હરિયાણાના મહેન્દ્રગઢથી હનીટ્રેપની હેરાન કરી દેનારી ઘટના સામે આવી છે. આરોપ છે કે, એક મહિલાએ છોકરાને પહેલા ફોન પર મીઠી મીઠી વાતો કરીને ઘરે બોલાવ્યો અને ત્યારબાદ બળજબરીપૂર્વક સંબંધ બનાવ્યા. એટલું જ નહીં, તેનો વીડિયો પણ બનાવી લીધો. ત્યારબાદ જ્યારે છોકરો ઘરેથી જવા લાગ્યો તો તેણે બ્લેકમેલ કરવાની શરૂઆત કરી દીધી. આરોપ લગાવનારા છોકરાનું કહેવું છે કે, છેલ્લા કેટલાક દિવસોથી અજાણ્યા નંબર પરથી મહિલાનો તેની પાસે કોલ આવી રહ્યો હતો.
તેણે 5-6 વખત કોલ કર્યો અને મળવા માટે પોતાના ઘરે બોલાવ્યો. તેના પર તે ભરોસો કરીને મહિલાના ઘરે જતો રહ્યો. આરોપ છે કે, મહિલાએ તેની સાથે બળજબરીપૂર્વક સંબંધ બનાવ્યા. છોકરાનો આરોપ છે કે, જ્યારે તે તેના ઘરથી જવા લાગ્યો તો મહિલાએ વીડિયો રેકોર્ડિંગ દેખાડીને કહ્યું કે, 10 લાખ રૂપિયા આપ. તેનાથી તે ગભરાઈ ગયો. ત્યારબાદ મહિલા કહ્યું કે, સોનાનું કડુ અને ચેન કાઢીને આપી દે. તેના પર તેણે કહ્યું કે, કાલે આપી દેશે. ત્યારબાદ તે પોલીસ અધિક્ષકને મળ્યો અને આપવીતી સંભળાવી.
શનિવારે સવારે મહિલા તેને વારંવાર ફોન કરી રહી હતી અને પૈસા માગી રહી હતી. ત્યારબાદ પોલીસે મહિલાને રંગે હાથે પકડવાના પ્લાન હેઠળ છોકરાને એક લાખ રૂપિયા આપવા માટે મોકલ્યો. આ દરમિયાન નોટો નંબર નોટ કરી દેવામાં આવ્યા હતા. જેવા જ છોકરાએ તેને પૈસા આપ્યા તો પાસે જ ઊભેલી પોલીસની ટીમ મહિલાને રૂપિયાઓ સાથે પકડી લીધી. આ આખા મામલામાં પોલીસનું કહેવું છે કે, હાનિટ્રેપના કેસમાં ફરિયાદ મળી હતી. તેના પર તાત્કાલિક કાર્યવાહી કરતા મહિલાની 1 લાખ રૂપિયા લેતા ધરપકડ કરવામાં આવી છે. આ કેસમાં આગળની કાર્યવાહી કરવામાં આવી રહી છે.
15.jpg)
