અકસ્માતમાં મોત થતા માતાને કાંધ દેવા આવતા પુત્રનું પણ રસ્તામાં મોત, બંનેની અરથી..

મધ્ય પ્રદેશના રીવા જિલ્લામાં રૂવાડા ઊભા કરી દેનારી એક ઘટના સામે આવી છે. અહીં એક જ ઘરથી માતા અને દીકરાની અર્થી એક સાથે ઉઠતી જોઈને વિસ્તારમાં શોકનું મોજું ફરી વળ્યું. આ આખી ઘટના રીવા જિલ્લાના ડભોરા પોલીસ સ્ટેશન વિસ્તારની છે. અહીંની રહેવાસી નરેન્દ્ર સિંહની પત્ની ગીતા સિંહ ભત્રીજા સાથે બાઇક પર સવાર થઈને જઈ રહી હતી, ત્યારે ડભોરા પેટ્રોલ પંપ નજીક બીજી બાઇકે તેને ટક્કર મારી દીધી અને અકસ્માતનો શિકાર થઈ ગઈ, ત્યારબાદ તેને ગંભીર હાલતમાં દવાખાને દાખલ કરાવવામાં આવી, પરંતુ ડૉક્ટરોએ તેને મૃત જાહેર કરી દીધી.

માતાના એક્સિડન્ટના સમાચાર સાંભળીને ઈન્દોરમાં રહીને અભ્યાસ કરતો દીકરો સૂરજ સિંહ (ઉંમર 23 વર્ષ) રીવા જઈ રહ્યો હતો, પરંતુ સતના રીવા રોડ પર બેલા પાસે કારનું ટાયર ફાટવાથી કાર અનિયંત્રિત થઈને પલટી ગઈ, જેથી સૂરજનું પણ મોત થઈ ગયું. કારમાં બે અન્ય લોકો પણ સવાર હતા, જેમને સામાન્ય ઇજા થઈ છે. સ્થાનિક લોકોની જાણકારી પર પહોંચેલી પોલીસે તાત્કાલિક બધાને સારવાર માટે હૉસ્પિટલ મોકલ્યા, પરંતુ ડૉક્ટરોએ સૂરજને મૃત જાહેર કરી દીધો. ગુરુવારે સવારે પોલીસે માતા દીકરાના શબોનું પંચનામું કર્યું અને પોસ્ટમોર્ટમ બાદ શબ પરિવારજનોને સોંપી દીધું. એક જ પરિવારથી માતા અને દીકરાની અર્થી ઉઠતી જોઈને બધાની આંખો ભીની થઈ ગઈ.

સિરમૌર ક્ષેત્રના યુવા કોંગ્રેસ નેતા ઋષભ દ્વિવેદીએ જણાવ્યું કે, સૂરજ સિંહ ચૌહાણ સાથે ત્રણ ભાઈઓ છે. તેનાથી એક નાનો તો બીજો મોટો છે. પિતા ખેતી કરે છે. 9 ઑગસ્ટે માતા ડભોરામાં દુર્ઘટનાનો શિકાર થઈ ગઈ. દીકરો પણ સમાચાર સાંભળીને ઈન્દોર આવતો હતો, પરંતુ કાળના કોળિયો બની ગયો. 10 ઑગસ્ટની સાંજે માતા અને દીકરાને એક સાથે અર્થીને કાંધ આપીને સ્મશાન ઘાટ લઈ જવામાં આવ્યા. ત્યાં બંનેનું નજીક નજીકમાં અંતિમ સંસ્કાર કરવામાં આવ્યા. જો કારનું ટાયર ન ફાટતું તો સૂરજ આજે બધા વચ્ચે હોતો.

પોલીસનું કહેવું છે કે, 9 ઑગસ્ટે ડભોરા પેટ્રોલ પંપ પાસે રોડ અકસ્માત થયો છે. દુર્ઘટનામાં ગીતા સિંહ ગંભીર રૂપે ઇજાગ્રસ્ત થઈ ગઈ. પ્રાથમિક સારવાર બાદ જવા CHCથી SGMH રીવા રેફર કરી દેવામાં આવી. 9 ઑગસ્ટની રાત્રે ગીતા સિંહનું સારવાર દરમિયાન મોત થઈ ગયું. માતાના મોતના સમાચાર ઈન્દોર સ્થિત દીકરાને આપવામાં આવ્યા. તે રાત્રે જ રીવા માટે રવાના થઈ ગયો હતો. 10 ઑગસ્ટની સવારે લગભગ 7:00 વાગ્યે સતના જિલ્લાના બેલા પહોંચ્યો. આ દરમિયાન નેશનલ હાઇવે 30 પર કારનું ટાયર ફાટી ગયું. ત્યારબાદ સૂરજને હૉસ્પિટલ લઈ જવામાં આવ્યો, પરંતુ તેનું મોત થઈ ગયું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.