કેરળમાં 11 મહિલાઓનું નસીબ ઉધારના થોડા પૈસાઓથી એવું ચમક્યું છે કે તેઓ રાતોરાત કરોડપતિ બની ગઈ. આ મહિલાઓ પાસે થોડા અઠવાડિયા અગાઉ લોટરીની ટિકિટ ખરીદવા માટે 250 રૂપિયા પણ નહોતા અને હવે તેમની 10 કરોડ રૂપિયાની લોટરી લાગી છે. મહિલાઓએ થોડા અઠવાડિયા અગાઉ 250 રૂપિયાની લોટરીની ટિકિટ ખરીદવા માટે પૈસા ભેગા કરવાનો નિર્ણય લીધો, તો તેમની પાસે 25 રૂપિયા પણ નહોતા. તેમાંથી એકે પોતાનું નસીબ અજમાવવા માટે એક પરિચિત પાસેથી સામાન્ય રકમ પણ ઉધાર લીધી.
કેટલના પરપ્પનંગડી નગર પાલિકા અંતર્ગત આવતી હરિત સેનામાં આ 11 મહિલાઓ કચરો ઉઠાવવાનું કામ કરે છે. આ મહિલાઓએ ક્યારેય સપનામાં પણ વિચાર્યું નહોતું કે તેઓ એક ઝટકામાં કરોડપતિ બની જશે. બુધવારે આયોજિત એક ડ્રો બાદ કેરળ લોટરી વિભાગ દ્વારા તેમને 10 કરોડ રૂપિયાના મોનસૂન બમ્પરની વિજેતા જાહેર કરી દેવામાં આવી. પોતાના સહકર્મીઓ પાસે પૈસા ભેગા કર્યા બાદ ટિકિટ ખરીદનારી રાધાએ ઉત્સાહિત થઈને કહ્યું કે, ‘અમે પહેલા પણ પૈસા ભેગા કરીને લોટરીની ટિકિટ ખરીદી છે, પરંતુ આ પહેલી વખત છે કે અમે કોઈ મોટો પુરસ્કાર જીત્યો છે.’
એક અન્ય મહિલાએ કહ્યું કે, તે ડ્રોની કાગડોળે રાહ જોઈ રહી હતી, પરંતુ જ્યારે કોઈએ જણાવ્યું કે, પાડોશી પલક્કડમાં વેચવામાં આવેલી એક ટિકિટે પહેલો પુરસ્કાર જીત્યો છે, તો તેને દુઃખ થયું. અંતે જ્યારે ખબર પડી કે અમને જ જેકપોટ મળ્યો છે તો ઉત્સાહ અને ખુશીનું કોઈ ઠેકાણું ન રહ્યું. અમે બધા જીવનમાં મુશ્કેલીઓનો સામનો કરી રહ્યા છીએ અને પૈસા અમારી સમસ્યાઓને હલ કરવામાં ઘણી હદ સુધી રાહત આપશે. મહિલાઓને જીવન ગુજરાન ચલાવવામાં ખૂબ મુશ્કેલીઓ પડે છે અને હરિતા કર્મ સેનાના સભ્યોના રૂપમાં તેમને જે સામાન્ય વેતન મળે છે, તે તેમના પરિવારોની એકમાત્ર આવક છે.
હરિતા કર્મ સેના ઘરો અને પ્રતિષ્ઠાનોથી ગેર-બાયોડિગ્રેડેબલ કરચો ઉઠાવે છે, જેને રીસાઈકલિંગ માટે શ્રેડિંગ એકાઈઓમાં મોકલવામાં આવે છે. નગર પાલિકામાં હરિતા કર્મ સેના કન્સોર્ટિયમના અધ્યક્ષ શીજાએ કહ્યું કે, આ વખત નસીબની મહેરબાની સૌથી યોગ્ય મહિલાઓ પર થઈ છે. બધી વિજેતા ખૂબ મહેનતી છે અને પોતાના પરિવાર માટે આવકનો એકમાત્ર સ્ત્રોત છે. તેમણે જણાવ્યું કે, ઘણા લોકોએ લોન ચૂકવવાની છે. દીકરીઓના લગ્ન કરવાના છે કે તેમને પોતાના પ્રિયજનોની સારવારનો ખર્ચ ઉઠાવવાનો છે. તેઓ જીવનની કઠોર વાસ્તવિકતાઓ સાથે લડતા ખૂબ જ સાધારણ ઘરોમાં રહે છે. બમ્પર લોટરી વિજેતાઓને મળવા અને તેમને શુભેચ્છા આપવા માટે ગુરુવારે મોટી સંખ્યામાં લોકો અહી નગરપાલિકા ગોદામમાં પરિસરમાં ઉમટી પડ્યા હતા.
15.jpg)
