પબ્જી રમતા રમતા ગુમાવી બેઠો માનસિક સંતુલન, દીકરાએ માતા-પિતાને ઉતાર્યા મોતને ઘાટ

ઉત્તર પ્રદેશના ઝાંસીમાં દીકરાએ પોતાના માતા-પિતાની ધારદાર હથિયારોથી હત્યા કરી દીધી. ઘટનાનો ખુલાસો ત્યારે થયો જ્યારે દૂધવાળો ઘરે પહોંચ્યો હતો. તેણે ઘરની અંદર ડોકિયું કરીને જોયું તો ઘરના માલિક અને તેની પત્ની લોહીથી લથબથ થઈને ફર્શ પર પડ્યા હતા. પોલીસે ઘટનાસ્થળ પર પહોંચીને શબને કબજામાં લઈને પોસ્ટમોર્ટમ માટે મોર્ચૂરી મોકલાવ્યા છે. દીકરાએ પોતાના માતા-પિતાની હત્યાની વાત સ્વીકારી છે. પોલીસે ઘટનાની આગળની તપાસ હાથ ધરી છે.

આ ઘટના ઝાંસી શહેરના નવાબાદ પોલીસ સ્ટેશન વિસ્તારની છે. ગુમનાબાર વિસ્તારમાં વ્યવસાયે સરકારી શિક્ષક 60 વર્ષીય લક્ષ્મી પ્રસાદ પોતાની પત્ની 55 વર્ષીય વિમલા અને દીકરો અંકિત (ઉંમર 28 વર્ષ) સાથે રહેતા હતા. શનિવારે સવારે દૂધવાળો લક્ષ્મી પ્રસાદના ઘરે દૂધ આપવા પહોંચ્યો હતો. તેણે દરવાજો ખખડાવ્યો, પરંતુ અંદરથી કોઈ ન નીકળ્યું.  જ્યારે દૂધવાળાએ અંદર ડોકિયું કરીને જોયું તો લક્ષ્મી પ્રસાદ અને તેની પત્ની વિમલ લોહીથી લથબથ ફર્શ પર પડ્યા હતા.

તેને જોઈને દૂધવાળાના હોશ ઊડી ગયા. તેણે બૂમો પાડવાની શરૂ કરી દીધી અને મોહલ્લાના રહવાસીઓને એકત્ર કર્યા. ઘણા લોકો ત્યાં પહોંચ્યા. આ લોકોએ જેમ તેમ કરીને લક્ષ્મી પ્રસાદના ઘરમાં પ્રવેશ કર્યો. જોયું તો લક્ષ્મી પ્રસાદ અને તેની પત્ની વિમલા ગંભીર રૂપે ઇજાગ્રસ્ત થઈને જમીન પર પડ્યા હતા અને રૂમમાં તેમનો દીકરો અંકિત આઘાતમાં ડરીને બેઠો હતો. પોલીસને જાણકારી આપવામાં આવી.

ઘટનાસ્થળ પર પહોંચેલી પોલીસે જોયું તો બંને ઇજાગ્રસ્તોને હૉસ્પિટલ પહોંચાડ્યા, અહી પહોંચવા અગાઉ લક્ષ્મી પ્રસાદનું મોત થઈ ગયું હતું. સારવાર દરમિયાન વિમલાનું મોત થઈ ગયું. પોલીસે ત્યારબાદ શબોને પોસ્ટમોર્ટમ માટે મોકલી દીધા. તો પોલીસે મૃતકોના પુત્ર અંકિતને કસ્ટડીમાં લીધો છે. ઘટનાની જાણકારી આપતા ઝાંસીના SSP રાજેશ એસ.એ કહ્યું કે, દીકરા દ્વારા લાકડીથી ગંભીર રૂપે મારવાના કારણે પતિ-પત્નીના મોત થઈ ગયા.

માનસિક વિક્ષિપ્ત દીકરાએ હત્યાની વાત કબૂલી છે. ઘટનાની આગળની કાર્યવાહી હાથ ધરવામાં આવી રહી છે. સામે આવ્યું કે, અંકિતનું 2 વર્ષથી માનસિક સંતુલન સારું નથી. તે પબ્જી ગેમ રમતો હતો. દિવસ હોય કે રાત, તેનું કામ પબ્જી રમવાનું રહેતું હતું. ગેમની લતના કારણે તેનું માનસિક સંતુલન બગડી ગયું. ત્યારબાદ તેની હાલત વધુ ખરાબ થઈ ગઈ. લોકોના જણાવ્યા મુજબ, તેણે પહેલા પોતાના પિતા પર હુમલો કર્યો અને પછી માતાને ઢોર માર મારીને મારી નાખી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.