કંઝાવાલા ઘટના અંગે ગૃહ મંત્રી અમિત શાહનો નિર્દેશ, તાત્કાલિક રિપોર્ટ સોંપે પોલીસ

દિલ્હીના કંઝાવાલામાં છોકરીના મોતે આખા દેશની અંદરથી હચમચાવી મૂક્યો છે. જે પ્રકારે એક ગાડીએ છોકરીને ઘણા કિલોમીટર સુધી રોડ પર ઘસડી લઇ ગઇ, દરેક સ્તબ્ધ રહી ગયું છે. હવે આ અંગે ગૃહ મંત્રી અમિત શાહે દિલ્હી પોલીસને સ્પષ્ટ નિર્દેશ આપ્યા છે કે, તે આ કેસની એક વિસ્તૃત રિપોર્ટ તેમને તાત્કાલિક સોંપે. તેમની તરફથી વરિષ્ઠ અધિકારી શાલિની સિંહને નિર્દેશ આપવામાં આવ્યો છે કે, જલદી રિપોર્ટ તૈયાર કરીને ઉચિત કાર્યવાહી કરે. દિલ્હીના કંઝાવાલામાં રવિવારે સવારે એક છોકરીનું નગ્ન અવસ્થામાં શબ મળી આવ્યું હતું.

બોડીના ઘણા હિસ્સા ક્ષત-વિક્ષત થઇ ગયા હતા. પોલીસે દાવો કર્યો છે કે, કાર સવાર યુવકોએ એક છોકરીને ટક્કર મારી, પછી રોડ પર 10-12 કિલોમીટર સુધી ધસડી, જેથી તેનું મોત થઇ ગયું. દિલ્હી પોલીસે શબ મળ્યા બાદ તપાસ કરી તો ઘટનાસ્થળથી થોડે દૂર પર પોલીસને એક સ્કૂટી પડેલી મળી, જે દુર્ઘટનાગ્રસ્ત હતી. સ્કૂટીના નંબરના આધાર પર યુવતી બાબતે જાણકારી મેળવવામાં આવી. હવે આ મામલે પોલીસે બધા આરોપીઓની ધરપકડ કરી લીધી છે, પરંતુ ઘણા બિંદુઓ પર અત્યારે પણ તપાસ ચાલી રહી છે.

કેસની સંવેદનશીલતા જોતા ગૃહ મંત્રી અમિત શાહ પોતે આ કેસને લઇને સક્રિય થઇ ગયા છે. તેમણે પોલીસ પાસે એક વિસ્તૃત રિપોર્ટ માંગ્યો છે. મોટી વાત એ છે કે અમિત શાહે ટૂંકમાં કહ્યું કે, પોલીસ તાત્કાલિક આ ઘટનાની આખી જાણકારી આપે. આમ કેસમાં પોલીસે સોમવારે પ્રેસ કોન્ફરન્સ કરીને એક નિવેદન જાહેર કર્યું છે. એ નિવેદનમાં કહેવામાં આવ્યું છે કે, પાંચ આરોપી પકડાયા છે. તેમાં દીપક ખન્ના કારને ડ્રાઇવ કરી રહ્યો હતો. તે ગ્રામીણ સેવામાં કાર્યરત છે. એ સિવાય કારમાં અમિત ખન્ના, કૃષ્ણ, મનોજ અને મિથુન બેઠા હતા.

CCTV ફૂટેજ અને ડિજિટલ પુરાવાની ટાઇમલાઇન બનાવીશું. તેના આધાર પર જાણકારી મળવશે કે આરોપી ક્યાંથી આવ્યા હતા અને ક્યાં જઇ રહ્યા હતા. ધસડવા બાબતે પોલીસે જણાવ્યું કે, બોડી કારમાં ફસાઇ ગઇ હતી. 10-12 કિલોમીટર સુધી ધસડી. ક્યાંક ટર્નિંગ દરમિયાન બોડી રસ્તા પર પડી. કાલે પોસ્ટમોર્ટમ રિપોર્ટ આવી જશે. એ પણ શેર કરીશું. હવે આ કેસમાં પોલીસ તપાસ ચાલી રહી છે. આ મામલે રાજકારણ પણ ગરમાયુ છે. આમ આદમી પાર્ટી તરફથી LG નિવાસનો ઘેરાવ કરવામાં આવ્યો હતો. રાજધાનીને ક્રાઇમ સીટી જાહેર કરી દેવામાં આવી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.