ઉત્તર પ્રદેશના ફતેહપુર જિલ્લામાં એક કથિત ગેરકાયદેસર ધર્માંતરણ કેસમાં પોલીસ તપાસમાં નવા ખુલાસા થઈ રહ્યા છે. પોલીસની આઠ મહિનાની તપાસમાં બહાર આવ્યું છે કે ધર્મ પરિવર્તન માટે આર્થિક રીતે નબળા લોકોને લાલચ આપવામાં આવી હતી. આ માટે વિદેશમાંથી ફંડિંગ આવતું હતું. પોલીસે આ મામલે પ્રયાગરાજ નૈની એગ્રીકલ્ચરલ યુનિવર્સિટીના કુલપતિ સહિત ચારને નોટિસ ફટકારી છે અને તેમના નિવેદન નોંધવા માટે બોલાવ્યા છે.
પોલીસ અધિકારીએ જણાવ્યું કે ધર્મ પરિવર્તનની રમતમાં એક મોટું નેટવર્ક સક્રિય છે. ચર્ચમાં આવતા ફંડની તપાસ કરવામાં આવી છે. તેમના ખાતાની તપાસ કર્યા બાદ જાણવા મળ્યું છે કે વિદેશી સંસ્થાઓ તેમને પૈસા આપી રહી હતી. આ તપાસ દરમિયાન, પ્રયાગરાજની નૈની કૃષિ યુનિવર્સિટીના ચાન્સેલર વિનોદ બિલાલ અને વાઇસ ચાન્સેલર આરબી લાલને નોટિસ મોકલીને 29 ડિસેમ્બરે તેમનું નિવેદન નોંધવા માટે બોલાવવામાં આવ્યા છે. આ સાથે પ્રયાગરાજ બાઈબલ સેરેમની બેલી હોસ્પિટલ પાસે રહેતા બિશપ મિસ્ટર પોલ, એગ્રીકલ્ચર ઈન્સ્ટિટ્યૂટ (સિયાટસ)ના જેટી ઓલિવરનું પણ નિવેદન નોંધવામાં આવશે.
પોલીસનો દાવો છે કે આ તમામ ખાતાઓમાં લંડનથી પૈસા મોકલવામાં આવ્યા હતા. આ પછી તેણે આ પૈસા ચર્ચની સંસ્થાને ઉપલબ્ધ કરાવ્યા. પોલીસના એક અધિકારીએ કહ્યું કે જો આ લોકો દોષી સાબિત થશે તો તેમની સામે કડક કાર્યવાહી કરવામાં આવશે. તેમનું નિવેદન નોંધવા માટે કોઈપણ હાલાતમાં તેઓએ પોલીસ સમક્ષ હાજર રહેવું પડશે.
પોલીસના જણાવ્યા અનુસાર, ચર્ચ સાથે સંકળાયેલી સંસ્થાઓ એક મિશન હેઠળ ધર્મ પરિવર્તનનું કામ કરી રહી છે. જોકે, મિશનરીના લોકોએ પોલીસના આ દાવાને સ્પષ્ટપણે નકારી કાઢ્યો છે. તેમનું કહેવું છે કે અત્યાર સુધી પોલીસ એક પણ એવી વ્યક્તિને આગળ લાવી શકી નથી જેનું ધર્મ પરિવર્તન થયું છે. જણાવી દઈએ કે આ સમગ્ર મામલાની તપાસ ATS ની દેખરેખમાં થઈ રહી છે.
હરિહરગંજના ઇવેન્જેલિકલ ચર્ચમાં હિન્દુ સંગઠનોએ ગઈ 15 એપ્રિલના રોજ સામૂહિક ધર્માંતરણ કરાવવાનો આરોપ લગાવ્યો હતો. આ સાથે ચર્ચ વિરુદ્ધ સૂત્રોચ્ચાર કરતાં ભારે હોબાળો મચાવ્યો હતો. આ પછી પોલીસે આ મામલે કેસ નોંધીને 54 લોકો સામે કેસ નોંધ્યો છે. આ કેસમાં ચર્ચના પાદરી સહિત 15 લોકો જેલમાં ગયા છે. 36એ અગ્રિમ જામીન મેળવ્યા છે અને ત્રણ ફરાર છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
