બિહારના મુઝફ્ફરપુર જિલ્લામાં હેરાન કરી દેનારી ઘટના સામે આવી છે. પતિ નારાજ થઈને ઘરેથી જતો રહ્યો હતો. 4 દિવસથી ઘરે પાછો આવ્યો નહોતો. મહિલા પતિ ઘર ન આવવાનું દુઃખ સહન ન કરી શકી અને તેનું મોત થઈ ગયું. પરિવારના લોકો મહિલાનો અંતિમ સંસ્કાર કરીને પાછા આવી રહ્યા હતા કે ત્યારે જ જાણકારી મળી કે મહિલાના પતિનું શબ ગામની બહાર પડ્યું છે. ત્યારબાદ તેના શબના પણ મહિલાની ચિતા પાસે જ અંતિમ સંસ્કાર કરી દીધા.
ઘટના બાદ ગામમાં શોકનો માહોલ છે. મૃતક દંપતીના દીકરાનું કહેવું છે કે, પતિની ચિંતામાં માતાનું મોત થઈ ગયું અને પછી પિતા પણ મૃત મળ્યો હતો. ઉલ્લેખનીય છે કે, ઘટના જિલ્લાના બભનગામા ગામની છે. ગામમાં રહેતા તેજુ (ઉંમર 55 વર્ષ)ની 50 વર્ષીય પત્ની સિકલિયા દેવી અને બાળકો સાથે રહેતો હતો. થોડા દિવસ અગાઉ સિકલિયા દેવીનો પતિ તેજુ સાથે કોઈક વાત પર ઝઘડો થઈ ગયો હતો.
ત્યારબાદ તેજુ ગુસ્સામાં ઘરથી નીકળી ગયો હતો અને જમીન જાયદાદના બધા કાગળ પણ પોતાની સાથે લઈ ગયો હતો. 4-5 દિવસ વીતી ગયા બાદ પણ તેજુ ઘરે આવ્યો નહોતો. પત્ની અને બાળકોએ તેને ઘણી જગ્યાએ શોધ્યો, પરંતુ તેજુની જાણકારી ન મળી શકી. 8 જૂન 2023ના રોજ પતિની ચિંતામાં સિકલિયા દેવીનું નિધન થઈ ગયું, પરિવારમાં શોક પ્રસરી ગયો. સિકલિયા દેવીના મોત બાદ તેજુને ફરીથી ગામની આસપાસના ગામમાં શોધવામાં આવ્યો, પરંતુ કોઈ જાણકારી ન મળી.
એવામાં પરિવારના લોકો અને ગ્રામજનોએ સિકલિયા દેવીના ગામના સ્મશાન ઘાટમાં અંતિમ સંસ્કર કરી દીધા.બધા લોકો જ્યારે ઘરે ફરી રહ્યા હતા કે ત્યારે જ તેજુના દીકરા પ્રમોદ સાહનીને મધુબન પ્રતાપના કેટલાક ગોવાળોએ ચૌરા એરિયામાં એક શબ હોવાની જાણકારી આપી. પ્રમોદ અને ગામના કેટલાક લોકો ત્યાં પહોંચ્યા તો તેના પિતા તેજુનું શબ હતું. માતાના મોત બાદ જ પિતાનું શબ મળવાથી પ્રમોદ પૂરી રીતે તૂટી ગયો.
ગ્રામજનો અને સંબંધીઓએ કોઈક પ્રકારે સાંત્વના આપી. તેજુની અર્થી તૈયાર કરવામાં આવી અને પછી સ્મશાન ઘાટ લઈ જવામાં આવ્યો. તેજુનો અંતિમ સંસ્કાર પણ પત્ની સિકલિયા દેવીની ચિતા પાસે જ કરી દેવામાં આવ્યો. પંચાયતના જનપ્રતિનિધિ રામબાબુ સાહનીનું કહેવું છે કે પતિના વિયોગમાં પત્નીનું મોત થઈ ગયું અને પછી એ જ દિવસે પતિનું શબ ગામ બહાર મળ્યું. બંનેનો અંતિમ સંસ્કાર કરી દેવામાં આવ્યો છે. આ ઘટનાથી ગામમાં શોકનો માહોલ છે.
15.jpg)
