રસ્તા પર વેરાઇ ગઈ વૃદ્ધની દાળ, PI સહિત પોલીસકર્મીઓએ જાતે ભેગી કરી

મેરઠમાં બુધવારે ઉત્તર પ્રદેશ પોલીસનો માનવ ચહેરો સામે આવ્યો. અહીં એક વૃદ્ધ વ્યક્તિની દાળ રસ્તા પર વેરવિખેર પડી ગઈ હતી, જેથી પોલીસની ટીમે વૃદ્ધ વ્યક્તિની દાળ એકઠી કરી એટલું જ નહીં, તેને સુરક્ષિત ઘરે પણ લઈ ગયા. પોલીસની આ પ્રશંસનીય કામગીરીની માત્ર પ્રશંસા જ નથી થઈ રહી પરંતુ તેનો એક વીડિયો પણ સોશિયલ મીડિયા પર વાયરલ થઈ રહ્યો છે. હકીકતમાં, શહેરના પરતાપુર પોલીસ સ્ટેશન વિસ્તારમાં, એક મુસ્લિમ વ્યક્તિ પરિવાર માટે અરહર દાળથી ભરેલી પ્લાસ્ટિકની થેલી લઈને બાઇક પર પસાર થઈ રહ્યો હતો. અહીં વિસ્તારના ફ્લાયઓવર પાસે અચાનક વૃદ્ધનું સંતુલન બગડતાં બાઇક સ્લીપ થઇ ગયું હતું અને દાળની થેલી ખુલી હતી. જેના કારણે દાળની આખી થેલી રોડ પર જ વેરવિખેર થઈ ગઈ હતી.

ડ્યુટી પર તૈનાત ઈન્સ્પેક્ટર રામફલ તરત જ ટીમ સાથે ઘટનાસ્થળે પહોંચ્યા અને વૃદ્ધની મદદ કરી અને દાળને હાથ વડે ભેગી કરીને થેલીમાં પાછી મૂકી. આ દરમિયાન ત્યાંથી પસાર થતા લોકોએ તેનો વીડિયો બનાવીને વાયરલ કર્યો હતો. જ્યારે, પોલીસનો આ વીડિયો ઘણો પસંદ કરવામાં આવી રહ્યો છે.

બાળકોના પેટ ભરવા માટે વપરાતી દાળ રસ્તા પર વેરવિખેર થઈ જતાં વૃદ્ધ પરેશાન થઈ ગયા હતા. તેણે પોતાના ખભા પર નાખેલું કપડું ખોલ્યું અને દાળને એકત્રિત કરવાનું શરૂ કર્યું. ફ્લાયઓવર પાસે પોલીસકર્મીઓ ફરજ પર હતા, વૃદ્ધને જોતાની સાથે જ તેઓ નજીક પહોંચી ગયા અને પહેલા ટ્રાફિકને અટકાવ્યો. આ પછી પોલીસકર્મીઓએ વૃદ્ધની બાઇક ઉપાડી તેને એક તરફ ઉભી કરી દીધી હતી.

વૃદ્ધ સાથે પોલીસકર્મીઓએ રસ્તા પર વેરવિખેર દાળ એકત્રિત કરવાનું શરૂ કર્યું. જ્યારે અન્ય પોલીસકર્મીઓ લાકડીઓ લઈને ઉભા થઈ ગયા હતા અને એક બાજુથી ટ્રાફિક ચાલુ કરાવ્યો હતો. જ્યારે, ઇન્સ્પેક્ટર રામફલ સિંહ પણ આ સમયગાળા દરમિયાન ડ્યુટી પર હતા, તેમણે જાતે જ રસ્તા પર વિખરાયેલી દાળ એકઠી કરી હતી અને તેને વૃદ્ધ વ્યક્તિના થેલામાં ભરી હતી.

પોલીસની ટીમે રસ્તા પર પથરાયેલા દાળના એક-એક દાણાને એકત્ર કરીને થેલામાં ભર્યા. પોલીસની આ કામગીરી જોઈને વડીલે પોલીસકર્મીઓનો ખૂબ આભાર માન્યો અને આશીર્વાદ આપ્યા.

જ્યારે તે સમયે હાજર અને ત્યાંથી પસાર થતા લોકોએ પોલીસની આ કામગીરીનો વીડિયો સોશિયલ મીડિયા પર અપલોડ કર્યો હતો. પોલીસની આ કામગીરીના દરેક જગ્યાએ વખાણ થઈ રહ્યા છે. બીજી તરફ ઈન્સપેક્ટર પરતાપુર રામફલ સિંહના જણાવ્યા અનુસાર, વૃદ્ધની દાળ રસ્તા પર વેરવિખેર થઇ ગઈ હતી, માનવતાના કારણે પોલીસની જે ફરજ હતી તે નિભાવી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.