કેરળના એર્નાકુલમથી એક ચોંકાવનારો કિસ્સો સામે આવ્યો છે. અહીં એક યુવતીએ તેના પ્રેમીનું અપહરણ કરાવ્યું હતું. ત્યારબાદ તેને ખુબ માર માર્યો હતો. પરંતુ તેને આનાથી પણ સંતોષ ન થયો તો પ્રેમીને નિર્વસ્ત્ર કરીને તેનો વીડિયો બનાવ્યો અને પછી તેને કપડાં વગર જ રસ્તા પર છોડી દીધો.
આ સાથે તેણે ધમકી પણ આપી હતી કે, આ અંગે કોઈને કહેશે તો વીડિયો વાયરલ કરી દેવામાં આવશે. આ મામલે પીડિતે પોલીસમાં ફરિયાદ કરી હતી. માહિતી મળ્યા બાદ પોલીસે આરોપી પ્રેમિકાની ધરપકડ કરી લીધી છે. આ કામમાં પ્રેમિકાને મદદ કરનાર અન્ય સાત લોકોની પણ ધરપકડ કરવામાં આવી છે.
વાસ્તવમાં એર્નાકુલમના વર્કલામાં રહેતી 19 વર્ષની લક્ષ્મીપ્રિયાને શિવરામ નામના યુવક સાથે પ્રેમ સંબંધ હતો. આ દરમિયાન લક્ષ્મીપ્રિયાની મુલાકાત એર્નાકુલમના જ રહેવાવાળા કોઈ યુવક સાથે થઇ હતી. બંને વચ્ચે અફેર શરૂ થયું. જ્યારે શિવરામને આ વાતની ખબર પડી તો તેણે તેની પ્રેમિકા લક્ષ્મીપ્રિયાને સમજાવવાનો પ્રયાસ કર્યો. પરંતુ, પ્રેમિકાએ શિવરામની વાત સાંભળવાની ના પાડી અને તેને તેનાથી દૂર રહેવા કહ્યું. તે હવે તેના નવા બોયફ્રેન્ડ સાથે રહેવા માંગે છે.
લક્ષ્મીપ્રિયાએ તેને કહ્યું પછી પણ શિવરામ પીછેહઠ કરવા તૈયાર ન હતો, તેથી તેણે આખી વાત તેના નવા પ્રેમીને કહી. આ પછી તે બંનેએ શિવરામને પાઠ ભણાવવાનો પ્લાન બનાવ્યો. પ્રેમીએ રૂપિયા આપીને કેટલાક લોકોને આ કામ કરવા બોલાવ્યા હતા. આ પછી લક્ષ્મીપ્રિયાએ શિવરામને વોટ્સએપ મેસેજ મોકલ્યો.
શિવરામ લક્ષ્મીપ્રિયાની વાતમાં આવી ગયો અને તેને પોતાનું સ્થાન બતાવી દીધું. આ પછી ગર્લફ્રેન્ડ તેના નવા બોયફ્રેન્ડ સાથે 6 લોકોને લઈને શિવરામના કહેલા સ્થાને પહોંચી અને બધાએ તેને બોલાવીને કારમાં બેસાડી દીધો.
અપહરણ કર્યા બાદ લક્ષ્મીપ્રિયાએ તેના પ્રેમી અને અન્યો સાથે મળીને શિવરામને જબરજસ્તીથી દારૂ પીવડાવ્યો અને ગાંજો પીવડાવ્યો. ત્યારબાદ તેને ભારે માર માર્યો હતો. આટલાથી પણ તેણે સંતોષ ન થતાં શિવરામને નગ્ન કરીને માર મારવામાં આવ્યો હતો અને તેનો વીડિયો પણ બનાવવામાં આવ્યો હતો. અને ત્યાર પછી, તેને વાયટીલા પાસે નગ્ન અવસ્થામાં છોડી દેવામાં આવ્યો હતો અને કહ્યું હતું કે જો કોઈને આ વિશે જાણ કરશે તો તેનો વીડિયો વાયરલ થઈ જશે.
શિવરામે તેની સાથે બનેલી ઘટના અંગે પોલીસને જાણ કરી હતી. કાર્યવાહી કરીને પોલીસે લક્ષ્મીપ્રિયા અને પ્રેમી અને અન્ય 6 લોકોની ધરપકડ કરી હતી. તેની સામે વિવિધ કલમો હેઠળ કેસ નોંધવામાં આવ્યો છે. પોલીસે આ મામલે આગળની કાર્યવાહી હાથ ધરી હોવાનું જણાવ્યું હતું.
2.jpg)
15.jpg)
