સુંદર દેખાવા માટે ખર્ચ કર્યા 40 લાખ, હવે વ્યક્તિ માનવા માટે તૈયાર નથી લોકો

દરેક વ્યક્તિ પોતાને સુંદર અને પરફેક્ટ બતાવવા ઈચ્છે છે. આંતરિક સુંદરતાને બદલે હાલમાં મહિલાઓ સુંદર દેખાવા માટે કોસ્મેટિક અને પ્લાસ્ટિક સર્જરીની મદદ લેવામાં પણ પાછળ નથી રહેતી. આજે અમે તમને એક એવી જ અમેરિકન મહિલા વિશે જણાવીશું, જેણે લાખો રૂપિયા ખર્ચ કરીને પોતાની સુંદરતામાં વધારો કર્યો છે. અજીબ વાત તો એ છે કે, તે આજે પણ પ્રેમની શોધમાં છે.

મહિલાએ સુંદર દેખાવા માટે પોતાની ઉપર અંદાજે 40 લાખ રૂપિયા ખર્ચ કરી નાંખ્યા. હવે હાલ એ છે કે, બોયફ્રેન્ડ અને રિલેશનશિપ તો દૂર છોકરાઓ તેને માનવી પણ નથી સમજતા. અમેરિકાના વીંસ્કસિનમાં રહેતી Mz.Dani નામની સોશિયલ મીડિયા ઇનફ્લુએન્સરે પોતાનું ડ્રીમ લૂક મેળવવા માટે ઘણી બધી મહેનત કરી અને આટલું બધું કર્યા પછી પણ તેને પોતાના સપનાનો રાજકુમાર નથી મળ્યો.

મિરરના રિપોર્ટ અનુસાર, 35 વર્ષની મિઝ ડૈનીએ પોતાને બાર્બી ડોલની જેમ પરફેક્ટ દેખાવા માટે £42,000 એટલે કે, 40 લાખ રૂપિયાથી વધુની રકમ ખર્ચ કરી નાખી છે, ત્યાર બાદ પરિણામ એ આવ્યું કે, તેનું લુક લોકોને પસંદ તો આવ્યું, પણ એક રમકડાના રૂપમાં. પુરૂષો તેના લુક અને ફિગરની પ્રશંસા કોઈ ડોલની જેમ કરે છે, પણ જીવતી મહિલા માનીને કોઈ તેને ડેટ કરવા નથી ઈચ્છતું. સ્થિતિ એવી છે કે, ઓનલાઈન 6,53,000 ફોલોઅર્સ ધરાવતી મહિલાને જીવનમાં એક સારો બોયફ્રેન્ડ પણ નથી મળી રહ્યો. 

View this post on Instagram

A post shared by Mz.Dani ⭐️ (@mzdanient)

કોઈ દિલથી પ્રેમ કરનાર નથી મળ્યો...

મહિલાનું કહેવું છે કે, લોકો તેને પસંદ કરે છે અને તેની પ્રશંસા કરે છે, તો પણ તેની પર્સનાલીટીથી પ્રેમ કરીને તેને ડેટ કરનાર કોઈ વ્યક્તિ નથી મળી રહ્યો. ઓનલાઈન તેના પ્રશંસકોમાં કોઈ અછત નથી, પણ ઓફલાઈન કોઈ સાચો પ્રેમ નથી. અનેક લોકો તેની તુલના બાર્બી ડોલ સાથે કરે છે. સુંદર ભૂરા વાળ અને પરફેક્ટ ફિગરના કારણે જ લોકો તેને ડોલ જેવી સમજે છે. પોતે ડૈનીનું કહેવું છે કે, ડોલ્સ રમવા માટે હોય છે, પણ મહિલાઓ અલગ-અલગ રીતના શેપ અને સાઈઝની હોઈ શકે છે અને તે દરેક રીતે સુંદર હોય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.