ન્યાયતંત્ર પર કોઈ દબાણ નથી, ચૂંટણી પંચનો નિર્ણય આનો પુરાવો છે: CJI DY ચંદ્રચુડ

મીડિયા દ્વારા આયોજિત એક કોન્ક્લેવમાં પહોંચેલા સુપ્રીમ કોર્ટના ચીફ જસ્ટિસ જસ્ટિસ DY ચંદ્રચુડે ન્યાયતંત્રને લગતા અનેક મુદ્દાઓ પર વાત કરી હતી. કોર્ટમાં પેન્ડિંગ કેસોનો ઉલ્લેખ કરતા જસ્ટિસ DY ચંદ્રચુડે કહ્યું કે, અમારી પાસે કેસોનો ઘણો બૅકલોગ છે અને તે લોકોનો ન્યાયતંત્ર પર વિશ્વાસ પણ દર્શાવે છે. જસ્ટિસ DY ચંદ્રચુડે કહ્યું કે, જિલ્લા ન્યાયતંત્રમાં પણ ઈન્ફ્રાસ્ટ્રક્ચરનો અભાવ છે, જેમાં સુધારાની જરૂર છે.

CJIએ કહ્યું, 'જજ તરીકે મારી 23 વર્ષની કારકિર્દીમાં મને કોઈએ કહ્યું નથી કે, કેસનો નિર્ણય કેવી રીતે લેવો.' કાયદા મંત્રી કિરેન રિજિજુ સંબંધિત એક પ્રશ્નના જવાબમાં તેમણે કહ્યું કે, હું કાયદા મંત્રી સાથેના મુદ્દાઓમાં પડવા માંગતો નથી, અમારી ધારણાઓમાં ઘણો તફાવત છે. તેમણે કહ્યું કે, સરકાર તરફથી ન્યાયતંત્ર પર કોઈપણ પ્રકારનું દબાણ નથી. CJIએ કહ્યું કે, ચૂંટણી પંચ (EC)નો નિર્ણય એ વાતનો પુરાવો છે કે ન્યાયતંત્ર પર કોઈ પ્રકારનું દબાણ નથી.

તેમણે કહ્યું, 'આપણે ભારતીય ન્યાયતંત્રને વધારે આધુનિક બનાવવાની જરૂર છે, અમારું મોડેલ અંગ્રેજો પાસેથી વારસામાં મળેલા સંસ્થાનવાદી મોડેલ પર આધારિત છે. ન્યાય એ માત્ર એક સાર્વભૌમ કાર્ય નથી. આગામી 50-75 વર્ષમાં આપણે ભારતીય ન્યાયતંત્રને આધુનિક ટેકનોલોજીથી સજ્જ કરવું પડશે. અમે રોગચાળા દરમિયાન વીડિયો કોન્ફરન્સિંગ પ્લેટફોર્મ પર જે પ્રકારનું કામ કર્યું તે વિશ્વના કોઈપણ ભાગમાં અભૂતપૂર્વ છે.'

આધુનિક ટેક્નોલોજીનો ઉલ્લેખ કરતા જસ્ટિસ DY ચંદ્રચુડે કહ્યું કે, ‘આપણે કોવિડ સિવાયની ટેક્નોલોજીને જોવાની જરૂર છે અને ભારતીય ન્યાયતંત્રને આધુનિક બનાવવાની જરૂર છે. અમે બંધારણીય બેંચના કેસોનું લાઇવ સ્ટ્રીમિંગ કરી રહ્યા છીએ. લાઇવ સ્ટ્રીમિંગ દ્વારા નાગરિકો માટે કોર્ટ ખોલવી એ મારા મિશનનો એક ભાગ છે.'

CJI DY ચંદ્રચુડે કહ્યું કે, મારા માટે ન્યાય માત્ર સાર્વભૌમ કાર્ય નથી, પરંતુ તે એક આવશ્યક સેવા પણ છે, જે અમે અમારા નાગરિકોને પ્રદાન કરીએ છીએ. કોર્ટની કાર્યવાહી દરમિયાન અંગ્રેજીના ઉપયોગ પર CJI ચંદ્રચુડે કહ્યું, 'અમારે લોકો જે ભાષા સમજે છે તેના માધ્યમથી તેમના સુધી પહોંચવાની જરૂર છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.