નિરીક્ષણ કરવા આવેલા KK પાઠકે શિક્ષકને 'મોટો હાથી, ઈડિયટ' કહ્યા,વીડિયો સામે આવ્યો

બિહારના IAS ઓફિસર K.K.પાઠકની કામ કરવાની કડક સ્ટાઇલની ઘણી વાતો છે. શિક્ષણ વિભાગનો હવાલો સંભાળ્યા પછી K.K.પાઠકની કાર્યશૈલી વધુ કડક બની છે. શાળાઓની હાલત જોવા બહાર નીકળેલા IAS K.K. પાઠકનો નવો વીડિયો સામે આવ્યો છે. આ વીડિયોમાં શિક્ષણ વિભાગના પ્રિન્સિપલ સેક્રેટરી K.K. પાઠક સામેવાળાને ઝાટકી નાંખવાના અંદાજમાં જોવા મળી રહ્યા છે.

હકીકતમાં શુક્રવારના રોજ K.K. પાઠક વૈશાલી જિલ્લાની શાળાઓનું નિરીક્ષણ કરવા નીકળ્યા હતા. આ દરમિયાન K.K. પાઠકે એક શિક્ષકને 'ઇડિયટ' અને જાડો હાથી કહ્યો અને ગુસ્સે થઈ ગયો. K.K.પાઠક હાજીપુર અને રાજપકડની શાળાઓનું નિરીક્ષણ કરી રહ્યા હતા. હાજીપુર બ્લોકમાં સેંદુઆરી મિડલ સ્કૂલના નિરીક્ષણ દરમિયાન, મુખ્ય સચિવ K.K. પાઠકની નજર શાળાના એક બંધ ઓરડા પર ગઈ.

K.K.પાઠકે શાળાનો ઓરડો ખોલાવ્યો, જેમાં રમતગમતના સાધનો હતા. રમતગમતના સામાનની હાલત જોઈને મુખ્ય સચિવ K.K.પાઠક રોષે ભરાયા હતા. તેણે પ્રિન્સિપાલને રમતગમતના સાધનો બહાર કાઢવા કહ્યું. આના પર જ્યારે પ્રિન્સિપાલે કહ્યું કે, સાહેબ કંઈ નથી, તો મુખ્ય સચિવ K.K.પાઠક ગુસ્સે થઈ ગયા અને પ્રિન્સિપાલને ઝાટકી નાખ્યા હતા.

K.K.પાઠકના ગુસ્સાથી બચવા કેટલાક શિક્ષકો ખૂણામાં ઉભા હતા. મુખ્ય સચિવ K.K.પાઠકની નજર ઊભેલા શિક્ષક પર પડી તો તેને ગુસ્સો આવ્યો. તેણે ખૂણામાં ઊભેલા એક શિક્ષકને જાડો હાથી અને 'ઇડિયટ' કહીને ખંખેરી નાંખ્યો અને શિક્ષકને આચાર્યને મદદ કરવા તેમજ રૂમમાં પડેલો સામાન ઝડપથી બહાર નીકાળવા માટે કહ્યું.

K.K.પાઠકે શિક્ષકો, આચાર્ય અને અધિકારીઓને પણ બક્ષ્યા ન હતા. અધિકારીઓને પણ ઠપકો આપ્યો હતો. આ દરમિયાન K.K.પાઠકે હાજીપુરની 6 સરકારી શાળાઓની તપાસ કરી અને એક મુખ્ય શિક્ષકને સસ્પેન્ડ કર્યા અને 5 શિક્ષકોના પગાર અટકાવી અન્ય જગ્યાએ બદલી કરવાનો નિર્દેશ આપ્યો.

શિક્ષણ વિભાગના મુખ્ય સચિવ કે.કે.પાઠકે સામાન બહાર કાઢવા કહ્યું, મને બતાવો... કંઈ ન હોય તો... તમારા માટે એ કંઈ નથી, અમને મોકલવામાં કરોડો રૂપિયા લાગ્યા છે, બહાર કાઢો. આ દરમિયાન તેમની નજર એક શિક્ષક પર પડી, શિક્ષકને જોતાની સાથે જ K.K.પાઠકે કહ્યું, તમે મહારાજ, શું કરો છો... પ્રિન્સિપાલ કામ કરે છે... હાથીની જેમ ખુબ મોટો થઇ ગયો છે, ચાલો... ઇડિયટ... રૂમમાંથી સમાન નીકળો..., પ્રિન્સિપાલ કામ કરે છે, ટીચર ઊભા છે..., અહીં બધા મૂર્ખ છે. DEO સાહેબ, આ બધી તમારા લોકોની નબળાઈ છે. રૂમ ખોલાવતાં જ નથી.

K.K.પાઠકે જિલ્લાના 3 બ્લોકની 7 શાળાઓની મુલાકાત લીધી હતી. K.K. પાઠક તેમના કડક આદેશો માટે જાણીતા છે. તાજેતરમાં જ એક નવો આદેશ બહાર પાડીને કહેવામાં આવ્યું છે કે, જો 16 ઓગસ્ટથી બિહારની કોઈપણ શાળામાં બાળકોની હાજરી 50 ટકાથી ઓછી હશે તો સંબંધિત બ્લોક એજ્યુકેશન ઓફિસર વિરુદ્ધ કાર્યવાહી કરવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.