શિવલિંગ હટાવવાનો ચૂકાદો લખતા સમયે રજિસ્ટ્રાર થયા બેભાન તો હાઈકોર્ટના જજે...

કલકત્તા હાઈકોર્ટના જસ્ટિસ જોય સેનગુપ્તાએ એક મામલામાં ચૂકાદો આપ્યો કે વિવાદિત જમીનથી શિવલિંગ હટાવવું જોઇએ. પણ તે શિવલિંગને હટાવવાનો ચૂકાદો રેકોર્ડ કરતા સમયે અસિસ્ટેંટ રજિસ્ટ્રાર અચાનક બેભાન થઇ ગયા. તેમને કોર્ટના સ્વાસ્થ્ય કેન્દ્રમાં દાખલ કરવામાં આવ્યા. તો બીજી બાજુ રજિસ્ટ્રારની સ્થિતિ જોઇ જસ્ટિસે પણ પોતાનો નિર્ણય બદલી નાખ્યો.

કોર્ટના સૂત્રો અનુસાર, મુર્શિદાબાદના બેલડાંગા સ્થિત ખિદિપુરના સદીપ પાલ અને ગોવિંદ મંડલની વચ્ચે જમીનના એક ભાગને લઇ લાંબા સમયથી વિવાદ ચાલી રહ્યો છે. ગયા વર્ષે મે મહિનામાં આ વિવાદ મારામારી પર ઉતરી આવ્યો હતો. કથિત પણે ત્યાર પછી ગોવિંદે વિવાદિત જમીન પર રાતો-રાત શિવલિંગની સ્થાપના કરી દીધી. સુદીપે આની ફરિયાદ પોલીસ સ્ટેશનમાં દાખલ કરી. પોલીસે આ મામલાની તપાસનું આશ્વાસન આપ્યું. જોકે, જ્યારે પોલીસે કોઈ કાર્યવાહી કરી નહીં તો સુદીપે કલકત્તા હાઈકોર્ટમાં કેસ દાખલ કરી દીધો.

અરજીકર્તા સુદીપ પાલના વકીલ તરુણજ્યોતિ તિવારીએ કોર્ટને જણાવ્યું કે, ગોવિંદાએ જાણી-જોઇને વિવાદિત જમીન પર શિવલિંગ સ્થાપિત કર્યું હતું. પોલીસે કોઈ કાર્યવાહી કરી નહીં. આ કારણે કોર્ટે આ મામલામાં દખલ કરવી જોઇએ.

ગોવિંદાના વકીલ મૃત્યુંજય ચટ્ટોપાધ્યાયે જજને કહ્યું કે, ગોવિંદા દ્વારા શિવલિંગની સ્થાપના કરવામાં આવી નથી. બલ્કે શિવલિંગ જાતે જમીનમાંથી નીકળ્યું છે. બંને પક્ષો તરફની દલીલો સાંભળ્યા પછી જસ્ટિસ જોય સેનગુપ્તાએ શિવલિંગને જમીનમાંથી હટાવવાનો આદેશ આપ્યો. જજના આ ચૂકાદાનો આદેશ રેકોર્ડ કરતા સમયે અચાનક અસિસ્ટેંટ રજિસ્ટ્રાર વિશ્વનાથ રાય બેભાન થઇ પડી ગયા. ઘટનાના 10 મિનિટ પછી ન્યાયાધીશ સેનગુપ્તા કોર્ટમાં આવ્યા અને કહ્યું કે કોર્ટ આ મામલે કોઈ હસ્તક્ષેપ કરશે નહીં. આ જોઇને જસ્ટિસે પણ પોતાનો ચૂકાદો બદલી નાખ્યો અને કહ્યું કે, આ કેસ નીચલી અદાલતમાં સિવિલ કેસના માધ્યમથી ચલાવવામાં આવશે.

હાલમાં અધિક માસમાં ચારેય તરફ શિવલિંગ પર પાણી અપર્ણ કરવાનો સિલસિલો ચાલી રહ્યો છે. એવામાં સમયમાં કલકત્તા હાઈકોર્ટે શિવલિંગને હટાવવાના નિર્ણયને નોંધ કરવામાં પરેશાનીનો સામનો કરતા જોઇ સૌ કોઈ આશ્ચર્યમાં છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.