બિહારના કૈમુર જિલ્લામાંથી એક ચોંકાવી દેનારો વીડિયો સામે આવ્યો છે, જે સોશિયલ મીડિયા પર ઝડપથી વાયરલ થઈ રહ્યો છે. વાયરલ વીડિયોમાં બે મહિલા પોલીસકર્મી એક વૃદ્ધને માર મારતી જોવા મળી રહી છે. નજીવી વાત પર મહિલા પોલીસકર્મીઓને ખૂબ જ માર મારવામાં આવ્યો હતો. જો કે, વીડિયો વાયરલ થયા બાદ પોલીસે આ સમગ્ર મામલાની નોંધ લીધી છે અને હવે કાર્યવાહીની વાત કરવામાં આવી રહી છે. કૈમુરના SPએ કહ્યું કે, આ મામલામાં કાર્યવાહી કરવામાં આવશે. આ દરમિયાન વિપક્ષના લોકોએ પણ બિહારની નીતીશ સરકાર પર નિશાન સાધ્યું છે.
પ્રશાંત કિશોરે નીતીશ સરકાર પર સાધ્યું નિશાન
પ્રશાંત કિશોરે ટ્વીટ કર્યું, 'કૈમુર જિલ્લાની એક પ્રાઇવેટ સ્કૂલમાં ભણાવતા આ વૃદ્ધ સજ્જનની ભૂલ માત્ર એટલી હતી કે તેઓ સાઇકલ પરથી પડી ગયા અને ઉઠવામાં તેમને થોડો સમય લાગી ગયો. આ નીતિશ કુમારના અધિકારીઓનું જંગલરાજ છે. ચોર અને અન્ય ગુનેગારો રાજ કરી રહ્યા છે અને જનતાને લાકડીથી માર મારવામાં આવી રહ્યો છે.
कैमूर ज़िले के एक प्राइवेट स्कूल में पढ़ाने वाले इस बुजुर्ग सज्जन की गलती सिर्फ इतनी थी की साईकिल से गिर गए और उठने में थोड़ी देर हो गयी।
— Prashant Kishor (@PrashantKishor) January 21, 2023
ये नीतीश जी के अधिकारियों का जंगलराज हैं। चोर-उच्चके राज कर रहे हैं और जनता पर लाठियाँ बरसाई जा रही हैं।
Video courtesy: Mukesh Singh, ANI pic.twitter.com/fw1u6QcXq6
કૈમુરમાં વૃદ્ધ શિક્ષકને મરાયો માર
આ વીડિયો કૈમુર જિલ્લાના ભભુઆનો હોવાનું જણાવવામાં આવી રહ્યુ છે. અહીં ફરજ પર હાજર બે મહિલા પોલીસકર્મીઓએ વૃદ્ધ પર લાઠીચાર્જ કર્યો હતો. રિપોર્ટ મુજબ, વૃદ્ધનું નામ નવલ કિશોર પાંડેય છે. તે DPS સ્કૂલમાં ભણાવે છે.
એક પછી એક લાકડીઓ વૃદ્ધ પર વરસી
જણાવવામાં આવી રહ્યું છે કે, વૃદ્ધ શિક્ષક ટ્રાફિક જામ દરમિયાન રોડ ક્રોસ કરી રહ્યા હતા. તે જ સમયે મહિલા પોલીસકર્મીઓ સાથે કોઈ બાબતે બોલાચાલી થઈ ગઈ. જે વાતને મહિલા પોલીસે પોતાના પર લઈ લીધી અને વૃદ્ધ શિક્ષક પર એક પછી એક લાકડીઓ વરસાવી દીધી. આ ઘટનાનો વીડિયો સામે આવ્યા બાદ હાલમાં લોકો પોલીસની બર્બરતા પર સવાલ ઉઠાવી રહ્યા છે.
15.jpg)
