નામમાંથી ‘S’ રિમૂવ કરીને લૂંટી લીધા 3.56 લાખ રૂપિયા, ન કરો આ ભૂલ

WHOના રિટાયર્ડ અધિકારી એક અનોખા સ્કેમના શિકાર થઈ ગયા. સાઇબર ક્રિમિનલ્સે સ્કેમની નવી રીત શોધી કાઢી છે. જ્યાં તેમણે ખૂબ સરળતાથી રિટાયર્ડ અધિકારીને 3.56 લાખ રૂપિયાનો ચૂનો લગાવી દીધો. અધિકારીએ પોતાના મિત્રની ઇ-મેલ સમજીને તેને રિપ્લાઈ કરી દીધો, ત્યારબાદ તેઓ ઓનલાઇન સ્કેમના શિકાર થઈ ગયા. સાઇબર ઇકોનોમિક્સ અને નાર્કોટિક ક્રાઇમ સ્ટેશનમાં નોંધાયેલી ફરિયાદમાં 78 વર્ષીય રિટાયર્ડ અધિકારીએ જણાવ્યું કે, તેમને [email protected] અકાઉન્ટથી એક E-mail આવ્યો હતો, જેને તેઓ પોતાના મિત્ર [email protected]નું ઈ-મેલ સમજી બેઠા.

બંને નામમાં માત્ર ‘S’નું અંતર છે. નકલી ઈ-મેલમાં તેને કહેવામાં આવ્યું કે તેના મિત્રના દીકરાની વહુએ એક બાળકને જન્મ આપ્યો છે. ત્યારબાદ અધિકારીએ તેને શુભેચ્છા આપી. ત્યારબાદ તેને એ જ ઈ-મેલ આઈડીથી વધુ એક ઈ-મેલ મળ્યું. આ ઈ-મેલમાં કહેવામાં આવ્યું કે, પ્રસાદની લંડનથી ઈન્ડિયા આવનારી ફ્લાઇટ છૂટી ગઈ. સાથે જ તેની પત્નીની પણ તબિયત ખરાબ છે. એવામાં તેને થોડા રૂપિયાની જરૂરિયાત છે, જેથી તેઓ રિટર્ન ફ્લાઇટ બુક કરી શકે. એવામાં રિટાયર અધિકારીએ પોતાના મિત્રની મજબૂરીને સમજતા તેની મદદ કરી દીધી. આ જાણકારી મીડિયા રિપોર્ટ્સથી મળી છે.

ત્યારબાદ રિટાયર્ડ અધિકારીએ 26 જુલાઈથી 31 જુલાઇ વચ્ચે કુલ 3.56 લાખ રૂપિયા ટ્રાન્સફર કર્યા. આ રકમ તેમણે કોટક મહિન્દ્રા અકાઉન્ટથી ટ્રાન્સફર કરી હતી. જેનો ઉલ્લેખ તેમણે પોતાની ફરિયાદમાં કર્યો છે. પોલીસ દ્વારા આ કેસ નોંધી લેવામાં આવ્યો અને તપાસ શરૂ કરી દીધી છે. એવો જ એક સ્કેમ હાલમાં મહારાષ્ટ્રના પૂણેથી સામે આવ્યો હતો, જ્યાં એક કંપનીને ઈ-મેલના માધ્યમથી 22 લાખ રૂપિયાનો ચૂનો લગાવ્યો.

પૂણે સ્થિત ફર્મે ફ્રાંસ સ્થિત કંપનીને 51 હજાર યૂરોનો ઓર્ડર આપ્યો હતો. આ ઓર્ડરને ઈ-મેલના માધ્યમથી સેન્ડ કર્યો. ફ્રાંસ સ્થિત કંપનીએ Pro Forma ઇનવોઇસ મોકલીને ઓર્ડર કન્ફોર્મ કર્યો. તેના થોડા સમય બાદ જ પૂણે સ્થિત ફાર્મને એ ઈ-મેલ મળ્યો જેમાં કહેવામાં આવ્યું કે તેઓ પોતાના ફ્રાંસ સ્થિત રેગ્યૂલર બેંક અકાઉન્ટ અને સ્વિફ્ટ કોડને એક્સેસ કરી શકતા નથી. તેના કારણે તેમને એક નવા બેંક અકાઉન્ટની માહિતી શેર કરી અને તેમાં પેમેન્ટ કરવા કહ્યું.

ઈ-મેલ પર રીસિવ ડિટેલ્સ પર ભરોસો કરીને એડવાન્સ પેમેન્ટના રૂપમાં 24,589 યુરોનું પેમેન્ટ કરી દીધું. જ્યારે નવો બેંક અકાઉન્ટ નંબર આપનારું ઈમેલ સ્કેમર્સે મોકલ્યું હતું, જેની કોઈ ઓળખ ન મળી. પછી કંપનીએ 22 લાખ રૂપિયા ગુમાવી દીધા છે. તેના માટે સ્કેમર્સે ઈ-મેલના નામમાં Eની જગ્યાએ A કરી દીધું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.