'મને માફ કરજો મમ્મી-પપ્પા, હું એન્જિનિયર નહીં બની શકું, હું ઘણા દબાણમાં છું'

હરિયાણાના સમલખા, પાણીપતની પાઈટ કોલેજમાં B.Tec કોમ્પ્યુટર સાયન્સની એક છાત્રાએ શંકાસ્પદ સંજોગોમાં કોલેજના ચોથા માળેથી કૂદીને આત્મહત્યા કરી હતી. તેની પાસેથી એક સ્યૂસાઈડ નોટ મળી આવી છે. તેના એક ખૂણા પર અંગ્રેજીમાં 'I Quit' લખેલું છે અને બીજી બાજુ I am sorry mummy-papa, I can't become an engineer. કોલેજ મેનેજમેન્ટે છાત્રાને ખાનગી હોસ્પિટલમાં ખસેડી હતી, જ્યાં ડોક્ટરે તેને મૃત જાહેર કરી દીધી. સમાલખા પોલીસે લાશને મોર્ચરીમાં મુકાવી દીધી હતી.

આ ઘટના ગુરુવારે સાંજે 4 વાગ્યાની આસપાસ બની હતી. BTec કોમ્પ્યુટર સાયન્સના બીજા વર્ષની વિદ્યાર્થિની જ્હાન્વી (21)એ શંકાસ્પદ સંજોગોમાં કોલેજના ચોથા માળેથી છલાંગ લગાવી હતી. કંઈક પડવાનો અવાજ સાંભળીને કોલેજનો સિક્યુરિટી ગાર્ડ ઘટનાસ્થળે પહોંચી ગયો. તેણે આ અંગે કોલેજ મેનેજમેન્ટને જાણ કરી હતી. આ પછી કોલેજમાં હોબાળો મચી ગયો હતો. કોલેજ મેનેજમેન્ટના લોકો વિદ્યાર્થીનીને ખાનગી હોસ્પિટલમાં લઈ ગયા હતા. ત્યાં વિદ્યાર્થીનું મોત થયું હતું. માહિતી મળતાં જ સમાલખા પોલીસ સ્ટેશન અને હલ્દાણા આઉટપોસ્ટ પોલીસ ઘટનાસ્થળે પહોંચી ગઈ હતી.

વિદ્યાર્થીની સેક્ટર-18 પાણીપતની રહેવાસી હતી. તેના પિતા બહુરાષ્ટ્રીય કંપનીમાં નોકરી કરે છે. સંબંધીઓએ જણાવ્યું કે તેઓ બે બહેન અને એક ભાઈ છે. મોટાભાઈ આવતા મહિને કેનેડા જવાનો હતો. સંબંધીઓએ જણાવ્યું કે, તેણે પોતાની મરજીથી એન્જિનિયરિંગની લાઇન પસંદ કરી હતી. તે છેલ્લા ઘણા દિવસોથી તેના અભ્યાસને લઈને પરેશાન રહેતી હતી.

પોલીસ તપાસમાં વિદ્યાર્થીની પાસેથી એક પાનાની સ્યૂસાઈડ નોટ મળી આવી છે. ભણવામાં સક્ષમ ન હોવાના કારણે આ પગલું ભરવા અંગે લખાયેલું છે. પેજના એક ખૂણા પર અંગ્રેજીમાં 'I Quit' લખેલું છે. અને બીજા ખૂણા પર 'આઈ લવ યુ મમ્મી અને પપ્પા' લખેલું છે. જેમાં લખ્યું છે કે, 'મને માફ કરજો મમ્મી-પપ્પા, હું એન્જિનિયર નહીં બની શકું. હું ભણવા સક્ષમ નથી. હું ઘણા દબાણમાં છું. એટલા માટે હું આત્મહત્યા કરી રહી છું.

સમાલખા પોલીસ ચોકીના પ્રભારી સુનીલ કુમારે જણાવ્યું કે, પોલીસને પાઈટ કોલેજની અગાસી પરથી પડી જવાથી એક વિદ્યાર્થીનીના મોતની માહિતી મળી હતી. પોલીસે મૃતદેહને મોર્ચરીમાં મુકાવી દીધો છે. સંબંધીઓના નિવેદનો નોંધવામાં આવ્યા છે. પરિજનોએ એમ પણ કહ્યું છે કે, તેનું મોત અગાસી પરથી પડી જવાથી થયું છે. શુક્રવારે મૃતદેહનું પોસ્ટમોર્ટમ કરવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.