જેના માથે બળાત્કાર પીડિતાને ન્યાય અપાવવાની જવાબદારી હતી તે પોલીસ OYOમા રેપ કરતો

PC: bhaskar.com

હરિયાણાના પલવલમાં એક ખૂબ જ શરમજનક ઘટના સામે આવી છે. જેના માથે બળાત્કાર પીડિતાને ન્યાય અપાવવાની જવાબદારી છે તેણે તેની ઈજ્જત લૂંટી લીધી. પલવલમાં ગેંગરેપ પીડિત યુવતીએ હવે પોલીસના જ એક ASIએ તેના પર બળાત્કાર કર્યાનો આરોપ લગાવ્યો છે.

આરોપ છે કે, પોલીસકર્મી તેને તપાસના બહાને ઘરેથી બોલાવી લેતો હતો અને OYO હોટેલમાં લઈ જઈ તેના પર બળાત્કાર ગુજારતો હતો. આટલું જ નહીં, તે ગેંગરેપ પીડિત યુવતીને આનો વિરોધ કરશે તો તેને જાનથી મારી નાખવાની ધમકી પણ આપતો હતો.

પોલીસકર્મીએ કિશોરી પર ગેંગરેપના કેસમાં સંમતિ આપવા માટેનું દબાણ પણ કર્યું હતું. હવે પીડિતાએ મહિલા પોલીસ સ્ટેશનમાં ASI વિરુદ્ધ બળાત્કાર સહિત અન્ય કલમો હેઠળ કેસ દાખલ કર્યો છે, જેની તપાસ કરવામાં આવી રહી છે.

આ મામલે પલવલના SP રાજેશ દુગ્ગલે જણાવ્યું કે, હોડલ પોલીસ સ્ટેશન વિસ્તાર હેઠળના એક ગામની 15 વર્ષની સગીર છોકરીએ પોલીસમાં ફરિયાદ નોંધાવી છે. યુવતીએ આરોપ લગાવ્યો છે કે, 2022માં તેણે મહિલા પોલીસ સ્ટેશનમાં અપહરણ કરીને બળાત્કારનો કેસ નોંધાવ્યો હતો, જેની તપાસ ASI સુશીલા અને ASI હંસરાજ કરી રહ્યા હતા.

બંને તેને બાળ કલ્યાણ સમિતિ અને જિલ્લા સિવિલ હોસ્પિટલમાં મેડિકલ તપાસ માટે લઈ ગયા હતા અને કોર્ટમાં નિવેદન પણ નોંધ્યું હતું. SPએ કહ્યું કે અહીંથી ASI હંસરાજ તેને સહી કરાવવાના બહાને OYO હોટલના રૂમમાં લઈ ગયો અને તેની સાથે બળાત્કાર કર્યો.

વિરોધ કરવા પર આરોપી પોલીસકર્મીએ યુવતીને ધમકી આપી કે, જો તે આ વિશે કોઈને કહેશે તો તે તેને જાનથી મારી નાંખશે. એવો પણ આરોપ છે કે, તે પછી આરોપી ASI ગેંગરેપના આરોપીઓની સાથે મળીને તેના પર સમાધાન કરવા માટેનું દબાણ પણ કર્યું.

અધિકારીના જણાવ્યા મુજબ, ફરિયાદમાં પીડિતા વતી એવું પણ કહેવામાં આવ્યું હતું કે, આરોપીએ તેને 17,000 રૂપિયાનો ફોન પણ ખરીદીને આપ્યો હતો, જેથી તે ગેંગરેપ કેસમાં સમાધાન કરવા તૈયાર થઈ જાય.

પીડિતાએ આ આખી વાત તેની માતાને જણાવી, ત્યારબાદ બંનેએ DSP અને પલવલ SPને ફરિયાદ કરી. મહિલા પોલીસ સ્ટેશને આ મામલે ગુનો નોંધી લીધો છે. SPએ કહ્યું છે કે, ફરિયાદના આધારે કેસ નોંધીને મામલાની ઊંડાણપૂર્વક તપાસ કરવામાં આવી રહી છે. તપાસમાં જો કોઈ દોષિત જણાશે તો તેની સામે કડક કાયદાકીય કાર્યવાહી કરવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp