ઉત્તર પ્રદેશના મુઝફ્ફરનગરથી એક ચોંકાવનારો વીડિયો સામે આવ્યો છે. એક મહિલા ટીચર વર્ગના બીજા બાળકો પાસે એક મુસ્લિમ બાળકને લાફા મરાવી રહી છે. આ ટીચર એક પછી એક બાળકને બોલાવીને કહી રહી છે કે આના ગાલ પર થપ્પડ મારો. બાળક જોર જોરથી રડી રહ્યો છે, પરંતુ નિષ્ઠુર ટીચરના દીલ પર તેની કોઇ અસર થતી નથી.મહિલા ટીચરની પાસે કોઇ પુરુષ બેઠેલો છે અને બંને વચ્ચે વાતચીત થઇ રહી છે. હવે આ વીડિયો સોશિયલ મીડિયા પર વાયરલ થઇ રહ્યો છે.
કોંગ્રેસ નેતા રાહુલ ગાંધીએ આ ઘટનાને લઇને ભાજપ પર નિશાન સાધ્યું છે તો AIMIMના નેતા ઔવેસી પણ મુસ્લિમ વિદ્યાર્થી સાથે થઇ રહેલી મારપીટનો વીડિયો ટ્વીટર પર શેર કર્યો છે.
⚠️ UP school teacher asks kids to slap Muslim kid
— Mohibb_e_hussain || ⚡ (@Haq_Parast_110) August 25, 2023
A video of a teacher at Neha Public School in Uttar Pradesh's Muzaffarnagar encouraging kids to slap a Muslim kid went viral,
Demand Arrest of these teachers ✊?#NehaPublicSchool
Rip Humanity shame on These heartless people pic.twitter.com/8yTIQKqB7Y
સોશિયલ મીડિયા પર વાયરલ થયેલો આ વીડિયો મુઝફ્ફરનગરના ખુબ્બાપુર ગામનો છે. આ ગામમાં તૃપ્તા ત્યાગી નામની એક મહિલા ખાનગી સ્કુલ ચલાવે છે. વીડિયોમાં ટીચર તૃપ્તા ખુરશી પર બેઠી છે અને તેની પાસે એક વિદ્યાર્થી બેઠો છે, બાકીના બાળકો નીચે બેઠેલા છે. તૃપ્તા એક પછી એક વિદ્યાર્થીને બોલાવે છે અને પાસે ઉભેલા વિદ્યાર્થીને લાફો મારવાની સુચના આપે છે. ટીચરે કહ્યું એટલે નાછુટકે સાથી વિદ્યાર્થીઓએ ઉભેલા બાળકને લાફા મારવા પડ્યા. આ દરમિયાન તૃપ્તા પાસે બેઠેલા પુરુષ સાથે વાતચીત કરી રહી છે.બાળક જોર જોરથી રડી રહ્યો છે, પરંતુ ટીચરને કોઇ દયા આવતી નથી.
આ વીડિયો પોલીસ સુધી પહોંચ્યો છે. CO ડો. રવિ શંકરે કહ્યું કે, એક વિદ્યાર્થીને અન્ય વિદ્યાર્થીઓ માર મારી રહ્યા હોય તેવો વીડિયો સામે આવ્યો છે અને મહિલા ટીચર ધાર્મિક ટીપ્પણી કરી રહી હોય તેવી વાત પણ સામે આવી છે. મંસૂર પોલીસ ચોકીના પ્રભારીને તપાસ કરવાનનો આદેશ આપી દેવામાં આવ્યો છે.
મુઝફ્ફરનગરના બેઝિક એજ્યુકેશન ઓફિસર શુભમ શુક્લાનું કહેવું છે કે આ મામલે બે શિક્ષકો સામે કાર્યવાહી કરવામાં આવશે. વીડિયોમાં જોવા મળી રહ્યું છે કે એક શિક્ષક ઉશ્કેરી રહ્યો છે અને બાળકો એક વિદ્યાર્થીને માર મારી રહ્યા છે. આ મામલામાં બંને શિક્ષકો અને સ્કૂલ મેનેજમેન્ટ સામે પણ કાર્યવાહી કરવામાં આવશે.
જો કે પીડિત બાળકના પિતાનું કહેવું છે કે સ્કુલ ટીચરે બાળકો વચ્ચે વિવાદ ઉભો કર્યો હતો. અમે આ મામલામાં સમધાન કરી લીધું છે. અમે કોઇ કાર્યવાહી કરવા માંગતા નથી.
मासूम बच्चों के मन में भेदभाव का ज़हर घोलना, स्कूल जैसे पवित्र स्थान को नफ़रत का बाज़ार बनाना - एक शिक्षक देश के लिए इससे बुरा कुछ नहीं कर सकता।
— Rahul Gandhi (@RahulGandhi) August 25, 2023
ये भाजपा का फैलाया वही केरोसिन है जिसने भारत के कोने-कोने में आग लगा रखी है।
बच्चे भारत का भविष्य हैं - उनको नफ़रत नहीं, हम सबको मिल…
આ ઘટના પર કોંગ્રેસ નેતા રાહુલ ગાંધીએ ભાજપ પર નિશાન સાધીને કહ્યું કે, માસૂમ બાળકોના મનમાં ભેદભાવનું ઝેર ઘોળવું, સ્કુલ જેવી પવિત્ર જગ્યાને નફરતનું બજાર બનાવી દેવું. એક શિક્ષક દેશ માટે આનાથી ખરાબ કઇ ન કરી શકે. આ બધું ભાજપ દ્રારા ફેલાવવામાં આવેલું કેરોસિન છે જેણે ભારતના ખુણે ખુણે આગ લગાવી રાખી છે. બાળકો ભારતનું ભવિષ્ય છે. તેમને નફરત નહી, આપણે બધાએ ભેગા મળીને પ્રેમ શિખવવાનો છે.
AIMIMના પ્રમુખ અસદુદ્દીન ઔવેસીઅ ટ્વિટ કરીને લખ્યું કે, આ વીડિયો ઉત્તર પ્રદેશનો છે. ટીચર એક મુસલમાન બાળકને બીજા બાળક પાસે થપ્પડ મરાવી રહી છે અને પાછી ગૌરવ પણ લઇ રહી છે. પીડિત બાળકના પિતાએ બાળકને સ્કુલમાંથ ઉઠાડી દીધો છે અને લેખિતમાં આપ્યું છે કે અમે કોઇ કાર્યવાહી કરીશું નહીં.
15.jpg)
