‘મારું માનસિક અને શારીરિક શોષણ થઈ રહ્યું છે..’ મહિલા પોલીસકર્મીની આપવીતી

ઉત્તર પ્રદેશની રાજધાની લખનૌમાં ફરજ બજાવતા LIU મહિલા પોલીસકર્મીનો એક વીડિયો સામે આવ્યો છે. જેમાં તે રડી રડીને પોતાની આપવીતિ લખનૌ પોલીસ કમિશનરને સંભળાવી રહી છે. મહિલાએ LIU નિરીક્ષક જાવેદ અખ્તર પર માનસિક અને શારીરિક અત્યાચારનો આરોપ લગાવ્યો છે. મહિલાનું કહેવું છે કે, તેને પરેશાન કરવામાં આવી રહી છે. તેણે આ સંબંધમાં CO અવધેશ ચૌધરીને ફરિયાદ કરી, પરંતુ તેમણે લડીને ભગાવી દીધી. CO તેમની વાત જ સાંભળતા નથી.

મહિલા પોલીસકર્મીનું કહેવું છે કે, કેટલાક કર્મચારી એવા છે જે પરેશાન કરે છે અને પાછળ પડી ગયા છે. ખાસ કરીને ઇન્સ્પેક્ટર જાવેદ અખ્તર જે હંમેશાં ઊંધી ચત્તી વાતો કરતા રહે છે અને ગંદા ગંદા ટોન્ટ મારતા રહે છે. મહિલા પોલીસકર્મીએ પોલીસ કમિશનરને પોતાની આપવીતી બતાવતા કહ્યું છે કે, તે ઉત્તર પ્રદેશ પોલીસમાં કોન્સ્ટેબલના પદ પર તૈનાત છે. તેની કોઈ સુનાવણી થતી નથી અને એક-બે વખત તમારી (પોલીસ કમિશનર) પાસે ઉપસ્થિત થવાનો પ્રયાસ પણ કર્યો, પરંતુ મને ઉપસ્થિત થવા ન દીધી. મને ખૂબ પરેશાન કરવામાં આવી રહી છે.

મહિલાએ વીડિયોમાં આગળ કહ્યું કે, તે પૂર્વમાં ફિલ્ડનું કામ કરતી હતી, પરંતુ હવે તેને ઓફિસ સાથે અટેચ કરી દેવામાં આવી છે. ઓફિસમાં કામ તો કરી રહી છું, પરંતુ અહીં મને એવું કોઈ કામ આપવામાં આવ્યું નથી. સવારે 10 વાગ્યા સુધી અહીં બેસાડવામાં આવે છે. એટલી પરેશાન કરી દીધી છે કે CO સરને કોઈ વાત કહેવા જાઉ છું તો CO સર મારી કોઈ વાત સાંભળતા નથી. પીડિત મહિલા કોન્સ્ટેબલનું કહેવું છે કે, એવામાં તે આખરે કોને પોતાની વાત કહે.

મહિલા વીડિયોમાં રડતા રડતા એમ પણ કહી રહી છે કે તેના દીકરાને કૂતરાએ બચકું ભરી લીધું હતું. દીકરાની તબિયત વધુ બગડી ગઈ હતી. તે જ્યારે CO પાસે રજા માગવા અરજી લઈને ગઈ તો COએ અરજી ફેંકી દીધી. સાથે જ કહ્યું કે, રજા નહીં આપું, જા જે કરવું હોય તે કરી લે. એવામાં કોન્સ્ટેબલ સ્તરની થઈને શું કરું, કંઈ સમજ પડતી નથી. હું વિચારું છું કે આત્મહત્યા કરી લઉં કેમ કે હું ખૂબ પરેશાન થઈ ગઈ છું. આ અંગે DCP મધ્ય અર્પણા કૌશિકે કહ્યું કે, લખનૌ પોલીસમાં LIU વિભાગમાં તૈનાત મહિલા પોલીસકર્મીનો વીડિયો સામે આવ્યો છે, જેમાં તેણે ઘણા આરોપ લગાવ્યા છે. પ્રકરણને ગંભીરતાથી જોતા તેની તપાસ ADCP મધ્ય મનીષા સિંહને સોંપવામાં આવી છે.