...અને આ રીતે ભારતની અંજલિને પાકિસ્તાનની સૂફી સાથે થઈ ગયો પ્રેમ

PC: aajtak.in

સોશિયલ મીડિયા ઈન્ફ્લૂએન્સર અંજલિ ચક્રાએ સૂફી મલિક સાથે પોતાની પ્રેમ કહાની સોશિયલ મીડિયા પર શેર કરી છે. જણાવી દઈએ કે, અંજલિ અને સૂફી, પહેલીવાર એક વાયરલ ફોટોશૂટના કારણે ચર્ચામાં આવ્યા હતા. અંજલિ મૂળ ભારતમાં રહેતી હિંદુ યુવતી છે અને સૂફી મૂળ પાકિસ્તાનની રહેવાસી છે. સૂફી મુસ્લિમ છે. અંજલિ ચક્રાએ જણાવ્યું કે, પોતાના સેમ સેક્સ રિલેશનશિપ વિશે ખુલાસો કરતા જ તેને ખૂબ જ પોપ્યુલારિટી મળવા માંડી. ઘણા મહિનાઓ સુધી પોતાના પાર્ટનરને પ્રાઈવેટલી ડેટ કર્યા બાદ તેમણે આ સંબંધ વિશે ખુલીને વાત કરવાનો નિર્ણય લીધો.

અંજલિએ જણાવ્યું કે, જ્યારે મેં પાર્ટનર સાથે ફોટો પોસ્ટ કરવાનું શરૂ કર્યું તો અમારા ફોલોઅર્સ ખૂબ જ ઝડપથી વધવા માંડ્યા. રિલેશનશિપ વિશે ખુલાસો કર્યા બાદ મેં પહેલા પોસ્ટ કાપેલા વાળ સાથે કરી હતી. આ હેરકટને હું અને મારી બેસ્ટ ફ્રેન્ડ બાઈસેક્શુઅલ બોબ કહીએ છીએ. કારણ કે અમે જોયું હતું કે, બાયસેક્શુઅલ લોકો પોતાની ઓળખ જાહેર કરવા માટે આવા જ હેર કટ કરાવતા હતા.

અંજલિ ચક્રાએ કહ્યું, મને લાગ્યું કે મારે પોતાનો લુક બદલવો જોઈએ જેથી હું ગે લુકમાં દેખાઉં. જોકે, પછી મેં એ શીખ્યું કે LGBTQ કમ્યુનિટીના લોકો જેવા દેખાવાની કોઈ રીત નથી. હું પોતાના લુક સાથે વધુમાં વધુ એક્સપરિમેન્ટ કરવા માંગુ છું.

અંજલિ ચક્રાએ કહ્યું કે, ના અમે પોતે અને ના કોઈ અન્ય અમને એ ફિલ કરાવી શકે છે કે લુકના કારણે અમે આ અદ્ભુત દુનિયાના અન્ય લોકો કરતા અલગ છીએ. જણાવી દઈએ કે, અંજલિ ચક્રા અને સૂફી મલિક અમેરિકાના કેલિફોર્નિયામાં રહે છે. તેમણે પોતાની પહેલી મુલાકાત અને પ્રેમ વિશે એક વીડિયોમાં જણાવ્યું.

અંજલિ ચક્રા અને સૂફી મલિકની પહેલી મુલાકાત ન્યૂયોર્કમાં થઈ હતી. તે બંને એકબીજા સાથે ટાઈમ સ્પેન્ડ કરવા માંડ્યા. ડેટિંગ શરૂ થઈ ગઈ. ત્યારબાદ અંજલિએ સૂફીને પોતાના ઘરે બોલાવી. ગેટ ટુગેધર દરમિયાન સૂફીએ અંજલિને કિસ કરી લીધી. ત્યારબાદ તે બંને સતત મળવા માંડ્યા. તે બંનેનો સંબંધ વધુ ગાઢ બનવા માંડ્યો. ત્યારે અંજલિ કેલિફોર્નિયામાં રહેતી હતી અને સૂફી ન્યૂયોર્કમાં રહેતી હતી.

અંજલિએ કહ્યું કે, બોયફ્રેન્ડની સાથે બ્રેકઅપ બાદ સૂફી સાથે તેની વાતચીત શરૂ થઈ હતી. તેને સૂફી ખૂબ જ પસંદ હતી. ઈન્સ્ટાગ્રામ પર તે સતત સૂફીને ફોલો કરતી હતી. ઈન્સ્ટાગ્રામ દ્વારા જ અંજલિને જાણકારી મળી કે સૂફી બાઈસેક્શુઅલ છે. ત્યારબાદ અંજલિએ સૂફીને મળવાનો પ્લાન બનાવ્યો. ઘણી મુલાકાતો બાદ અંજલિએ સૂફીને પ્રપોઝ કરી દીધુ. તે બંને એક થઈ ગયા. ત્યારબાદ તે બંનેએ એક ફોટોશૂટ કરાવ્યો જે ખૂબ જ ચર્ચામાં રહ્યો. અંજલિ અને સૂફી સોશિયલ મીડિયા પર પણ ખૂબ જ એક્ટિવ રહે છે. તે બંનેને ઈન્સ્ટાગ્રામ પર આશરે 2 લાખ લોકો ફોલો કરે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp