જંતર-મંતરથી પ્રદર્શનકારી પહેલવાનોને દિલ્હી પોલીસે કસ્ટડીમાં લઈ લીધા છે. પહેલવાન સંસદ ભવન તરફ માર્ચ કરવાનો પ્રયાસ કરી રહ્યા હતા. આ દરમિયાન પહેલવાનોએ પોલીસની બેરિકેડિંગ તોડી દીધી, ત્યારબાદ તેમને કસ્ટડીમાં લઈ લેવામાં આવ્યા. પહેલવાનોનું કહેવું છે કે, અમે શાંતિપૂર્ણ માર્ચ કાઢીશું. એ અમારો અધિકાર છે. પોલીસે જ્યારે બજરંગ, પુનિયા, વિનેશ ફોગાટ અને સાક્ષી મલિકને કસ્ટડીમાં લીધા, તો તેઓ રસ્તા પર જ ધરણાં પર બેસી ગયા.
આ અગાઉ વિનેશ ફોગાટે વીડિયો શેર કરીને આરોપ લગાવ્યા હતા કે મહિલા મહાપંચાયતમાં સામેલ થવા આવી રહેલા બધા લીડર્સને પોલીસે કસ્ટડીમાં લઈ લીધા છે. પહેલવાન બજરંગ પુનિયાએ પણ મીડિયા સાથે વાત કરતા કહ્યું હતું કે, અમે 11:30 વાગ્યે નવી સંસદ તરફ કૂટ કરીશું. હું પોલીસ પ્રશાસનને અપીલ કરીશ કે અમે શાંતિપૂર્વક જઈશું, અમને પરેશાન ન કરવામાં આવે. બધાને અનુરોધ છે કે શાંતિ બનાવી રાખે.
બજરંગ પુનિયાએ આરોપ લગાવ્યો હતો કે, પોલીસના અધિકારી ગેરવર્તન કરી રહ્યા છે. પરિવારોને પણ અંદર આવવા દેવામાં આવી રહ્યા નથી. આજે મહાપંચાયત થશે. અમે તેની મંજૂરી માટે કાલે જ અરજી આપી હતી. પોલીસ અમારા લોકોને ભરમાવી રહી છે. અમારી સાથે કોઈ વાતચીત થઈ નથી. આ અગાઉ વિનેશ ફોગાટે મીડિયા સાથે વાત કરતા આરોપ લગાવ્યો હતો કે, સરકાર અમારા પર સમજૂતીનો દબાવ બનાવી રહી છે, પરંતુ અમે સમજૂતી માટે તૈયાર નથી કેમ કે જે શરત રાખવામાં આવી રહી છે તે વૃજભૂષણની ધરપકડની જરાય નથી. નવી સંસદ સામે થનારી મહિલા સન્માન મહાપંચાયત થઈને રહેશે.
પહેલવાનોની નવી સંસદ કૂચની જાહેરાતને લઈને દિલ્હીમાં સુરક્ષા વ્યવસ્થા ચુસ્ત કરી દેવામાં આવી હતી. ઈસ્ટ દિલ્હીના DCP અમૃતા ગુગુલોથે કહ્યું કે, દિલ્હી પોલીસ આ પ્રકારના કેસોને પહોંચીવળવા પૂરી રીતે તૈયાર છે. અમારી પાસે અતિરિક્ત માત્રામાં સુરક્ષા બળ છે અને બધાની તૈનાતી કરવામાં આવી છે. તો ટિકરી બોર્ડર પર પણ પોલીસે સુરક્ષા સખત કરી દીધી છે કેમ કે ખાપ પંચાયતના નેતાઓ અને ખેડૂતોએ નવા સંસદ ભવન તરફ પ્રદર્શનકારી પહેલવાનોની માર્ચમાં સામેલ થવાની જાહેરાત કરી હતી.
બીજી તરફ જંતર-મંતર જવા અગાઉ થયેલી કાર્યવાહી પર BKU કાર્યકર્તા ગુસ્સે થઈ ગયા. નેશનલ હાઇવે-34 જામ કરીને તેઓ નેશનલ હાઇવે પર જ ધરણાં પર બેસી ગયા. જાણકારી મળતા જ SP સિટી અને પોલીસકર્મી ઘટનાસ્થળ પર પહોંચી ગયા.
15.jpg)
