જોશીમઠમાં હજુ વધારે પરિસ્થિતિ ખરાબ થવાની વકી, જાણો હવામાન વિભાગે શું કહ્યું

ઉત્તરાખંડના જોશીમઠમાં ભૂસ્ખલનનો ભય હજુ ટળ્યો નથી. આ પહાડી શહેરની હાલત દિવસેને દિવસે ખરાબ થતી જાય છે. હવે હવામાન વિભાગે જોશીમઠ માટે ભયજનક આગાહી જારી કરી છે. હવામાન વિભાગે કહ્યું કે આગામી 4 દિવસમાં જોશીમઠમાં વરસાદ પડી શકે છે. જેના કારણે ત્યાં ભૂસ્ખલનનું જોખમ વધશે અને તિરાડો પણ વધી શકે છે. વરસાદને કારણે ત્યાં સ્થિતિ વધુ ખરાબ થઈ શકે છે.

તમને જણાવી દઈએ કે જોશીમઠના રસ્તાઓ, મકાનો અને હોટલોમાં પડેલી તિરાડો વધુ પહોળી થઈ ગઈ છે. ભૂસ્ખલનનો સામનો કરી રહેલા જોશીમઠના લોકો માટે હવામાન વિભાગના આ સમાચાર હેરાન કરી દે એવા છે. હવામાન વિભાગે આગાહી જારી કરી છે કે આગામી ચાર દિવસ જોશીમઠ માટે ભારે પડી શકે છે. આગામી ચાર દિવસ સુધી જોશીમઠ અને ઉત્તરાખંડના અન્ય પહાડી વિસ્તારોમાં વરસાદની સંપૂર્ણ આગાહી છે.

બગડતા હવામાનને કારણે જોશીમઠના લોકો ભયભીત છે. ભૂસ્ખલનની ઘટના પછી, તિરાડોમાં ભેજ વધી શકે છે અને તેના કારણે તિરાડો વધુ વધી શકે છે. તિરાડોની ચિંતા વચ્ચે લોકોને એવો પણ ભય છે કે વિસ્તારોમાં પાણીના નવા સ્ત્રોત પણ ફૂટી શકે છે. ભૂસ્ખલન અને તિરાડોની ઘટનાઓ પછી પહાડી શહેરમાં તિરાડોમાં માટી ભરવામાં આવી રહી છે. પરંતુ જો વરસાદ પડે તો આ કામને પણ અસર થઈ શકે છે.

IMD forecast #coldwave condition over northwest #India is likely to abate from 19th January as two fresh Western Disturbances in quick succession are approaching Western Himalayan Region. 1st western disturbance will affect the region from tomorrow night & another from Jan 20. pic.twitter.com/cfC0aGGlje

— All India Radio News (@airnewsalerts) January 17, 2023

હવામાન વિભાગની આગાહી મુજબ પહાડી વિસ્તારોમાં 21 જાન્યુઆરી સુધી વરસાદ અને હિમવર્ષા થઈ શકે છે. હવામાન વિભાગે જણાવ્યું કે 18 જાન્યુઆરીએ જોશીમઠમાં લઘુત્તમ તાપમાન 2 ડિગ્રી અને મહત્તમ તાપમાન 13 ડિગ્રી નોંધાઈ શકે છે. કેટલાક વિસ્તારોમાં હળવોનો વરસાદ પણ જોવા મળી શકે છે. 19 જાન્યુઆરીએ લઘુત્તમ તાપમાન 4 ડિગ્રી અને મહત્તમ તાપમાન 12 ડિગ્રી રહી શકે છે. 19 જાન્યુઆરીએ પણ વરસાદની આગાહી કરવામાં આવી છે. તો 20 જાન્યુઆરીએ ભારે વરસાદની આગાહી કરવામાં આવી છે. 20 જાન્યુઆરીએ જોશીમઠનું લઘુત્તમ તાપમાન 3 ડિગ્રી અને મહત્તમ તાપમાન 14 ડિગ્રી રહી શકે છે.