'ફ્લાઈંગ કિસ' પર IASનું ટ્વીટ, જરા વિચારો, મણિપુરની મહિલાઓને કેવું લાગ્યું હશે?

એક મહિલા અધિકારીએ ગૃહમાં કોંગ્રેસના સાંસદ રાહુલ ગાંધીના કથિત 'અભદ્ર વર્તન'નો વિરોધ કરી રહેલી મહિલા સાંસદોને મણિપુરની ઘટના યાદ અપાવી છે. મધ્યપ્રદેશની વરિષ્ઠ મહિલા IAS અધિકારી શૈલબાલા માર્ટિને કહ્યું છે કે, મહિલા સાંસદો એ પણ વિચારે કે, મણિપુરની મહિલાઓને કેવું લાગ્યું હશે?

ભારતીય વહીવટી સેવા (IAS) અધિકારી દેખીતી રીતે હિંસાગ્રસ્ત મણિપુરમાં સામે આવેલા એક વીડિયોનો ઉલ્લેખ કરી રહ્યા હતા, જેમાં બે મહિલાઓને નગ્ન પરેડ કરતી જોઈ શકાય છે.

IAS અધિકારી શૈલબાલા માર્ટિને ટ્વિટર પર કહ્યું, 'જરા કલ્પના કરો કે મણિપુરની મહિલાઓને કેવું લાગ્યું હશે?' આ સાથે શૈલબાલા માર્ટિને ગૃહમાં કોંગ્રેસના સાંસદ રાહુલ ગાંધીના કથિત 'અભદ્ર વર્તન'નો વિરોધ કરી રહેલી મહિલા સાંસદોએ લોકસભા અધ્યક્ષને સંબોધીને લખેલો પત્ર પણ પોસ્ટ કર્યો છે કે જેમાં ઘણી મહિલા સાંસદોના હસ્તાક્ષર છે.

અહીં તમને જણાવી દઈએ કે, મધ્યપ્રદેશ કેડરના આ નોકરશાહ હાલમાં ભોપાલમાં મંત્રાલય (રાજ્ય સચિવાલય)માં સામાન્ય વહીવટ વિભાગમાં વધારાના સચિવ તરીકે સેવા આપે છે.

હકીકતમાં, આરોપ છે કે, બુધવારે જ્યારે રાહુલ ગાંધી ચર્ચામાં ભાગ લઈને ગૃહની બહાર નીકળી રહ્યા હતા, ત્યારે કોંગ્રેસના સાંસદે શાસક પક્ષના કેટલાક સભ્યો દ્વારા કરવામાં આવેલી ટીકા ટિપ્પણીઓ પર 'ફ્લાઈંગ કિસ'નો ઈશારો દર્શાવ્યો હતો. જોકે, રાહુલની પ્રતિક્રિયાની તે ક્ષણ કેમેરામાં કેદ થઈ નથી.

કેન્દ્રીય મહિલા અને બાળ વિકાસ મંત્રી સ્મૃતિ ઈરાનીએ કોંગ્રેસ નેતા રાહુલ ગાંધી પર ગૃહમાં 'ફ્લાઈંગ કિસ' ઈશારા બતાવીને મહિલા સાંસદો સાથે અભદ્ર વર્તન કરવાનો આરોપ લગાવ્યો. રાહુલ ગાંધીને મિસગોનિસ્ટ ગણાવતા ઈરાનીએ કહ્યું કે, આવું વર્તન ગૃહમાં પહેલા ક્યારેય જોવા મળ્યું નથી.

ત્યાર પછી, ભારતીય જનતા પાર્ટી (BJP)ની મહિલા સાંસદો લોકસભાના અધ્યક્ષ ઓમ બિરલાને મળ્યા અને કેરળના વાયનાડના લોકસભા સભ્ય સામે કડક કાર્યવાહીની માંગ કરી. સહી કરનાર તમામ મહિલા BJP સાંસદો સ્પીકરના રૂમમાં પહોંચી હતી.

ज़रा सोचिए मणिपुर की महिलाओं को कैसा महसूस हुआ होगा? pic.twitter.com/lINeLtQyuT

— Shailbala Martin (@MartinShailbala) August 9, 2023

આ ક્ષણના સાક્ષી રહેલા લોકોના જણાવ્યા અનુસાર, રાહુલ ગાંધી જ્યારે અવિશ્વાસ પ્રસ્તાવના ભાષણ પછી લોકસભા પરિસરમાંથી બહાર નીકળી રહ્યા હતા ત્યારે તેમની કેટલીક ફાઇલો પડી ગઈ હતી. જેવા તેઓ તેમને લેવા માટે નીચે ઝૂક્યા કે તરત જ BJPના કેટલાક સાંસદો તેમના પર હસવા લાગ્યા. આના પર રાહુલ ગાંધીએ BJPના સાંસદોને ફ્લાઈંગ કિસ આપી અને હસતા હસતા બહાર નીકળી ગયા.