ગુરુગ્રામ યુનિવર્સિટીમાં એક ચોંકાવનારો કિસ્સો સામે આવ્યો છે. એક મહિલા આસિસ્ટન્ટ પ્રોફેસરે તેના ડીન પર છેડતીનો આરોપ લગાવ્યો છે. પીડિતાનો આરોપ છે કે ડીન તેને છેલ્લા ઘણા દિવસોથી હેરાન કરી રહ્યો હતો. તેણે આ અંગે ડીનને ફરિયાદ કરવાનો પણ પ્રયાસ કર્યો હતો પરંતુ સમય મળી શક્યો ન હતો. આ પછી મહિલાએ પોલીસમાં FIR નોંધાવી.
ગુરુગ્રામ યુનિવર્સિટીની એક મહિલા આસિસ્ટન્ટ પ્રોફેસરે ફાર્મસી વિભાગના ડીન ડૉ. ધીરેન્દ્ર કૌશિક પર જાતીય સતામણીનો આરોપ લગાવ્યો છે. મહિલાનો આરોપ છે કે ડીન તેને છેલ્લા ઘણા દિવસોથી હેરાન કરી રહ્યો હતો. તે બધાની સામે તેની ઉપર બૂમ બરાડા પાડતો હતો. તેણે તેની સાથે ઘણી વખત ખરાબ વ્યવહાર પણ કર્યો છે. મહિલાનો આરોપ છે કે, 28 એપ્રિલના રોજ ડીને તેને પોતાની પાસે બોલાવી હતી અને ક્લાર્કના રૂમ નંબર 107માં તેની છેડતી કરી હતી. મહિલાનો આરોપ છે કે, ડીને તેને નોકરીમાંથી કાઢી મુકવાની ધમકી પણ આપી હતી. મહિલાએ કહ્યું કે, ડીને તેને કહ્યું હતું કે તું વેસ્ટર્ન ડ્રેસમાં સેક્સી લાગશે.
મહિલા પ્રોફેસરે આરોપ લગાવ્યો કે, 21 એપ્રિલે જ્યારે લેડી પ્રોફેસર ક્લાસ લઈ રહી હતી ત્યારે ડીન ત્યાં આવી ગયા અને અચાનક પોતાની કોઈ પણ ભૂલ વગર તેના પર બૂમ બરાડા પાડવા લાગ્યા. એક દિવસ સવારે 9ને બદલે મહિલા ટ્રાફિક જામના કારણે 9.15 વાગ્યે યુનિવર્સિટી પહોંચી, ત્યારબાદ તેના લેક્ચરનો સમય બદલીને 9થી 10ને બદલે 10થી 11 કરવામાં આવ્યો. તેણે કહ્યું કે 28 એપ્રિલના રોજ પણ પ્રોફેસરે વેરિફિકેશન કર્યા બાદ પગારનું બિલ ડીનની ઓફિસમાં મોકલ્યું, પછી ક્લાર્ક તનુજને મોકલીને પ્રોફેસરને બોલાવ્યા. મહિલાએ કહ્યું કે ડીને મહિલા લેક્ચરરની છેડતી કરી અને જ્યારે તે રૂમમાંથી રડતી બહાર ભાગવા લાગી ત્યારે તેને રોકી દેવામાં આવી હતી. આથી રૂમની બહાર ઘણો સ્ટાફ પણ એકઠો થઈ ગયો હતો. આ પછી ત્યાંના લોકોએ બૂમો પાડતા ડીનને સ્થળ પરથી જતા જોયો. મહિલા લેક્ચરર કહે છે કે, ક્લાર્ક રૂમ નંબર 107માં CCTV હોવાથી તેનો પુરાવો CCTV ફૂટેજમાંથી પણ મળી શકે છે.
આ કેસમાં ડીન ડૉ. ધીરેન્દ્ર કૌશિકનું કહેવું છે કે, આ આરોપો ખોટા છે. તે પોતાના લેકચર બરાબર લઇ નહોતી રહી, તેથી તેને કારણ બતાવો નોટિસ આપવામાં આવી હતી. આથી મારા પર ખોટા આરોપો લગાવવામાં આવી રહ્યા છે. જો કે, આ કેસમાં મહિલા થાણા પૂર્વમાં આરોપી વિરુદ્ધ IPCની કલમ 354 A, 506 હેઠળ કેસ નોંધવામાં આવ્યો છે.
15.jpg)
