રાજસ્થાનના અર્જુને જર્મનીની જુલી સાથે લગ્ન કર્યા છે. આ કપલ સોશિયલ મીડિયા પર ખૂબ જ લોકપ્રિય છે. યુગલ યુટ્યુબ ચેનલ પર બ્લોગ શેર કરે છે. જુલી ભારતના દેશી અંદાજમાં ભળી ગઈ છે. તે ખેતરોમાં પણ કામ કરે છે. જુલીની દેશી સ્ટાઈલ લોકોને પસંદ આવે છે. તો જુલી કેવી રીતે અર્જુનના પ્રેમમાં પડી? આ અંગે દંપતીએ ખુલાસો પણ કર્યો છે.
અર્જુને જણાવ્યું કે, તે જુલીને 2018માં મળ્યો હતો. ત્યારે તે કામ માટે દુબઈ ગયો હતો, જ્યારે જુલી ત્યાં ફોટોશૂટ માટે આવી હતી. બીચ પર જુલીને બિકીનીમાં જોઈને અર્જુન તેના પ્રેમમાં પડી ગયો હતો. ત્યારે જુલી સ્વિમિંગ કરતી હતી. અર્જુને ખુદ પોતાના તરફથી વાતચીત કરવાની શરૂઆત કરી હતી.
અર્જુનના કહેવા પ્રમાણે, તેણે જુલીને તેના સારા સ્વિમિંગ વિશે પ્રશ્ન પૂછ્યો. પછી જુલીની સુંદરતાના વખાણ કર્યા અને સીધો જ તેનો નંબર માંગ્યો. જોકે, તે સમયે જુલીએ અજાણ્યા વ્યક્તિને નંબર આપવાની ના પાડી દીધી હતી. પણ તેણે અર્જુનનો નંબર લઇ લીધો હતો.
બે દિવસ પછી જુલીએ મેસેજ કર્યો ત્યારે અર્જુનની ખુશીનો પાર ન રહ્યો. બંને મળ્યા અને અર્જુન જુલીને દુબઈ ફરવા લઈ ગયો. તેમની વચ્ચે વાતચીત શરૂ થઈ અને જુલી એક મહિના સુધી દુબઈમાં રહી. જો કે તે અહીં માત્ર બે અઠવાડિયા માટે જ આવી હતી. જર્મની ગયા પછી પણ તેમની વચ્ચે વાતચીત ચાલુ રહી.
આ પછી જુલી ભારત આવી અને અહીંની થઈને જ રહી ગઈ. વર્ષ 2020માં અર્જુને જુલીને પ્રપોઝ કર્યું અને બીજા જ વર્ષે તેઓએ લગ્ન કરી લીધા. ત્યારથી જુલી ભારતમાં જ રહે છે. હવે તે હિન્દી પણ સારી રીતે બોલવા લાગી છે.
જુલીના ઇન્સ્ટાગ્રામ પર 1 મિલિયનથી વધુ ફોલોઅર્સ છે. જ્યારે, યુટ્યુબ પર તેની ચેનલના 6 લાખથી વધુ સબ્સ્ક્રાઇબર્સ છે. આ પ્લેટફોર્મ્સ પર, કપલ્સ તેમના રોજિંદા જીવન સાથે સંબંધિત વીડિયો શેર કરે છે, જેને લાખો વ્યૂઝ મળે છે. તાજેતરમાં જ જુલીનો ખેતરોમાં કામ કરતો એક વીડિયો સોશિયલ મીડિયા પર વાયરલ થયો હતો. આમાં તે ડુંગળી રોપતા જોવા મળી હતી. અન્ય એક વીડિયોમાં તેને ગાયનું દૂધ નીકાળતા દેખાડવામાં આવી હતી.
થોડા અઠવાડિયા પહેલા, જુલીએ અન્ય એક વિડિયો શેર કર્યો હતો, જેમાં તે દર્શાવે છે કે તેણીએ વાવેલી ડુંગળી કેવી રીતે ઉગી છે. આ વીડિયોમાં તે ગાયોને લીલું ઘાસ ખવડાવતી અને સ્ટવ પર પાણી ગરમ કરતી જોવા મળી હતી.
15.jpg)
