ગુજરાત સહિત અનેક જગ્યાએ મયૂર ગ્રુપ પર ITની રેડ, 3 કરોડ રોકડ, આટલું સોનું મળ્યું

આયકર વિભાગની ટીમના 150 અધિકારીઓએ મયૂર ગ્રુપ પર ઘણાં રાજ્યોમાં એકસાથે રેડ કરી. આ રેડ કાનપુર સહિત મુંબઈ, સુરત, દિલ્હી અને મધ્ય પ્રદેશના 20 ઠેકાણાઓમાં કરવામાં આવી છે. આયકર વિભાગની ટીમે પહેલા દિવસની કાર્યવાહીમાં 3 કરોડ રોકડ અને 3 કરોડનું ગોલ્ડ જપ્ત કર્યું છે.

કહેવામાં આવી રહ્યું છે કે આયકર વિભાગની ટીમને મયૂર ગ્રુપના માલિક મનોજ ગુપ્તાના કાનપુર સ્થિત એમરલ્ડ સોસાયટીના એક ફ્લેટમાં સિક્રેટ રૂમ પણ મળ્યો છે. જેમાં કેશ અને ગોલ્ડના સિક્કા મળી આવ્યા છે. મયૂર ગ્રુર વનસ્પતિ તેલ, ફૂડ આઇટમ્સ અને પેકેજિંગનું કામ કરે છે.

સ્લાઇડર મિરરની પાછળ સિક્રેટ રૂમ

આયકર અધિકારી જ્યારે ઘરની દરેક વસતુઓ તપાસી રહ્યા હતા, ત્યારે તેમને એક રૂમમાં મોટો અરીસા દેખાયો. જ્યારે તેને હલાવ્યો તો જાણ થઇ કે તે એક સ્લાઇડર મિરર છે. મિરર સ્લાઇડ કરી અધિકારી અંદર ગયા તો નજારો જોઇ ચોંકી ગયા. તે એક સિક્રેટ રૂમ હતો. જેમાં મોટી માત્રામાં રોકડ અને અન્ય કિંમતી વસ્તુઓ રાખવામાં આવી હતી.

મયૂર ગ્રુપે એક એવી કંપની પાસેથી 25 કરોડ રૂપિયા લોન લીધી છે એવું દેખાડ્યું છે જે હકીકતમાં છે જ નહીં. રેકોર્ડ્સ અનુસાર, મયૂર ગ્રપે કોલકાતા, મુંબઈ વગેરે જગ્યાઓ પર શેલ કંપનીઓ પાસેથી લોન લીધી છે તેવું દેખાડ્યું છે. તેની સાથે જ એવી કંપનીઓ પાસેથી પણ ખરીદારી દેખાડી છે જે ખરેખર મોજૂદ જ નથી. આરોપ છે કે, કંપની પોતાનાં બ્લેક મનીને રિયસ એસ્ટેટમાં ખપાવી રહી હતી.

રેડમાં શરૂઆતી રીતે એવા પુરાવા મળ્યા છે, જેમાં જાણ થઇ કે કંપની કસ્ટમ ડ્યૂટી બચાવવા માટે SAFTA કરારનું ઉલ્લંઘન કરી રહી હતી. આગળની કાર્યવાહી વધુ તપાસ પછી હાથે ધરાશે.

આયકર વિભાગે ગુરુવારે મયૂર ગ્રુપના 20થી વધુ ઠેકાણાઓ પર એક સાથે કાર્યવાહી કરી. લગભગ 150થી વધારે અધિકારીઓએ કાનપુર સહિત મધ્ય પ્રદેશ, દિલ્હી, મુંબઈ, ગુજરાત, પશ્ચિમ બંગાળના અલગ અલગ સ્થળોએ છાપેમારી કરી.

મયૂર ગ્રુપનો બિઝનેસ 5 રાજ્યોમાં ફેલાયેલો છે. જેમાં ઉત્તર પ્રદેશ, ઉત્તરાખંડ, મધ્ય પ્રદેશ, બિહાર અને ઝારખંડ સામેલ છે. આ ઉપરાંત દિલ્હી, મુંબઈ અને કોલકાતામાં ઓફિસ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.