ભારતના વડાપ્રધાન નરેન્દ્ર મોદી 3 દિવસના પ્રવાસ પર ઓસ્ટ્રેલિયામાં છે. આ દરમિયાન એવા સમાચાર મળી રહ્યા છે કે, ઓસ્ટ્રેલિયાની સંસદમાં વડાપ્રધાન નરેન્દ્ર મોદી સાથે જોડાયેલી BBCની વિવાદિત ડૉક્યૂમેન્ટ્રી દેખાડવામાં આવશે. આ વર્ષે જાન્યુઆરીમાં આવેલી BBCની ડૉક્યૂમેન્ટ્રી ‘ઈન્ડિયા: ધ મોદી ક્વેશ્ચન’ ભારતમાં રીલિઝ બાદ જ બેન છે. હવે આ ડૉક્યૂમેન્ટ્રીને કેનબરામાં ઉપસ્થિત ઓસ્ટ્રેલિયન સંસદ ભવનમાં દેખાડવામાં આવશે.
આ અગાઉ વડાપ્રધાન નરેન્દ્ર મોદી 22 મેની સાંજે ઓસ્ટ્રેલિયા પહોંચ્યા હતા. એવા સમાચાર છે કે ઓસ્ટ્રેલિયાના વડાપ્રધાન એન્થની અલ્બનીઝ સાથે મુલાકાત બાદ વડાપ્રધાન નરેન્દ્ર મોદી 23 મેના રોજ સિડનીના ઓલિમ્પિક પાર્કમાં એક રેલીને સંબોધિત કરશે. આ રેલીમાં લગભગ 16 હજાર લોકો સામેલ થાય તેવું અનુમાન છે, જે આખા ઓસ્ટ્રેલિયામાં અલગ અલગ વિસ્તારમાંથી અહી પહોંચશે. ઓસ્ટ્રેલિયન મીડિયા સંસ્થા SBS ન્યૂઝના એક રિપોર્ટ મુજબ, ઓસ્ટ્રેલિયામાં કેટલાક રાજનેતાઓ અને માનવાધિકાર કાર્યકર્તાઓના ગ્રુપો ત્યાંના સંસદ ભવનમાં BBC ડૉક્યૂમેન્ટ્રીની સ્ક્રિનિંગ રાખી છે.
આ સંબંધમાં ભારતીય વિદેશ મંત્રાલયના પ્રવક્તા અરિન્દમ બાગચીનું નિવેદન પણ સામે આવ્યું છે. તેમણે કહ્યું કે, એક નકારી ચૂકાયેલા એજન્ડાને આગળ વધારવા માટે આ બધી યોજના બનાવવામાં આવી છે. ઓસ્ટ્રેલિયન સંસદમાં આ ડૉક્યૂમેન્ટ્રી દેખાડ્યા બાદ એક પેનલ ચર્ચા પણ થશે. આ કાર્યક્રમમાં જેલમાં બંધ ગુજરાત પોલીસના પૂર્વ અધિકારી સંજીવ ભટ્ટની દીકરી આકાશી ભટ્ટ પણ સામેલ થશે. આ અગાઉ BBCની ડૉક્યૂમેન્ટ્રીને ભારત સરકારે પ્રોપગેન્ડા બતાવતા બેન કરી દીધી હતી.
વિદેશ મંત્રાલયના પ્રવક્તા અરિન્દમ બાગચીએ 19 જાન્યુઆરીના રોજ પ્રેસ કોન્ફરન્સ કરીને કહ્યું હતું કે, ‘આ એક પ્રોપગેન્ડા છે. તે ખોટા નેરેટિવને વધારવાનો એક માત્ર હિસ્સો છે. તેની પાછળ શું એજન્ડા છે. એ વિચારવા મજબૂર કરે છે. તેમાં પૂર્વાગ્રહ, નિષ્પક્ષતાની કમી અને ઔપનિવેશક માનસિકતાની સ્પષ્ટ ઝલક રહી છે. તેમ કોઈ વસ્તુનિષ્ઠતા નથી.
મોદી ધ ક્વેશ્ચન નામથી BBCની 2 એપિસોડવાળી આ ડૉક્યૂમેન્ટ્રીમાં દાવો કરવામાં આવ્યો છે, તેમાં એક નવી નજરથી દંગાઓને જોવામાં આવ્યા છે. ડૉક્યૂમેન્ટ્રીમાં આરોપ છે કે, વર્ષ 2002માં ગુજરાતમાં જે કંઈ થયું, તેમાં નરસંહારના બધા લક્ષણ હતા અને ડૉક્યૂમેન્ટ્રીમાં તેનો આરોપ ગુજરાતના તાત્કાલીન મુખ્યમંત્રી નરેન્દ્ર મોદી પર લગાવવામાં આવ્યો. સંદર્ભ આપવામાં આવ્યો છે, બ્રિટિશ સરકારના એક ગુપ્ત રિપોર્ટનો. બીજી તરફ ગુજરાત દંગાઓને લઈને સુપ્રીમ કોર્ટ દ્વારા બનાવવામાં આવેલી સ્પેશિયલ ઇન્વેસ્ટિગેશન ટીમ (SIT)એ કહ્યું હતું કે દંગાઓ પાછળ ષડયંત્રના કોઈ પુરાવા નથી. ત્યારબાદ કોર્ટે ગુજરાતના તાત્કાલીન મુખ્યમંત્રી નરેન્દ્ર મોદીને ક્લીનચિટ આપી દેવામાં આવી હતી.
15.jpg)
