક કરો.
કેન્દ્ર સરકારને સુપ્રીમ કોર્ટ તરફથી મોટો ઝટકો લાગ્યો છે. સુપ્રીમ કોર્ટે એન્ફોર્સમેન્ટ ડિરેક્ટોરેટ એટલે કે EDને વધુ એક એક્સટેન્શન આપવાને ગેરકાયદેસર ગણાવ્યું છે. સુપ્રીમ કોર્ટે કહ્યું છે કે ED ડાયરેક્ટર સંજય કુમાર મિશ્રાનો કાર્યકાળ ત્રીજી વખત વધારવામાં આવશે નહીં. કોર્ટે વધુમાં કહ્યું કે મિશ્રાએ 31 જુલાઈ સુધીમાં ઓફિસ ખાલી કરવી પડશે.
આ સાથે કોર્ટે સરકારને 15 દિવસમાં EDના નવા ડાયરેક્ટરની નિમણૂક કરવા કહ્યું છે. વધુમાં, સુપ્રીમ કોર્ટે ED અને CBI વડાઓને 5-વર્ષનો કાર્યકાળ આપવા માટે CVC, DSPE એક્ટ્સમાં સુધારાની બંધારણીય માન્યતાને જાળવી રાખી છે.
સુપ્રીમ કોર્ટે કહ્યું કે, ED ડાયરેક્ટર સંજય કુમાર મિશ્રાના કાર્યકાળનું વિસ્તરણ ગેરકાયદેસર છે, પરંતુ તેઓ 31 જુલાઈ 2023 સુધી આ પદ પર ચાલુ રહેશે જેથી આગામી સમયમાં FATFની સમીક્ષા થવાની હોવાથી વર્કલોડને યોગ્ય રીતે ટ્રાન્સફર કરી શકાય. આ કેસની સુનાવણી સુપ્રીમ કોર્ટના જજ ભૂષણ રામકૃષ્ણ ગવઈની બેન્ચ કરી રહી હતી. સુનાવણી દરમિયાન જસ્ટિસ ગવઈએ સોલિસિટર જનરલને કહ્યું કે નવા ED ડિરેક્ટરની નિમણૂક કરવા માટે 15 દિવસ પૂરતા છે. કોર્ટે કહ્યું કે સેવાના વિસ્તરણને સંચાલિત કરતા કાયદામાં સુધારો યોગ્ય છે. કોર્ટની ઉચ્ચ સત્તાવાળી સમિતિની ભલામણ પર મુદત વધારવાની સત્તા કેન્દ્ર પાસે છે.
સંજય મિશ્રાનો પ્રથમ કાર્યકાળ નવેમ્બર 2020માં પૂરો થવાનો હતો. પરંતુ સરકારે સંજય મિશ્રાનો કાર્યકાળ એક વર્ષ માટે લંબાવ્યો. કેન્દ્ર સરકારે 13 નવેમ્બર 2020ના રોજ આદેશ જારી કર્યો હતો. જેમાં કહેવામાં આવ્યું હતું કે રાષ્ટ્રપતિએ 2018ના આદેશમાં ફેરફારને મંજૂરી આપી છે, જેના કારણે 2 વર્ષનો કાર્યકાળ ત્રણ વર્ષનો થઈ ગયો છે. NGO કોમન કોઝે સરકારના આ નિર્ણયને સુપ્રીમ કોર્ટમાં પડકાર્યો હતો.
સપ્ટેમ્બર 2021માં સુપ્રીમ કોર્ટે આ મામલે પોતાનો ચુકાદો આપ્યો હતો. જેમાં સંજય મિશ્રાને આપવામાં આવેલ પ્રથમ એક્સટેન્શન યથાવત રાખવામાં આવ્યું હતું. પરંતુ કોર્ટે સ્પષ્ટ કહ્યું હતું કે હવે મિશ્રાને આ પદ પર કોઈ એક્સટેન્શન આપવામાં આવશે નહીં. ત્યારે કોર્ટે એમ પણ કહ્યું હતું કે અપવાદ અને ઈમરજન્સીની સ્થિતિમાં બહુ ઓછા સમય માટે એક્સટેન્શન આપી શકાય છે.
15.jpg)
