પહેલવાનોનો મોટો દાવો- ટિકિટ છતા ન જોવા દીધી IPL મેચ, પોલીસ બોલી-કોઈને રોક્યા નથી

PC: indianexpress.com

ભારતીય કુશ્તી સંઘના અધ્યક્ષ વૃજભૂષણ શરણ સિંહને પદ પરથી હટાવવાની માગને લઈને દિલ્હીના જંતર-મંતર પર પ્રદર્શન કરી રહેલા પહેલવાનોએ એક મોટો આરોપ લગાવ્યો છે. બજરંગ પુનિયા, સાક્ષી મલિક અને વિનેશ ફોગાટે સંયુક્ત પ્રેસ કોન્ફરન્સ કરીને કહ્યું કે, તેમને દિલ્હીમાં IPL મેચ જોતા રોકવામાં આવ્યા. આ દરમિયાન બજરંગ પુનિયાએ કહ્યું કે, અમારી પાસે ટિકિટ હતી, અમે લોકો મેચ જોવા માટે જઈ રહ્યા હતા, ત્યારે અરુણ જેટલી સ્ટેડિયમમાં પોલીસે અમને રોક્યા.

તેણે કહ્યું કે, અમે જાણવા માગીએ છીએ કે કાયદેસર ટિકિટ હોવા છતા અમને દિલ્હીમાં મેચ જોતા કેમ રોકવામાં આવ્યા. જો કે, દિલ્હી પોલીસે આરોપોનું ખંડન કર્યું છે. દિલ્હી પોલીસ તરફથી કહેવામાં આવ્યું છે કે, પહેલવાનોને IPL જોતા રોકવા સંબંધિત ભ્રામક સમાચાર પ્રસારિત કરી રહ્યા છે. ફિરોજશાહ કોટલા મેદાન પર કોઈ પણ કાયદેસર ટિકિટ કે પાસધારીને રોકવામાં આવ્યા નથી. બધાને તેમના નિયત ગેટ પરથી પ્રવેશ આપવામાં આવ્યો છે.

સાંસદ વૃજભૂષણ શરણ સિંહ વિરુદ્ધ ધરણાં પ્રદર્શન કરનારા પહેલવાનોમાં ઓલિમ્પિક વિજેતા બજરંગ પુનિયા, સાક્ષી મલિક વિનેશ ફોગાટે અને સુમિત મલિક જેવા મોટા નામ સામેલ છે. બજરંગ પુનિયા ટોક્યો ઓલિમ્પિકમાં બ્રોન્ઝ મેડલ વિજેતા છે. તેણે કોમનવેલ્થ 2022માં ગોલ્ડ મેડલ જીત્યું હતું. બજરંગ પુનિયા કોમનવેલ્થ ગેમ્સમાં 2 ગોલ્ડ સહિત 3 મેડલ જીતી ચૂક્યા છે. તે વર્લ્ડ રેસલિંગ ચેમ્પિયનશીપમાં 4 મેડલ જીતી ચૂક્યો છે. એ સિવાય વર્ષ 2013 અને વર્ષ 2019ની ચેમ્પિયનશીપમાં પણ બ્રોન્ઝ મેડલ હાંસલ કર્યું હતું. તો વર્ષ 2018ના વર્લ્ડ ચેમ્પિયનશીપમાં તે સિલ્વર મેડલ જીતવામાં સફળ રહ્યો હતો.

સાક્ષી મલિક રિયો ઓલિમ્પિક મેડલ વિજેતા છે. વર્ષ 2014માં થયેલા ગ્લાસગો કોમનવેલ્થ ગેમ્સમાં 58 કિલોગ્રામ વર્ગમાં સાક્ષીએ સિલ્વર મેડલ જીત્યું હતું. ત્યારબાદ વર્ષ 2015માં દોહામાં થયેલી સીનિયર એશિયન રેસલિંગ ચેમ્પિયનશીપમાં 60 કિલોગ્રામ વર્ગમાં તેણે બ્રોન્ઝ મેડલ જીત્યું હતું. વિનેશ ફોગાટે એશિયાડ અને વર્લ્ડ કુશ્તી ચેમ્પિયનશીપની વિજેતા છે. હરિયાણાના ભિવાની જિલ્લાથી આવનારી વિનેશ ફોગાટ એશિયન રમતોમાં ગોલ્ડ મેડલ જીતનારી પહેલી ભારતીય પહેલવાન છે. વર્લ્ડ રેસલિંગ ચેમ્પિયનશીપમાં બ્રોન્ઝ મેડલ જીતીને તેણે ઇતિહાસ રચી દીધો હતો. સુમિત મલિક રાષ્ટ્રમંડળ રમતોમાં મેડલ વિજેતા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp