શું તમે ક્યારેય વિચાર્યું છે કે કે એક ભોજનમાં પીરસવામાં આવતી વાનગીઓ બ્રેકઅપનું કારણ બની શકે? જી હા આવો જ એક કિસ્સો સામે આવ્યો છે. છોકરો તેની ગલફ્રેન્ડને તેના પેરેન્ટ્સને મળાવવા માટે લઈ ગયો. ત્યા છોકરી માટે ભોજનમાં એવી વસ્તુઓ પીરસવામાં આવી હતી જે છોકરીને બિલકુલ પસંદ ન હતી. તેણી ગુસ્સે થઈ ગઈ અને સંબંધ જ સમાપ્ત થઈ ગયો.
એક કપલ લાંબા સમયથી એકબીજા સાથે રિલેશનશિપમાં હતા અને તેઓ એકબીજાથી પ્રેમ કરતા હતા. તેઓ જલ્દી લગ્ન પણ કરવા માંગતા હતા. આ દરમિયાન છોકરો તેના માતા-પિતાને મળવા છોકરીને તેના ઘરે લઈ ગયો. પરંતુ તેને ક્યાં ખબર હતી કે આ દિવસ તેના જીવનનો સૌથી ખરાબ દિવસ સાબિત થશે. બન્યું એવું કે તેના ઘરમાં એવી ઘટના બની કે છોકરીએ તરત જ તેની સાથે બ્રેકઅપ કરી દીધું.
ખરેખર, આ ઘટના ચીનના સિચુઆન પ્રાંતની છે. સાઉથ ચાઈના મોર્નિંગ પોસ્ટના એક રિપોર્ટમાં આ કપલનું નામ જાહેર કરવામાં આવ્યું નથી પરંતુ સમગ્ર સ્ટોરીને વિગતવાર જણાવવામાં આવી છે. આ ઘટના ત્યારે બની જ્યારે યુવતીને ભોજન પીરસવામાં આવ્યું હતું. ભોજનમાં છોકરી માટે એવી વસ્તુઓ પીરસવામાં આવી હતી જે છોકરીને બિલકુલ પસંદ ન હતી.
છોકરી જે વસ્તુઓને નફરત કરતી હતી તેને જ પીરસવામાં આવી હતી. છોકરો કદાચ છોકરીની પસંદગીની વસ્તુઓ બનાવવાનું ભૂલી ગયો, તેનું પરિણામ ખૂબ જ ખરાબ આવ્યું અને છોકરી ખૂબ ગુસ્સે થઈ ગઈ. રિપોર્ટમાં જણાવવામાં આવ્યું હતું કે તે છોકરી માટે જમવામાં તળેલા ઈંડા, નૂડલ્સ, કોળાના દલિયા જેવી વસ્તુઓ સર્વ કરવામાં આવી હતી. આ બધું ત્યારે થયું જ્યારે બધા ડાઇનિંગ ટેબલ પર બેઠા હતા, છોકરાના માતા-પિતા પણ ત્યાં હાજર હતા.
છોકરીએ પહેલા ભોજન તરફ જોયું, પછી છોકરા તરફ જોયું અને પછી ઉભી થઈ ગઈ. તે કોઈ બહાને બહાર ગઈ અને ફરી પાછી ન આવી. છોકરાએ તેને ઘણી વાર ફોન કરવાનો પ્રયત્ન કર્યો અને તેને પાછી બોલાવી પણ છોકરી ગુસ્સે થઈ ગઈ. તેણીએ કહ્યું કે હું તને નફરત કરું છું, હું આ ભોજન નથી ખાતી, છતાં તે મને આ પીરસી દીધું. આ ઘટના સોશિયલ મીડિયા પર જોરદાર વાયરલ થઈ હતી.
15.jpg)
