હનુમાનજીથી પ્રેરણાથી સલીમે અપનાવ્યો હિંદુ ધર્મ, દીક્ષા લઈને બન્યો સુખરામદાસ

મધ્ય પ્રદેશના મુરેના જિલ્લામાં એક મુસ્લિમ વ્યક્તિએ હિંદુ ધર્મથી પ્રભાવિત થઈને હિંદુ ધર્મ અપનાવ્યો હતો અને સલીમમાંથી બાબા સુખરામ દાસ બન્યા. એવું કહેવામાં આવી રહ્યું છે કે, ઘણા મહિનાઓ પહેલા સલીમે હનુમાનજીથી પ્રભાવિત થઈને પોતાનું ઘર છોડી દીધું હતું અને હનુમાન મંદિરમાં રહીને પૂજા આરતી કરવાનું શરૂ કર્યું હતું અને બાદમાં તેણે હિન્દુ ધર્મની દીક્ષા લઈને સાધુ બનવાની તમામ વિધિઓ પણ પૂર્ણ કરી હતી.

સુખરામદાસ કહે છે કે, તેણે અંતરઆત્માના અવાજ પર ઈસ્લામનો ત્યાગ કરીને હિંદુ ધર્મ અપનાવ્યો છે. સાત મહિના પહેલા, દિલ અને દિમાગથી ઇસ્લામ છોડીને સનાતની બનવા માટે, ગુરુ મહુરી દેવસ્થાનના મહંત શ્રી શ્રી 1108 રામ ખીલાવનદાસ મહારાજ પાસેથી વિધિવત પરવાનગી લીધી. છેલ્લા સાત મહિનાથી મંદિરમાં રહીને તેણે ભજન, કીર્તન અને પૂજા પાઠમાં ધ્યાન લગાવ્યું હતું અને અંતે ગુરુએ તેને સાધુ દીક્ષા આપવાનું નક્કી કર્યું.

તેણે કહ્યું કે, શ્રાવણ મહિનામાં અચાનક તેને લાગ્યું કે તેણે સનાતન ધર્મ તરફ જવું જોઈએ અને તે પોતાનું ગામ અને ઘર છોડીને ખાડિયાહાર વિસ્તારમાં સ્થિત પ્રસિદ્ધ કોંડાર વાલે હનુમાન મંદિર પહોંચ્યા. ત્યાં તેણે ગુરુ મહારાજને કહ્યું કે, તે મુસ્લિમ છે અને તેમને પોતાની અંતરાત્માનો અવાજ બતાવ્યો અને તેમની પરવાનગી મળ્યા પછી, તે જ મંદિરમાં રહીને ભગવત ભજન કરવાનું શરૂ કર્યું. ભગવાન અને ગુરુ મહારાજની કૃપા થવાથી, તેમણે મને વિધિવત દીક્ષા આપી અને મને નવું નામ સુખ રામ દાસ પણ આપ્યું.

હનુમાન મંદિરમાં આ દીક્ષા સમારોહ સનાતન પદ્ધતિ અનુસાર ખૂબ જ ભવ્ય રીતે થયો હતો. પૂજારીઓ દ્વારા દીક્ષા વિધિ કરવામાં આવી હતી અને ત્યારબાદ મંદિરમાં અખંડ રામાયણ, હવન અને ભંડારાનું પણ આયોજન કરવામાં આવ્યું હતું. સુખરામ દાસનું કહેવું છે કે, તેમના પર કોઈ દબાણ નહોતું. પરિવાર સહિત કોઈએ સનાતની બનવાનો નિર્ણય બદલવા કહ્યું નથી.

સલીમમાંથી સુખરામદાસ બાબા બનેલા આ વૃદ્ધના સંબંધીઓને જ્યારે તેની જાણ થઈ ત્યારે તેની પત્ની, બાળકો અને પૌત્રો તેને મળવા હનુમાન મંદિર પહોંચ્યા. તેમની પત્નીએ કહ્યું કે, અમને કોઈ વાંધો નથી. તેઓને તે ગમ્યું હશે, તેથી જ તેઓએ ધર્મ પરિવર્તન કર્યું. સુખરામ દાસ કહે છે કે, તેઓ મુસ્લિમ છે. અમે હવે જૂના કુટુંબ અને સંબંધોને છોડી દીધા છે. અમે અમારા ગુરુ અને હનુમાનજી મહારાજના શરણમાં છીએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.