છોકરીને બળજબરીથી ઉઠાવી જઇ જંગલમાં અગ્રિ પ્રકટાવી લઇ લીધા ફેરા

રાજસ્થાનના જેસલમેર જિલ્લાના મોહનગઢ પોલીસ સ્ટેશન વિસ્તારથી એક છોકરીનું અપહરણ કરવાની ઘટના સામે આવી છે. છોકરીનું અપહરણ કર્યા બાદ આરોપીએ તેની સાથે બળજબરીપૂર્વક ફેરા લઈને લગ્ન કર્યા. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ ઘટનામાં યુવતીના પરિવારજનો અને ગ્રામજનોએ મંગળવારે કલેક્ટર કાર્યાલય બહાર પ્રદર્શન કર્યું. ત્યારબાદ પોલીસ હરકતમાં આવી અને કેસ દાખલ કરીને મુખ્ય આરોપીની ધરપકડ કરી. પોલીસ અન્ય આરોપીઓની શોધખોળ કરી રહી છે.

રિપોર્ટ્સ મુજબ, આ ઘટના 1 જૂનની છે. વીડિયોમાં જોઈ શકાય છે કે આરોપી, છોકરીને ખોળામાં ઉઠાવીને જંગલમાં આગ સળગાવી 7 ફેરા લઈ રહ્યો છે. એક મહિલા તેને એમ કરતા રોકતી નજરે પડી રહી છે, પરંતુ છોકરો પૂરા ફેરા લીધા બાદ જ છોકરીને છોડે છે. હેરાનીની વાત એ છે કે, જે છોકરી સાથે આરોપીએ 7 ફેરા લીધા, તેના 12 જૂનના રોજ લગ્ન થવાના હતા. આ ઘટનાનો વીડિયો દિલ્હી મહિલા આયોગના અધ્યક્ષ સ્વાતિ માલીવાલે ટ્વીટ કર્યો છે.

मीडिया द्वारा ये वीडियो जैसलमेर का बताया जा रहा है। रिपोर्ट्स के अनुसार एक लड़की को सरेआम किडनैप करके एक बंजर वीराने में आग जलाकर उसके साथ ज़बरदस्ती शादी कर ली। ये बेहद चौंकाने वाली और डराने वाली घटना है। @AshokGehlot51 जी मामले की जाँच कर कार्यवाही करें। pic.twitter.com/mZee4oJgSy

— Swati Maliwal (@SwatiJaiHind) June 6, 2023

તેમણે પોતાની ટ્વીટમાં રાજસ્થાનના મુખ્યમંત્રી અશોક ગહલોતને પણ ટેગ કર્યા છે. તેમણે કહ્યું કે, મુખ્યમંત્રી આ ઘટનામાં કાર્યવાહી કરે. તો ભારતીય જનતા પાર્ટી (BJP)ના નેતા રાજ્યવર્ધન સિંહ રાઠોડે પણ રાજસ્થાનની કાયદા વ્યવસ્થાને લઈને કોંગ્રેસ સરકાર પર સવાલ ઉઠાવ્યા છે. પરિવારજનો દ્વારા નોંધાવેલ રિપોર્ટના આધાર પર પોલીસનું કહેવું છે કે, 1 જૂનના રોજ છોકરીના ઘર બહારથી સ્કૉર્પિયોમાં આવેલા 10-12 ગુંડા તેને ઉઠાવી લઈ ગયા.

कुख्यात कांग्रेस कुशासन में जंगलराज कायम!

जैसलमेर में युवती का सरेआम अपहरण कर बंजर वीराने में उसके साथ जबरदस्ती शादी कर ली जाती है। ना कोई पुलिस आई, ना गिरफ्तारी हुई? सत्ता के संरक्षण में ऐसी घटनाओं से राजस्थान शर्मसार है! इन सब पर कब लगाम लगेगी ? कब तक हमारी बहन-बेटियां डर के… https://t.co/aIecGx7e6L pic.twitter.com/4h3omNXgOl

— Col Rajyavardhan Rathore (@Ra_THORe) June 6, 2023

પરિવારના લોકોએ પુષ્પેન્દ્ર સિંહ નામના એક યુવક પર આખી ઘટનાનો આરોપ લગાવ્યો હતો, જે ફાઇનાન્સનું કામ કરે છે. આરોપ છે કે છોકરીનું ઘરથી અપહરણ કર્યા બાદ આ લોકો તેને ગામની બહાર લઈ ગયા અને એક ખેતરમાં જઈને ત્યાં ઘાસ સળગાવ્યું આ દરમિયાન એક છોકરાએ છોકરીને ખોળામાં ઉઠાવીને તેની સાથે બળજબરીપૂર્વક લગન કરવા માટે 7 ફેરા લીધા. છોકરીના અપહરણ બાદ પરિવારજનોએ આરોપીઓનો પીછો કર્યો હતો, પરંતુ તેઓ તેને પકડવામાં નિષ્ફળ રહ્યા.

છોકરીના પરિવરાજનોનો આરોપ છે કે આરોપીઓએ પરિવારને ધમકાવ્યો કે જો તેના લગ્ન ક્યાંક દૂર કરી દીધા તો અંજામ ખરાબ થશે. ત્યારબાદ છોકરીને છોડીને બધા આરોપી ફરાર થઈ ગયા. જેસલમેરની આ ઘટનાને લઈને પોલીસનું કહેવું છે કે, ઘટનાના મુખ્ય આરોપીની ધરપકડ કરી લેવામાં આવી છે. સ્થાનિક પોલીસના જણાવ્યા મુજબ, અન્ય આરોપીઓની શોધખોળ કરવા માટે ટીમ બનાવવામાં આવી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.