રસ્તા પર પાણી ભરાતા નાની બહેનને પીઠ પર બેસાડીને ચાલવા લાગ્યો ભાઈ, જુઓ વીડિયો

છેલ્લા કેટલાક દિવસોથી વરસાદ દેશના ખૂણે ખૂણામાં મન મૂકીને વરસી રહ્યો છે. નદીઓમાં નવા નીરની આવક થઈ છે. કેટલાક ડેમો છલકાઈ જવાથી ગામડાઓમાં પાણી ભરાઈ ગયા છે. NDRFની ટીમ લોકોની સેવામાં કામ કરી રહી છે. કેટલાક શહેરોમાં પણ વરસાદના પાણી ભરાયા હોવાના સમાચાર સામે આવી રહ્યા છે. એવામાં સોશિયલ મીડિયા પર ભાઈ-બહેનનો એક ખૂબ જ સુંદર વીડિયો ખૂબ જ ઝડપથી વાયરલ થઈ રહ્યો છે અને લોકો આ વીડિયોને ખૂબ જ પસંદ પણ કરી રહ્યા છે.

ભાઈ-બહેનનો પ્રેમ કોઈ પરિચય કે પુરાવાનો મોહતાજ નથી, ન તો કોઈ એપ્રિસિઅશન સર્ટિફિકેટની જરૂરિયાત હોય છે. આ એવો તો ગાઢ સંબંધ હોય છે જેને કોઈ ઇચ્છતા હોવા છતા તોડી શકતા નથી. ભાઈ-બહેનમાં જે પણ મોટું હોય છે, તે પોતાનાથી નાનાની એવી રીતે સંભાળ રાખે છે જેમ કે એક માતા કરે છે. એટલે દરેક પાસે મોટા ભાઈ કે બહેન જરૂર હોવા જોઈએ. જેથી આ અનુભૂતિ સાથે જીવી શકે છે. ટ્વીટર પર વાયરલ થઈ રહેલા વીડિયોમાં બહેન માટે ભાઇનો પ્રેમ જોઈને યુઝર્સે છોકરાના ખૂબ વખાણ કરી રહ્યા છે. વીડિયોને 13 લાખથી વધુ વ્યૂઝ મળી ચૂક્યા છે અને 49.5 હજારથી લાઇક મળી ચૂકી છે.

Brother always wants to protect his sister. ❤️pic.twitter.com/nam08NsOA5

— Figen (@TheFigen) July 12, 2022

મોટો ભાઈ એવા જ હોય છે. બહેન ગમે તેટલી લડાઈ-ઝઘડા કરી લે. તેની પાસેથી સામાન ઝૂંટવીને પોતાનો કરી લે, પરંતુ ભાઈ તેને લડતો નથી.  પ્રેમથી સમજાવવાનો પ્રયત્ન કરે છે, છતા વાત ન બને તો પછી સંતોષ કરીને જ રહી જાય છે, પરંતુ કોઇની શું હિંમત કે તેની બહેનને કોઈ કઈ કહી શકે. આ જ વીડિયોનું જ ઉદાહરણ જોઈ લો. વીડિયોમાં ભાઈ પોતાની બહેનને પીઠ પર બેસાડીને પાણીમાં ચાલી રહ્યો છે. શાળાના યુનિફોર્મમાં દેખાઈ રહેલા છોકરાએ રોડ પર પાણી ભરાયેલું જોયું તો ભાઈએ ફટાફટ પોતાના બૂટ સુરક્ષિત કરવા માટે તેને ઉતારીને બેગમાં નાખી દીધા અને પછી બહેનને પીઠ પર બેસાડી અને તેને ધીરે ધીરે રોડ પાર કરાવવા લાગ્યો. વીડિયોમાં બહેન પ્રત્યે ભાઇનો પ્રેમ જોઈને સોશિયલ મીડિયા પર ખૂબ પસંદ કરવામાં આવી રહ્યો છે.

વીડિયોને એટલો બધો પસંદ કરવામાં આવે છે કે, એક દિવસમાં જ 13 લાખથી વધુ વ્યૂઝ પહોંચી ગયા છે અને અત્યાર સુધી 51 હજારથી વધુ લાઇક્સ મળી ચૂકી છે. એક યુઝરે કમેન્ટ કરતા કહ્યું કે, જો આ છોકરો આ પ્રકારના વિચાર રાખે છે તો તે એક સજ્જન વ્યક્તિના રૂપમાં મોટો થાશે. તો અન્ય એક યુઝરે લખ્યું કે, પોતાની બહેનની રક્ષા કરવાનું તેને મહત્ત્વપૂર્ણ બનાવે છે, તે તેને ક્યારેય નહીં છોડે. એ સિવાય એક યુઝરે ખૂબ જ મજાની કમેન્ટ કરતા લખ્યું કે, જો મોટો ભાઈ પહેલાથી જ પોતાની બહેન માટે એટલો સુરક્ષાત્મક છે તો મને તેના ભાવિ પ્રેમી માટે અફસોસ છે.