વિવેક અને અનુપમ 'ધ કાશ્મીર ફાઇલ્સ'ને લઈને આ જૂઠ્ઠાણું ફેલાવી રહ્યા છે, ખૂલી પોલ

ધ કાશ્મીર ફાઇલ્સ ફિલ્મ ઓસ્કાર 2023 માટે શોર્ટલિસ્ટ થઇ ગઇ છે એવો જોરશોરથી વિવેક અગ્નિહોત્રી દાવો કરી રહ્યો છે, પરંતુ તેનો દાવો પોકળ હોવાની વાત સામે આવી છે. ફિલ્મ હજુ શોર્ટલિસ્ટ  શઇ નથી.

‘ધ કાશ્મીર ફાઇલ્સ'ને ઓસ્કાર 2023 માટે શોર્ટલિસ્ટ કરવામાં આવી હોવાના સમાચાર ખોટા છે. વિવેક અગ્નિહોત્રીનો દાવો ખોટો છે. આ ફિલ્મને શોર્ટલિસ્ટ કરવામાં આવી નથી, માત્ર ઓસ્કાર માટે લાયક ગણવામાં આવી છે. કંતારા ફેમ અભિનેતા ઋષભ શેટ્ટીની ફિલ્મ પણ ઓસ્કાર માટે ક્વોલિફાય થઈ શકી નથી. કંતારાને પણ માત્ર પાત્ર ગણવામાં આવી છે.

કાશ્મીર ફાઇલને ઓસ્કાર 2023 માટે શોર્ટલિસ્ટ કરવામાં આવી હોવાના સમાચાર સાંભળીને તમે સેલિબ્રેશન મોડમાં છો. તો થોડીવાર રોકાઈ જાવ. કારણ કે તમારી સાથે શબ્દોનો ખેલ કરવામાં આવ્યો છે. કાશ્મીર ફાઇલ્સના ડાયરેક્ટર વિવેક અગ્નિહોત્રીએ પોતાના ટ્વિટ દ્વારા ફિલ્મ પ્રેમીઓને ગેરમાર્ગે દોર્યા છે.

સત્ય એ છે કે કાશ્મીર ફાઇલ્સ હજુ સુધી ઓસ્કાર 2023 માટે શોર્ટલિસ્ટ કરવામાં આવી નથી. આ ફિલ્મ રેસમાં બની છે. ઓસ્કર 2023 માં આગળ વધવા માટે પાત્ર છે, તેનાથી વધુ કંઈ થયું નથી. હા અપેક્ષાઓ પૂરી છે પણ મંઝિલ મળવી અલગ વાત છે.

વિવેક અગ્નિહોત્રીએ પોતાના ટ્વિટમાં લખ્યું છે કે,બિગ એનાઉસમેન્ટ, એકેડમીની પ્રથમ યાદીમાં કાશ્મીર ફાઇલને ઓસ્કાર 2023 માટે શોર્ટલિસ્ટ કરવામાં આવી છે. આ ભારતની 5 ફિલ્મોમાંથી એક છે. હું દરેકને અભિનંદન આપું છું. બીજા ટ્વિટમાં, ડિરેક્ટર લખે છે કે, પલ્લવી જોશી, મિથુન ચક્રવર્તી, દર્શન કુમાર, અનુપમ ખેર બધાને શ્રેષ્ઠ અભિનેતાની શ્રેણીમાં શોર્ટલિસ્ટ કરવામાં આવ્યા છે. આ તો માત્ર શરૂઆત છે. રસ્તો લાંબો છે. બધાને આશીર્વાદ આપો.

જો તમે એકેડમી એવોર્ડ્સની ઓફિશિયલ વેબસાઈટ પર જશો તો તમે જોશો કે વિવેક અગ્નિહોત્રીનો દાવો ખોટો છે. આ ફિલ્મને શોર્ટલિસ્ટ કરવામાં આવી નથી. ઈન્ટરનેશનલ ફીચર ફિલ્મ કેટેગરીમાં ભારતની માત્ર એક ફિલ્મને ઓસ્કાર માટે શોર્ટલિસ્ટ કરવામાં આવી છે. તે છે 'ધ લાસ્ટ ફિલ્મ શો', આ એકમાત્ર ભારતીય ફિલ્મ છે જેને શોર્ટલિસ્ટ કરવામાં આવી છે. તેની જાહેરાત થઈ ચૂકી હતી. બાકીની કેટેગરીમાં શોર્ટલિસ્ટ થયેલી ફિલ્મોની માહિતી હજુ આવવાની બાકી છે. માત્ર વિવેક જ નહીં, કાંતારા ફેમ અભિનેતા ઋષભ શેટ્ટીની ફિલ્મ પણ ઓસ્કાર માટે ક્વોલિફાય થઈ શકી નથી.

9 જાન્યુઆરી, 2023 ના રોજ, એકેડેમી પુરસ્કારો માટે લાયક 301 ફિલ્મોની યાદી બહાર પાડવામાં આવી હતી. આ યાદીમાં કંતારા, ધ કાશ્મીર ફાઇલ્સનું નામ સામેલ હતું. અખબારી યાદીમાં ક્યાંય એવું લખવામાં આવ્યું નથી કે આ ફિલ્મો શોર્ટલિસ્ટ કરવામાં આવી છે. આ તમામ ફિલ્મોને મતદાન પ્રક્રિયા પછી આગળ મોકલવામાં આવશે. સ્પષ્ટપણે ઉલ્લેખ કરવામાં આવ્યો છે કે આ એલિજિબિલિટી લિસ્ટ છે, જેનો અર્થ છે કે આ ફિલ્મો ઓસ્કારના તમામ માપદંડોને પૂર્ણ કરે છે અને આગળ વધવાની ક્ષમતા ધરાવે છે. ઓસ્કારની રેસમાં તેનું નામ છે. પરંતુ આ ફિલ્મ શોર્ટલિસ્ટ થશે જ તેની કોઇ ગેરંટી નથી.

વિવેક અગ્નિહોત્રી જ નહીં પરંતુ આ ફિલ્મમાં અભિનય કરનાર અનુપમ ખેર પણ આ જૂઠ્ઠાણું ફેલાવી રહ્યો છે. અનુપમ ખેરે પોતાની ટ્વીટમાં લખ્યું હતું કે, ધ કાશ્મીર ફાઇલ્સ અને મારું નામ ઓસ્કર 2023 માટે બેસ્ટ અને બેસ્ટ એક્ટરની કેટેગરીમાં પસંદ થયું છે જેની મને બહુ ખુશી છે. શોર્ટ લિસ્ટ તરીકે આ અમારા માટે એક મોટી જીત છે. લિસ્ટમાં અન્ય એક ભારતીય ફિલ્મને પણ શુભેચ્છા. ભારતીય સિનેમાની જય હો.

બીજી તરફ, રિષભ શેટ્ટીનું નિવેદન છે કે તેમની ફિલ્મ ઓસ્કાર માટે બે કેટેગરીમાં ક્વોલિફાય થઈ છે તે ભ્રામક છે. વિવેક અગ્નિહોત્રી અને ઋષભ શેટ્ટી દ્વારા ચાહકોને ગેરમાર્ગે દોરવું એ સમજની બહાર છે, કારણ કે તે બંને હજુ પણ ઓસ્કરની રેસમાં ઘણા પાછળ છે. તેથી આ સેલિબ્રેશનનો સમય નથી. તેના ઓસ્કારને લઈને જે માહોલ ઉભો કરવામાં આવ્યો છે તે જલ્દબાજી સિવાય કશું નથી.

Deeply humbled to see #TheKashmirFiles as a film and my name shortlisted in #BestFilm and #BestActor catagory for the #Oscars2023! Even as a short list it is a big triumph for us. Congratulations also to other Indian films in the list. भारतीय सिनेमा की जय हो! 🙏😍 @TheAcademy pic.twitter.com/VtaGLywtZQ

— Anupam Kher (@AnupamPKher) January 10, 2023

95મા એકેડેમી એવોર્ડ્સ માટે નોમિનેશન વોટિંગ 12-17 જાન્યુઆરી દરમિયાન યોજાશે. નામાંકન 24 જાન્યુઆરી 2023ના રોજ જાહેર કરવામાં આવશે. પછી તે દિવસ આવશે જેની તમામ સિનેમાપ્રેમીઓ રાહ જોઈ રહ્યા છે.ઓસ્કર એવોર્ડની જાહેરાત 12 માર્ચ, 2023ના રોજ થશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.