તુર્કીની મહિલાએ ભારતની મહિલા સૈનિકના ગાલ પર ચુંબન કર્યુ, લોકોએ કહ્યું, આ છે ભારત

તુર્કી અને સીરિયામાં આવેલા ભૂકંપના કારણે થયેલી તબાહીના ઘણા વીડિયો અને ફોટો સોશિયલ મીડિયા પર વાયરલ થઈ રહ્યા છે. આ દરમિયાન ભારતીય સેના અને NDRFની ટીમોએ તુર્કીમાં મોરચો સંભાળીને ઘણા લોકોના જીવ બચાવ્યા છે. આ દરમિયાન સોશિયલ મીડિયા પર એક તસવીર ખૂબ વાયરલ થઈ રહી છે, જેમાં તુર્કીની એક મહિલા ભારતીય સેનાની મહિલા અધિકારીને ગાલ પર ચુંબન આપી રહી છે. આ વાયરલ ફોટો પર લોકોએ વિવિધ પ્રતિક્રિયાઓ આપી છે.

ADG PIના સત્તાવાર ટ્વિટર હેન્ડલ પર કેપ્શન સાથે આ તસવીર શેર કરવામાં આવી છે, 'અમે કાળજી રાખીએ છીએ.' આ તસવીર પર લોકો ઘણી પ્રતિક્રિયાઓ આપી રહ્યા છે. કેટલાક લોકોએ કહ્યું કે ભારત આવી વસ્તુઓ માટે જાણીતું છે, જ્યારે કેટલાક લોકોએ લખ્યું કે, આ તસવીર જોઈને કેટલાક લોકોને પરેશાની થઈ હશે.

પત્રકાર રૂબિકા લિયાકતે આ ફોટો શેર કર્યો અને લખ્યું, 'જે ઇકોસિસ્ટમ એ સાબિત કરવા પર છે કે ભારતમાં મુસ્લિમોની હાલત ખરાબ છે. આ તસવીર અને PM મોદી સરકારનું ઓપરેશન દોસ્ત તેના મૂળને હલાવી દેશે. તુર્કીએ ભારતનો વિરોધ ચાલુ રાખ્યો, તે પણ ધર્મના આધારે. ખરાબ સમયમાં, વસુધૈવ કુટુંબકમવાળો દેશ ઉપયોગમાં આવ્યો, ન કે ધાર્મિક કટ્ટરતાનો દેશ.' પત્રકાર મીનાક્ષી જોશીએ ટિપ્પણી કરી, 'માણસ માનવતામાંથી છે અને માણસ જ માણસ માટે છે. તુર્કી ભલે ભારતની સાથે હોય ન હોય, પરંતુ ભારત તુર્કીમાં માનવતા સાથે છે.'

#OperationDost

We Care.#IndianArmy#Türkiye pic.twitter.com/WoV3NhOYap

— ADG PI - INDIAN ARMY (@adgpi) February 9, 2023

@nidhitripathi92 નામના ટ્વિટર હેન્ડલ પરથી ટિપ્પણી કરવામાં આવી છે, અમને ભારત કહેવામાં આવે છે. @Santosh91647389 નામના યુઝરે લખ્યું છે કે, આ તસવીર બધાને હંમેશ માટે યાદ રહેશે. @prirmak નામના એક યુઝરે લખ્યું, 'આ ભારત છે, ભારતીય સેનાને પ્રેમ આપતી અન્ય દેશની મહિલા, આનાથી સુંદર ફોટો કયો હોઈ શકે?' @theindiclawyer નામના યુઝરે લખ્યું છે કે, આ એક ફોટો હજાર ફોટાની બરાબર છે.

जो ecosystem ये साबित करने पर तुला रहा कि भारत में मुसलमानों का बुरा हाल है उसकी जड़ें हिलाने वाली है ये तस्वीर और मोदी सरकार का ऑपरेशन दोस्त। तुर्किए,भारत की मुख़ालिफ़त करता रहा वो भी मज़हबी आधार पर। बुरे वक़्त में वसुधैव कुटुंबकम वाला देश काम आया,न कि धार्मिक कट्टरता वाला।#जयहो pic.twitter.com/3sVCHyTWiS

— Rubika Liyaquat (@RubikaLiyaquat) February 9, 2023

અહીં જાણકારી માટે તમને જણાવી દઈએ કે, ભારતે 'ઓપરેશન દોસ્ત' હેઠળ તુર્કીને ખાસ મદદ મોકલી છે. કેન્દ્રીય વિદેશ મંત્રી S જય શંકર તેમના ટ્વિટર હેન્ડલ દ્વારા સતત 'ઓપરેશન દોસ્ત' વિશે માહિતી આપી રહ્યા છે. અત્રે ઉલ્લેખનીય છે કે, સોમવારે તુર્કી અને સીરિયામાં 7.8ની તીવ્રતાનો ભૂકંપ આવ્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.