કર્ણાટક હાઇ કોર્ટના જજોને મળી ધમકી-‘પાકિસ્તાની બેંક અકાઉન્ટમાં 50 લાખ નાખો..'

ફરી એક વખત કર્ણાટક હાઇ કોર્ટના જજોને જીવથી મારવાની ધમકી મળી છે. કર્ણાટક પોલીસે સોમવાર (24 જુલાઇના રોજ) જણાવ્યું કે, તેમણે હાઇ કોર્ટના જજોની ફરિયાદ પર એક FIR નોંધવામાં આવી છે. પોલીસને હાઇ કોર્ટના પ્રેસ સંબંધિત અધિકારી તરફથી પોતાના સિવાય ઘણા જજોના જીવે જોખમ હોવાની ફરિયાદ મળી.

કેન્દ્રીય CIN ગુના પોલીસ સ્ટેશને અજાણ્યા શંકસ્પદો વિરુદ્ધ FIR નોંધી છે. પોલીસે કહ્યું કે, દુબઈ ગેંગ દ્વારા જસ્ટિસ મોહમ્મદ નવાઝ, એચટી નરેન્દ્ર પ્રસાદ, અશોક નિજગન્નવર (સેવાનિવૃત્ત), એચપી સંદેશ, કે. નટરાજન અને બી. વિરપ્પા (સેવાનિવૃત્ત)ને ધમકી આપવા આશંકા છે.

14 જુલાઇના રોજ કરવામાં આવેલી FIRમાં કહેવામાં આવ્યું છે કે ધમકી ભરેલા સંદેશામાં પાકિસ્તાનમાં એક બેંક ખાતામાં 50 લાખ રૂપિયાની ખંડણી માગવામાં આવી હતી. કલમ 506, 507 અને 504 હેઠળ FIR નોંધ્યા બાદ તેમણે કહ્યું કે ભારતીય દંડ સંહિતા (IPC) અને સૂચના ટેક્નોલોજી અધિનિયમની કલમ 75 અને 66 (F) હેઠળ કેસ નોંધવામાં આવ્યો છે. પોલીસે જણાવ્યું કે, મુરલીધરે 14 જુલાઇના રોજ ફરિયાદ નોંધાવવામાં આવી હતી. તેમને 12 જુલાઈની સાંજે લગભગ 7:00 વાગ્યે એક ઇન્ટરનેશનલ નંબરથી વૉટ્સએપ મેસેન્જર પર સંદેશ મળ્યો હતો. તેમને આ સંદેશ ઉર્દૂ અને અંગ્રેજી ભાષામાં આવ્યો હતો.

ધમકી આપનાર વ્યક્તિએ પાકિસ્તાનની ABL અલાઇડ બેંક લિમિટેડ’નો એક બેંક અકાઉન્ટ નંબર પણ આપ્યો છે. જજોને આ ખાતામાં 50 લાખ રૂપિયા જમા કરાવવા કહ્યું છે. રૂપિયા ન આપવાની સ્થિતિમાં દુબઈની એક ગેંગ દ્વારા તેમની હત્યા કરાવવાની ધમકી આપવામાં આવી છે. કેટલાક મોબાઈલ નંબર પણ શેર કરવામાં આવ્યા છે. દાવો કરવામાં આવ્યો છે કે, આ તેમના શૂટર ભારતમાં છે. ફરિયાદના આધાર અપર બેંગ્લોરની સેન્ટ્રલ CIN પોલીસે IPCની અલગ અલગ કલમો હેઠળ કેસ નોંધી લીધો છે.

બેંગ્લોર પોલીસ આપવામાં આવેલા નંબરોની તપાસ કરી રહી છે. એ સિવાય પાકિસ્તાનના આ બેંક અકાઉન્ટ બાબતે પણ તપાસ કરવાનો પ્રયાસ કરવામાં આવી રહ્યો છે. જેમાં ખંડણીની રકમ નાખવા કહેવામાં આવ્યું છે. એવી ઘટનાઓની તપાસ માટે કેન્દ્રીય એજન્સીઓ અને સરકારની મદદ પણ લેવાનું નક્કી છે. આ અગાઉ પણ વર્ષ 2022માં હિજાબ પર નિર્ણય સંભળાવનાર કર્ણાટક હાઇ કોર્ટના જજોને જીવથી મારવાની ધમકી મળ્યા બાદ તેમને સરકારે સખત સુરક્ષા ઉપલબ્ધ કરાવી હતી. મુખ્યમંત્રી બસવરાજ બોમ્મઈએ પોતે કહ્યું હતું કે અમે હિજાબ પર નિર્ણય આપનાર 3 જજોને Y શ્રેણીની સુરક્ષા આપવાનો નિર્ણય લીધો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.