યુવકોના એક ગ્રુપ દ્વારા ઉત્પીડનનો સામનો કર્યા બાદ ભારતમાં એક 22 વર્ષીય જાપાની મહિલા માટે હોળી સમારોહ એક ભયાનક યાદ બનીને રહી ગયો. પીડિત મહિલાએ એક વીડિયો ટ્વીટ કરી તેની જાણકારી આપી છે. જોકે, બાદમાં તેણે આ વીડિયો હટાવી દીધો. વીડિયોમાં યુવકોનું એક ગ્રુપ યુવતીના ચેહરા પર જબરદસ્તી રંગ લગાવતું દેખાઈ રહ્યું છે. આ દરમિયાન મહિલા સાથે યુવકોએ અસભ્ય વર્તન પણ કર્યું. એટલું જ નહીં, શરમજનક આ વીડિયોમાં એક વ્યક્તિ તેના માથા પર એક ઈંડુ ફોડતો દેખાઇ રહ્યો છે. આ વીડિયોને જોઈ લોકો ગુસ્સે થઈ ગયા અને આરોપીઓ વિરુદ્ધ કાર્યવાહી કરવાની માંગ કરી રહ્યા છે.
વીડિયોમાં દેખાય છે તેમ એક યુવતીને કઈ રીતે પહેલા એક છોકરો જબરદસ્તી રંગ લગાવી રહ્યો છે. ત્યારબાદ ત્યાં કેટલાક અન્ય છોકરાઓ પણ પહોંચી જાય છે અને રંગ લગાવવાના નામ પર મહિલા સાથે અસભ્ય વર્તન કરવા માંડે છે. આ દરમિયાન મહિલા તેમનાથી બચવાનો પ્રયત્ન કરે છે પરંતુ, છોકરાઓ તેને છોડવાનું નામ નથી લેતા. દરમિયાન, ગ્રુપમાં સામેલ એક છોકરાએ મહિલાના માથા પર ઈંડુ ફોડી દીધુ. જોકે, બાદમાં મહિલા કોઈક રીતે યુવકોના ચંગુલમાંથી બચી નીકળે છે પરંતુ, બાદમાં એક અન્ય યુવક તેના ગાલ પર રંગ લગાવવાનો પ્રયત્ન કરે છે. પછી મહિલા તેને એક તમાચો મારી દે છે અને ત્યાંથી ચાલી જાય છે.
વાયરલ વીડિયોમાં મહિલા વારંવાર બાય, બાય કહેતી સંભળાઇ રહી છે. તે અનિયંત્રિત ગ્રુપમાંથી પોતાને બહાર કાઢવાનો પ્રયાસ કરી રહી હતી. નાનકડી ક્લિપમાં હોલી હૈ, હોલી હૈના નારા પણ સંભળાઇ રહ્યા છે. જ્યારે મહિલા અંતમાં ગ્રુપમાંથી બહાર નીકળવામાં સફળ રહી, તો તેનો તરત એક વ્યક્તિ સાથે સામનો થયો, જેણે હેપ્પી હોલી બૂમ પાડતા તેના ચેહરા પર રંગ લગાવવાનો પ્રયત્ન કર્યો.
જબદરસ્તી ઉત્પીડનના આ વીડિયોને લઈ સોશિયલ મીડિયામાં ગુસ્સો જોવા મળી રહ્યો છે અને લોકો તે યુવકોના આ ગ્રુપની ઓળખ કરીને તેમને સજા આપવાની માંગ કરી રહ્યા છે. કેટલાક લોકોએ આંતરરાષ્ટ્રીય મહિલા દિવસ પર બનેલી આ ઘટનાની ટીકા કરી છે.
Japanese tourist in india pic.twitter.com/oAShCwdZ4j
— Sweety (@Sweety52216366) March 9, 2023
બોલિવુડ અભિનેત્રી ઋચા ચઢ્ઢા એ લોકોમાં સામેલ હતી, જેમણે આ છોકરાઓને જેલમાં મોકલવાની માંગ કરી. 22 વર્ષીય જાપાની પર્યટક છેલ્લાં કેટલાક મહિનાઓથી ભારતમાં એકલી યાત્રા કરી રહી છે. જોકે, હજુ એ સ્પષ્ટ નથી થઈ રહ્યું કે તેણે હોળીની ઉજવણી ક્યાં કરી અને આ વીડિયો કયા રાજ્યનો છે.
15.jpg)
