બેડમિન્ટન રમતા રમતા 38 વર્ષીય ખેલાડીને આવ્યો હાર્ટ એટેક, મોત

હૈદરાબાદના સિકંદરાબાદ સ્થિત લાલપેટમાં બેડમિન્ટન રમી રહેલા ખેલાડીનું અચાનક હાર્ટ એટેક આવતા મોત થઈ ગયું. ઘટનાનો વીડિયો પણ સામે આવ્યો છે, તેમાં 38 વર્ષીય શ્યામ યાદવ બેડમિન્ટન કોર્ટ પર પડેલો નજરે પડી રહ્યો છે. પરિવારે જણાવ્યું કે, શ્યામ ઓફિસથી ફર્યા બાદ રોજ બેડમિન્ટન રમવા માટે જતો હતો. ઘટના મંગળવારે સાંજે થઈ. રિપોર્ટ્સ મુજબ, મંગળવારે સાંજે લગભગ સાઢા સાત (7:30) વાગ્યે બેડમિન્ટન રમી રહેલા શ્યામને હાર્ટ એટેક આવ્યો અને તે બેભાન થઈ ગયો.

ત્યારબાદ તેના સાથી તેને સારવાર માટે નજીકની હૉસ્પિટલમાં લઈ પહોંચ્યા હતો. અહીં ડૉક્ટરોએ શ્યામને મૃત જાહેર કરી દીધો. ઘટના બાદ પરિવારમાં શોકનું મોજું ફરી વળ્યું છે. તો જે લોકો સાથે રમતો હતો, તે લોકો હેરાન છે. તેમનું કહેવું છે કે શ્યામ ખૂબ ફિટ હતો, અમે લોકો રોજ બેટામિન્ટન રમતા હતા. ગત દિવસોમાં જ હૈદરાબાદમાં ચોંકાવનારી ઘટના સામે આવી હતી. અહીં એક ઘરમાં લગ્નનો ઉત્સવ હતો. ઘરમાં ગીત-સંગીત વાગી રહ્યા હતા. આંગણામાં વરરાજો બેઠો હતો.

પીઠી લગાવવમાં આવી રહી હતી. ઘરમાં ખુશીનો માહોલ હતો. સામે એક સંબંધી ઊઠીને આવે છે. વ્યક્તિ પીઠી લગાવવા માટે વરરાજાની પેન્ટ ઉપર કરે છે. વ્યક્તિ વરરાજા તરફ હાથ વધારે છે. ત્યારે જ તે અસહજ અનુભવે છે અને સીધો થઈને બેસી જાય છે. આંખો બંધ થવા લાગે છે અને થોડી જ ક્ષણમાં તે ઉંધા મોઢે પડી જાય છે. વરરાજા તેને ઉઠાડવા માગે છે. જોત જોતમાં ચીસો પડી ઉઠે છે. વ્યક્તિને હૉસ્પિટલ લઈ જવામાં આવે છે, જ્યાં તેનું મોત થઈ ગયું હતું. ડૉક્ટર બતાવે છે કે હાર્ટ એટેકથી મોત થઈ ગયું હતું.

નાંદેડનો એક એવો જ વીડિયો વાયરલ થયો હતો. એક યુવક તેલંગાણાથી પોતાના સંબંધીના લગ્નમાં ગયો હતો. ઉત્સવના માહોલમાં યુવક તેલુગુ સોંગ પર નાચી રહ્યો હતો. લોકો ખુશ થઈને તેને ચીયર કરી રહ્યા હતા. લગભગ 30 સેકન્ડની અંદર જ તે યુવક ઊભો ઊભો શાંત થઈ ગયો. લોકોએ સમજ્યું કે તે કોઈ ડાન્સ મૂવ છે. મ્યુઝિક વાગતું રહ્યું. લગભગ 20 સેકન્ડ સુધી આવી જ રીતે રહ્યો અને પછી ઉંધા મોઢે પડ્યો ત્યારે લોકોને શંકા ગઈ કે કંઈક ગરબડ છે. યુવકને ઉઠાડવાનો પ્રયત્ન કરવામાં આવ્યો, પરંતુ હાર્ટ એટેક આવવાના કારણે તેનું મોત થઈ ચૂક્યું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.