વીજ પોલથી કરંટ લાગતા JEE કોચિંગથી ફરી રહેલી વિદ્યાર્થિનીનું મોત

ઉત્તર પ્રદેશના લખનૌમાં JEEની કોચિંગ લઈ રહેલી વિદ્યાર્થીનું કરંટ લાગવાથી મોત થઈ ગયું. ઘટના કૃષ્ણાનગર વિસ્તારની છે. ઇષ્ટી દ્વિવેદી નામની વિદ્યાર્થિની શનિવારે મોડી સાંજે કોચિંગ સેન્ટરથી પરત ફરી રહી હતી. એ દરમિયાન મુશળધાર વરસાદ થઈ રહ્યો હતો. જે કારણે સ્ટ્રીટ લાઇટના પોલમાં અચાનક કરંટ આવી ગયો. પોલની કેટલી તારો છૂટી પડી ગઈ હતી. જ્યારે ઇષ્ટી એ તારો સાથે ટચ થઈ તો તેને પણ કરંટ લાગી ગયો અને તે ગંભીર રૂપે દાઝી ગઈ. આસપાસના લોકોએ તરત જ તેને હૉસ્પિટલ પહોંચાડી, પરંતુ ડૉક્ટરોએ તેને મૃત જાહેર કરી દીધી. વિદ્યાર્થિનીને બચાવવામાં એક રાહદારીને પણ કરંટનો ઝટકો લાગ્યો.

મીડિયા રિપોર્ટ મુજબ, મૂળરૂપે બંથરાની કૃષ્ણલોક કોલોનીની રહેવાસી બિઝનેસમેન વિનીત દ્વિવેદી સુરતમાં ફેક્ટ્રી ચલાવે છે. તેની પત્ની યથા દ્વિવેદી બાળકો સાથે કૃષ્ણનગરની LDA કોલોની સેક્ટર-Dના ભાડાના મકાનમાં રહે છે. વિનીતની દીકરી 16 વર્ષીય ઇષ્ટી ઇન્ટરની વિદ્યાર્થિની હતી અને ફિનિક્સ મોલ પાસે સ્થિત આકાશ કોચિંગમાં JEEની કોચિંગ લઈ રહી હતી. રોજની જેમ શનિવારની બપોરે તે ઘરથી કોચિંગ સેન્ટર ગઈ હતી. 6:30 વાગ્યે ક્લાસ સમાપ્ત થયા બાદ ઇષ્ટી દ્વિવેદી કોચિંગ સેન્ટરથી ઘર જવા નીકળી હતી.

ત્યારે મુશળધાર વરસાદ થઈ રહ્યો હતો. થોડી જ વારમાં રોડ પર પાણી ભરાઈ ગયું. ઇષ્ટી દ્વિવેદી રોડના કિનારે કિનારે થઈને પિકેડલી હોટલ જતા રસ્તા તરફ જવા લાગી. આ દરમિયાન તનિષ્ક શૉ રૂમ સામે લાગેલી સ્ટ્રીટ લાઇટના પોલમાં કરંટ આવી રહ્યો હતો. ઇષ્ટી કરંટની ઝપેટમાં આવી ગઈ. પરિવારમાં ઇષ્ટી મોટી હતી. તેનાથી નાનો એક ભાઈ છે જે 8 વર્ષનો છે. માતા યથાને જ્યારે દીકરી ઇષ્ટીના મોતના સમાચાર મળ્યા તો તે બેહોશ થઈ ગઈ. સંબંધીઓએ કોઈક રીતે તેને સંભાળી.

હોશમાં આવ્યા બાદ તા વારંવાર દીકરીને યાદ કરીને બેભાન થઈ રહી હતી. પોલીસે જણાવ્યું કે, પરિવારજનોએ કોઈ પ્રકારની કોઈ કાર્યવાહી ન કરવા અને પોસ્ટમોર્ટમ ન કરાવવાની વાત કહી. તેને લેખિતમાં લઈને શબ તેમના હવાલે કરી દેવામાં આવ્યું. એક મહિના અગાઉ નવી દિલ્હી રેલવે સ્ટેશન પર પણ એવી જ ઘટના જોવા મળી હતી. અહી એક મહિલા જ્યારે સ્ટેશન જઈ રહી હતી, એ સમયે વરસાદના કારણે વોટર લોગિંગ થઈ ચૂકી હતી. રસ્તામાં ભરાયેલા પાણીથી બચવા માટે મહિલાએ વીજ પોલનો સહારો લીધો તો કરંટનો ઝટકો લાગ્યો. આસપાસએ લોકો મહિલાને તરત જ હૉસ્પિટલ પહોંચાડી, જ્યાં તેનું મોત થઈ ગયું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.